തന്‍റെ തോൽവിക്ക് പിന്നിൽ ഗൂഢാലോചന: എം ബി രാജേഷ്

പാലക്കാട്: പാലക്കാട് പാർലമെന്റ് മണ്ഡലത്തിൽ തനിക്കേറ്റ കനത്ത പരാജയത്തിന് പിന്നിൽ ഗഗൂഢാലോചന നടന്നെന്ന് എം.ബി രാജേഷ്. സ്വാശ്രയ കോളജ് ഉടമക്കും തനിക്കെതിരെ നടന്ന ആക്ഷേപങ്ങളിലും ആരോപണങ്ങളിലും പങ്കുണ്ടെന്നും രാജേഷ് ആരോപിച്ചു. വിശദമായ പരിശോധനക്ക് ശേഷം മാത്രമേ സിപിഐ വോട്ടുകൾ ചോർന്നോ എന്ന് പറയാനാകൂ എന്നും രാജേഷ് പറഞ്ഞു.

ചെർപ്പളശേര പാർട്ടി ഓഫീസിൽ പീഡനം നടന്നു എന്ന രീതിയിൽ വ്യാപകമായി വ്യാജ പ്രചാരണം ഉണ്ടായി. ഈ പ്രചാരണത്തെ കുറിച്ച് വിശദമായ അന്വേഷണം നടത്തണമെന്നും രാജേഷ് ആവശ്യപ്പെട്ടു. ഇടത് ശക്തി കേന്ദ്രങ്ങളിൽ ശക്തമായ തിരിച്ചടിയാണ് ഇത്തവണ എം.ബി രാജേഷ് നേരിട്ടത്. ജിഷ്ണു പ്രണോയ് വധത്തിനെതിരെ എസ്എഫ്ഐ നടത്തിയ സമരവും പിന്നീടുണ്ടായ സംഭവവികാസങ്ങളും തെരഞ്ഞെടുപ്പ് ഫലത്തെ ബാധിച്ചതായാണ് സൂചന. വിദ്യാർത്ഥി സംഘടനയും പാർട്ടിയും എതിർക്കുമ്പോഴും കോളജ് ഉടമയുമായി പി.കെ ശശി എംഎൽഎ പുലർത്തുന്ന ബന്ധവും തിരിച്ചടിയായതായാണ് സൂചന.