ന്യൂഡൽഹി: ലോക്സഭാ തെരഞ്ഞെടുപ്പിൽ ഡൽഹിയിൽ എഎപി കോൺഗ്രസ് സഖ്യമില്ല. സഖ്യ സാധ്യതകള് അവസാനിപ്പിച്ച് കോൺഗ്രസ് ആറ് സീറ്റുകളിലേക്ക് സ്ഥാനാര്ത്ഥികളെ പ്രഖ്യാപിച്ചു. മുൻ ഡൽഹി മുഖ്യമന്ത്രി ഷീലാ ദീക്ഷിത് നോര്ത്ത്ഈസ്റ്റ് ഡൽഹിയിൽ നിന്ന് ജനവിധി തേടും. മുൻ ഡൽഹി കോൺഗ്രസ് അധ്യക്ഷൻ അജയ് മാക്കൻ ന്യൂഡൽഹിയിൽ നിന്ന് മത്സരിക്കും. മുൻ ഡൽഹി കോൺഗ്രസ് അധ്യക്ഷൻ അരവിന്ദര് ലൗലി ഈസ്റ്റ് ഡൽഹിയിൽ സ്ഥാനാര്ത്ഥിയാകും. മുൻ മന്ത്രി മഹാബൽ മിശ്ര വെസ്റ്റ് ഡൽഹിയിൽ നിന്നും ജെപി അഗര്വാൾ ചാന്ദ്നി ചൗക്കിൽ നിന്നും മത്സരിക്കും.
എഎപി-കോൺഗ്രസ് സഖ്യത്തിനായി രണ്ട് മാസത്തോളം ചര്ച്ചകള് നടന്നിരുന്നു. എന്നാൽ ഡൽഹിക്കു പുറമേ മറ്റ് സംസ്ഥാനങ്ങളിലും സഖ്യം വേണമെന്ന എഎപി നിലപാടിലാണ് കോൺഗ്രസ് എതിര്പ്പ് പ്രകടിപ്പിച്ചത്. ഇതേത്തുടര്ന്നാണ് സഖ്യം വേണ്ടെന്ന തീരുമാനത്തിലേക്ക് ഇരുപാര്ട്ടികളും എത്തിയത്.
എഎപി-കോൺഗ്രസ് സഖ്യത്തിനായി രണ്ട് മാസത്തോളം ചര്ച്ചകള് നടന്നിരുന്നു. എന്നാൽ ഡൽഹിക്കു പുറമേ മറ്റ് സംസ്ഥാനങ്ങളിലും സഖ്യം വേണമെന്ന എഎപി നിലപാടിലാണ് കോൺഗ്രസ് എതിര്പ്പ് പ്രകടിപ്പിച്ചത്. ഇതേത്തുടര്ന്നാണ് സഖ്യം വേണ്ടെന്ന തീരുമാനത്തിലേക്ക് ഇരുപാര്ട്ടികളും എത്തിയത്.