മോദിക്കെതിരെ നടപടി: തെരഞ്ഞെടുപ്പ് കമ്മീഷന് കോൺഗ്രസിന്‍റെ കത്ത്

ന്യൂഡൽഹി: പ്രധനമന്ത്രി നരേന്ദ്ര മോദിക്കെതിരെ നടപടി ആവശ്യപ്പെട്ട് കോൺഗ്രസ്. തെരഞ്ഞഎടുപ്പ് പെരുമാറ്റ ചട്ടം മോദി ലാഞ്ചിച്ചുവെന്ന് ആരോപിച്ചാണ് കോൺഗ്രസ് നടപടി ആവശ്യപ്പെട്ടത്. മുൻ പ്രധാനമന്ത്രി രാജീവ് ഗാന്ധിയെ അഴിമതിക്കാരനെന്ന് വിളിച്ചു കൊണ്ട് മോദി ചട്ടം ലംഘിച്ചുവെന്ന് കോൺഗ്രസ് ചൂണ്ടിക്കാട്ടി.

കഴിഞ്ഞ ശനിയാഴ്ച ഉത്തർപ്രദേശിൽ നടന്ന തെരഞ്ഞെടുപ്പ് റാലിയിൽ പ്രസംഗിക്കവെയാണ് മോദി രാജീവ് ഗാന്ധിയെ അധിക്ഷേപിച്ചത്. മരിക്കുന്ന സമയത്ത് രാജീവ് ഗാന്ധി ഒന്നാം നമ്പർ അഴിമതിക്കാരനായിരുന്നുവെന്ന് മോദി ആരോപിച്ചു. രാജ്യത്തിന് വേണ്ടി രക്തസാക്ഷിയായ ഒരാളെ ഇത്തരത്തിൽ അപമാനിക്കുന്നത് ഉചിതമല്ലെന്ന് കോൺഗ്രസ് പറഞ്ഞു. ബൊഫോഴ്‌സ് കേസ് ഉദ്ധരിച്ചു കൊണ്ടായിരുന്നു മോദിയുടെ പരാമർശം. സ്വീഡിഷ് കമ്പനിയായ ബോഫോഴ്‌സിൽ നിന്ന് ഇന്ത്യക്ക് ആയുധങ്ങൾ വാങ്ങുന്ന ഇടപാടിൽ രാജീവ് ഗാന്ധി കൈക്കൂലി വാങ്ങിയെന്നായിരുന്നു മോദിയുടെ കേസ്.