കോഴിക്കോട്: കോഴിക്കോട് യുഡിഎഫ് സ്ഥാനാർത്ഥി എം കെ രാഘവനെതിരായി ഉയർന്ന കോഴ വിവാദത്തിൽ വെല്ലുവിളിച്ച് സിപിഎം. സ്റ്റിങ് ഓപ്പറേഷനു പിന്നിൽ സിപിഎം ഗൂഢാലോചന നടത്തിയെന്നുള്ളതിന്റെ തെളിവ് ഹാജരാക്കാൻ സിപിഎം കോഴിക്കോട് ജില്ലാ സെക്രട്ടറി പി മോഹനൻ ആവശ്യപ്പെട്ടു. ആരോപണത്തിന്റെ അടിസ്ഥാനത്തിൽ ജനങ്ങളെ ബോധ്യപ്പെടുത്തുന്ന വിശദീകരണം നൽകാൻ രാഘവന് കഴിഞ്ഞില്ലെന്നും മോഹനൻ പറഞ്ഞു. അതേസമയം, എം കെ രാഘവനെതിരെ ഉയർന്ന കോഴ ആരോപണത്തിനു പിന്നിൽ സിപിഎമ്മാണെന്ന് രമേശ് ചെന്നിത്തല ആവർത്തിച്ചു. സിപിഎമ്മിന്റെ ഇത്തരം ആരോപണങ്ങൾ വിലപ്പോവില്ലെന്നും എം കെ രാഘവൻ വൻ ഭൂരിപക്ഷത്തോടെ വിജയിക്കുമെന്നും ചെന്നിത്തല പറഞ്ഞു.
സിപിഎമ്മിന്റെ ഭാഗത്തുനിന്നും ഇത്തരത്തിലുള്ള ആരോപണങ്ങൾ ഇനിയും ഉണ്ടാകാം. രാഘവനെതിരെയുള്ള ഗൂഢാലോചന നിയമപരമായി നേരിടുമെന്നും ചെന്നിത്തല പറഞ്ഞു.
സിപിഎമ്മിന്റെ ഭാഗത്തുനിന്നും ഇത്തരത്തിലുള്ള ആരോപണങ്ങൾ ഇനിയും ഉണ്ടാകാം. രാഘവനെതിരെയുള്ള ഗൂഢാലോചന നിയമപരമായി നേരിടുമെന്നും ചെന്നിത്തല പറഞ്ഞു.