പത്തനംതിട്ട: സംഘപരിവാര് ശബരിമലയെ തകര്ക്കാൻ ശ്രമിച്ചപ്പോൾ സര്ക്കാര് സംരക്ഷിച്ചുവെന്ന് മുഖ്യമന്ത്രി പിണറായി വിജയൻ. ശബരിമല ഉത്സവം തകര്ക്കണം എന്നതായിരുന്നു സംഘപരിവാര് നിലപാട്. ഇത് പൊളിഞ്ഞുവെന്നും മുഖ്യമന്ത്രി പറഞ്ഞു. പത്തനംതിട്ടയിലെ തെരഞ്ഞെടുപ്പ് യോഗത്തിൽ സംസാരിക്കുകയായിരുന്നു മുഖ്യമന്ത്രി. കാണിക്കയിടാൻ പാടില്ലെന്ന് പറഞ്ഞതാര്? സ്ത്രീകളെ ആക്രമിച്ചതാര്? എല്ലാം സംഘപരിവാറാണ്. തീര്ത്ഥാടനം മുടക്കാനാനുള്ള ശ്രമത്തെ സര്ക്കാര് തടയുകയായിരുന്നു. ദേവസ്വം ബോര്ഡിൻ്റെ വരുമാനത്തിലെ കുറവ് സര്ക്കാര് നികത്തി. എന്നാൽ പലരും തെറ്റിദ്ധാരണ പരത്തുകയാണെന്ന് അദ്ദേഹം പറഞ്ഞു.
കോൺഗ്രസ് അധ്യക്ഷൻ രാഹുൽ ഗാന്ധിയുടെ വയനാട്ടിലെ സ്ഥാനാര്ത്ഥിത്വം അവരുടെ നിലപാടിൻ്റെ വീഴ്ചയാണ്. കേരളത്തിൽ പലയിടത്തും ബിജെപി കോൺഗ്രസ് രഹസ്യധാരണകള് ഉണ്ടെന്നും അദ്ദേഹം പറഞ്ഞു. മുത്തലാഖ് ബില്ലിനെപ്പറ്റി കോൺഗ്രസ് മിണ്ടുന്നില്ലെന്നും പിണറായി വിജയൻ ആരോപിച്ചു.
കോൺഗ്രസ് അധ്യക്ഷൻ രാഹുൽ ഗാന്ധിയുടെ വയനാട്ടിലെ സ്ഥാനാര്ത്ഥിത്വം അവരുടെ നിലപാടിൻ്റെ വീഴ്ചയാണ്. കേരളത്തിൽ പലയിടത്തും ബിജെപി കോൺഗ്രസ് രഹസ്യധാരണകള് ഉണ്ടെന്നും അദ്ദേഹം പറഞ്ഞു. മുത്തലാഖ് ബില്ലിനെപ്പറ്റി കോൺഗ്രസ് മിണ്ടുന്നില്ലെന്നും പിണറായി വിജയൻ ആരോപിച്ചു.