ചീമേനിയിൽ 120 കള്ള വോട്ടുകൾ രേഖപ്പെടുത്തിയെന്ന് കോൺഗ്രസ്

കാസർഗോഡ്: കയ്യൂർ - ചീമേനിയിൽ കള്ള വോട്ടുകൾ രേഖപ്പെടുത്തിയെന്ന ആരോപണവുമായി വീണ്ടും യുഡിഎഫ് രംഗത്ത്. ചീമേനിയിൽ 120 കള്ള വോട്ടുകൾ ചെയ്‌തെന്നാണ് കോൺഗ്രസ് ഉന്നയിക്കുന്ന പരാതി. സിപിഎം പ്രവർത്തകർ 48 ആം നമ്പർ ബൂത്തിൽ നിന്ന് പല തവണ അവോട്ട് ചെയ്യുന്ന ദൃശ്യങ്ങൾ കോൺഗ്രസ് പുറത്ത് വിട്ടു.

കണ്ണൂരിലും മറ്റും സിപിഎം ശക്തികേന്ദ്രങ്ങളായ 90 ശതമാനത്തിലധികം പോളിങ് രേഖപ്പെടുത്തിയിട്ടുള്ള ബൂത്തുകളില് വെബ്കാസ്റ്റിങ് ദൃശ്യങ്ങൾ നേടാൻ കോൺഗ്രസ് ശ്രമിക്കുന്നുണ്ട്. ഇതിനായി വിവരാവകാശ നിയമം വഴിയും ഹൈക്കോടതിയിൽ റിട്ട് നൽകിയും ശ്രമിക്കുമെന്ന് കോൺഗ്രസ് വ്യക്തമാക്കി.

രാഹുൽ എസ്, വിനീഷ് എന്നിവർ കള്ള വോട്ട് ചെയ്യുന്ന ദൃശ്യങ്ങളാണ് കോൺഗ്രസ് പുറത്ത് വിട്ടത്. 20 ബൂത്തുകളിൽ 90 ശതമാനത്തിലധികം പോളിങ് നടന്നിരുന്നു. യുഡിഎഫ് ശക്തികേന്ദ്രങ്ങളിൽ നിന്ന് വെബ്‌കാസ്റ്റിങ് ദൃശ്യങ്ങൾ നേടാൻ സിപിഎമ്മയും ശ്രമിക്കുന്നുണ്ട്. വടകരയിലും സിപിഎം വ്യാപകമായി കള്ള വോട്ട് നടത്തിയെന്നും കോൺഗ്രസ് ആരോപിച്ചു.