ചങ്ങോലി: രാജ്യത്തെ ജനങ്ങൾ നരേന്ദ്ര മോദി വീണ്ടും അധികാരത്തിൽ വരണമെന്നാണ് ആഗ്രഹിക്കുന്നതെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ബുധനാഴ്ച യുപിയിലെ ചങ്ങോലിയിൽ നടന്ന റാലിക്കിടെയായിരുന്നു യോഗിയുടെ അവകാശവാദം. ലോക് സഭാ തെരഞ്ഞെടുപ്പിന്റെ മൂന്ന് ഘട്ടങ്ങൾ പിന്നിടുമ്പോൾ രാജ്യത്തെ ജനങ്ങൾ മോദിയുടെ രണ്ടാം വരവിനാണ് ആഗ്രഹിക്കുന്നതെന്നും യോഗി പറഞ്ഞു. ഏക ഭാരതം, ശ്രേഷ്ഠ ഭാരതം എന്നതാകണം നമ്മുടെ മാതൃകാ വചനം. ഈ സ്വപ്നം മോദി സാക്ഷാത്കരിക്കുമെന്നും യോഗി പറഞ്ഞു. രാജ്യത്തിന്റെ ഭക്ഷണ കോപ്പയാണ് ചങ്ങോലി. ഇവിടുത്തെ കാർഷിക വിളകൾക്ക് ആവശ്യത്തിന് താങ്ങുവില കേന്ദ്രസർക്കാർ പ്രഖ്യാപിച്ചിട്ടുണ്ടെന്നും യോഗി വ്യക്തമാക്കി.
സ്കൂളുകൾ, റോഡുകൾ, പാവപ്പെട്ടവർക്കുവേണ്ടിയുള്ള ഗ്യാസ് കണക്ഷൻ, എന്നിങ്ങനെ പാവപ്പെട്ടവർക്കുവേണ്ടിയുള്ള ക്ഷേമപ്രവർത്തനങ്ങൾ പ്രദേശത്തിന്റെ എംപിയായ മഹേന്ദ്ര നാഥ് പാണ്ഡേയാണ് നടപ്പാക്കിയതെന്നും യോഗി പറഞ്ഞു. 80 ലോക്സഭാ മണ്ഡലങ്ങളിൽ ഇതുവരെ 26 മണ്ഡലങ്ങളിലാണ് യുപിയിൽ തെരഞ്ഞെടുപ്പ് നടന്നത്. ഏഴ് ഘട്ടങ്ങളിലാണ് ഇവിടെ തെരഞ്ഞെടുപ്പ് നടക്കുന്നത്. മേയ് 23ന് വോട്ടെണ്ണും.
സ്കൂളുകൾ, റോഡുകൾ, പാവപ്പെട്ടവർക്കുവേണ്ടിയുള്ള ഗ്യാസ് കണക്ഷൻ, എന്നിങ്ങനെ പാവപ്പെട്ടവർക്കുവേണ്ടിയുള്ള ക്ഷേമപ്രവർത്തനങ്ങൾ പ്രദേശത്തിന്റെ എംപിയായ മഹേന്ദ്ര നാഥ് പാണ്ഡേയാണ് നടപ്പാക്കിയതെന്നും യോഗി പറഞ്ഞു. 80 ലോക്സഭാ മണ്ഡലങ്ങളിൽ ഇതുവരെ 26 മണ്ഡലങ്ങളിലാണ് യുപിയിൽ തെരഞ്ഞെടുപ്പ് നടന്നത്. ഏഴ് ഘട്ടങ്ങളിലാണ് ഇവിടെ തെരഞ്ഞെടുപ്പ് നടക്കുന്നത്. മേയ് 23ന് വോട്ടെണ്ണും.