ബെംഗളുരു: മുഖ്യമന്ത്രിയായിരിക്കെ താൻ ആരെയും ഒന്നും ചെയ്തിട്ടില്ലെന്നും എന്നാൽ മുഖ്യമന്ത്രി പദവിയിലിരുന്ന് നിരപരാധികളെ കൊന്നുതള്ളിയ ആളാണ് നരേന്ദ്ര മോദിയെന്നും കർണ്ണാടക മുഖ്യമന്ത്രി കുമാരസ്വാമി. തനിക്ക് മോദിയിൽനിന്നും ഒന്നും പഠിക്കാനില്ലെന്നും കുമാരസ്വാമി പറഞ്ഞു. അംബേദ്ക്കർ ജയന്തിയോടനുബന്ധിച്ചുള്ള പരിപാടിയിൽ പങ്കെടുത്തശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. സംസ്ഥാനത്ത് നടക്കുന്ന ഇൻകം ടാക്സ് റെയ്ഡുകളെ തനിക്ക് പേടിയില്ല. ജെഡിഎസ് അധ്യക്ഷൻ എച്ച് ഡി ദേവഗൌഡ രാത്രി ഭക്ഷണം കഴിക്കാൻ പോയ വീട്ടിൽവരെ ഇൻകംടാക്സ് റെയ്ഡ് നടന്നു. എന്തുതരം സർക്കാരാണിതെന്നും കുമാരസ്വാമി ചോദിച്ചു.
മാർച്ച് 28ന് കർണ്ണാടകയിലെ വിവിധയിടങ്ങളിൽ നടത്തിയ റെയ്ഡിൽ 1.66 കോടി രൂപ പിടിച്ചെടുത്തിരുന്നു. കർണ്ണാടകത്തിൽ ബിജെപിക്കൊപ്പം സർക്കാർ രൂപീകരിക്കാൻ ക്ഷണിച്ചിരുന്നെന്നും എന്നാൽ സഹകരിക്കാത്തതിലുള്ള രാഷ്ട്രീയ പകപോക്കലാണ് റെയ്ഡുകളെന്നും ദേവഗൌഡ പ്രതികരിച്ചു.
മാർച്ച് 28ന് കർണ്ണാടകയിലെ വിവിധയിടങ്ങളിൽ നടത്തിയ റെയ്ഡിൽ 1.66 കോടി രൂപ പിടിച്ചെടുത്തിരുന്നു. കർണ്ണാടകത്തിൽ ബിജെപിക്കൊപ്പം സർക്കാർ രൂപീകരിക്കാൻ ക്ഷണിച്ചിരുന്നെന്നും എന്നാൽ സഹകരിക്കാത്തതിലുള്ള രാഷ്ട്രീയ പകപോക്കലാണ് റെയ്ഡുകളെന്നും ദേവഗൌഡ പ്രതികരിച്ചു.