കോൺഗ്രസിന് പ്രതിപക്ഷ നേതൃ പദവി ലഭിച്ചേക്കില്ല

ന്യൂഡൽഹി: കഴിഞ്ഞ തെരഞ്ഞെടുപ്പിനേക്കാൾ സീറ്റ് നിലയിൽ വലിയ മാറ്റം വരുത്താനാകാതെ കോൺഗ്രസ്. 2014 ൽ 44 സീറ്റുകളാണ് കോൺഗ്രസിന് നേടാനായത്. മുന്നൂറിലേറെ സീറ്റുകളിൽ വിജയിച്ച് ബിജെപി വീണ്ടും അധികാരത്തിലേറുമ്പോൾ 50 സീറ്റുകൾ മാത്രമാണ് കോൺഗ്രസിന് സ്വന്തമായുള്ളത്.

കഴിഞ്ഞ തെരഞ്ഞെടുപ്പിൽ നേടിയതിനേക്കാൾ ആറ് സീറ്റുകൾ മാത്രമാണ് കോൺഗ്രസ് കൂടുതലായി നേടിയത്. 542 സീറ്റുകളിൽ 54 സീറ്റുകളെങ്കിലും നേടിയാൽ മാത്രമേ കോൺഗ്രസിന് പ്രതിപക്ഷ കക്ഷി എന്ന പദവി ലഭിക്കുകയുള്ളൂ. കേരളത്തിലും പഞ്ചാബിലും മാത്രമാണ് കോൺഗ്രസിന് മെച്ചപ്പെട്ട നിലയിൽ എത്താൻ കഴിഞ്ഞത്. പഞ്ചാബിൽ എട്ട് സീറ്റുകൾ നേടിയപ്പോൾ കേരളത്തിൽ 15 സീറ്റുകൾ കോൺഗ്രസ് ഉറപ്പാക്കി.