ജ്യോതിരാദിത്യ സിന്ധ്യ ഗുണയിൽ; കോൺഗ്രസിൻ്റെ പുതിയ സ്ഥാനാര്‍ത്ഥി പട്ടിക പുറത്ത്

ന്യൂഡൽഹി: കോൺഗ്രസിൻ്റെ പുതിയ സ്ഥാനാര്‍ത്ഥി പട്ടിക പ്രഖ്യാപിച്ചു. ബീഹാര്‍, ജമ്മു കശ്മീര്‍, മധ്യപ്രദേശ്, പഞ്ചാബ് എന്നീ സംസ്ഥാനങ്ങളിലെ ഏഴ് സീറ്റുകളിലെ സ്ഥാനാര്‍ത്ഥികളെയാണ് പ്രഖ്യാപിച്ചിരിക്കുന്നത്. ഇതുവരെ കോൺഗ്രസ് 386 സ്ഥാനാര്‍ത്ഥികളെ പ്രഖ്യാപിച്ചു.



മുൻ കേന്ദ്രമന്ത്രിമാരായിരുന്ന ജ്യോതിരാദിത്യ സിന്ധ്യ മധ്യപ്രദേശിലെ ഗുണയിൽ നിന്നും, മനീഷ് തിവാരി പഞ്ചാബിലെ ആനന്ദ്പൂര്‍ സാഹിബിൽ നിന്നും ജനവിധി തേടും. ചണ്ഡീഗഡിൽ സ്ഥാനാര്‍ത്ഥിയാക്കണമെന്ന് തിവാരി കോൺഗ്രസിനോട് ആവശ്യപ്പെട്ടിരുന്നു. എന്നാൽ മുൻ റെയിൽവേ മന്ത്രി പവൻ കുമാര്‍ ബൻസാലിനെ ഈ സീറ്റിൽ സ്ഥാനാര്‍ത്ഥിയായി പ്രഖ്യാപിച്ചു.