നോയിഡ: ഉത്തർപ്രദേശിലെ നോയിഡയിലെ പോളിങ് ബൂത്തിൽ നമോ ഭക്ഷണപ്പൊതികൾ വിതരണം ചെയ്തത് വിവാദമാകുന്നു. വോട്ടെടുപ്പ് നടക്കുന്നതിനിടെയാണ് നമോ എന്നെഴുതിയ ബോക്സുകളിലാണ് ഭക്ഷണം വിതരണം ചെയ്തത്. ഗൌതം ബുദ്ധനഗറിലെ പോളിങ് ബൂത്തിലായിരുന്നു സംഭവം. സംഭവത്തിൽ ഉത്തർപ്രദേശിലെ മുഖ്യതെരഞ്ഞെടുപ്പ് കമ്മീഷൻ ഓഫീസർ വിശദീകരണം തേടിയിട്ടുണ്ട്. ജില്ലാ മജിസ്ട്രേറ്റിനോടാണ് വിശദീകരണം തേടിയത്. തെരഞ്ഞെടുപ്പ് പെരുമാറ്റച്ചട്ടത്തിന്റെ ലംഘനം ഉണ്ടായിട്ടുണ്ടോയെന്ന് പരിശോധിക്കാനാണ് ആവശ്യം.
ഭക്ഷണപ്പൊതികൾ കൊണ്ടുവന്നതിൽ പ്രശ്നങ്ങളൊന്നും ഉണ്ടായിരുന്നില്ലെന്നാണ് പോളിങ് സ്റ്റേഷനിലുണ്ടായിരുന്നവരുടെ വാദം. ഭക്ഷണപ്പൊതി കൊണ്ടുവന്ന സ്ഥാപനവുമായി തങ്ങൾക്ക് ബന്ധമില്ലെന്ന് ബിജെപിയും വ്യക്തമാക്കി.
ഭക്ഷണപ്പൊതികൾ കൊണ്ടുവന്നതിൽ പ്രശ്നങ്ങളൊന്നും ഉണ്ടായിരുന്നില്ലെന്നാണ് പോളിങ് സ്റ്റേഷനിലുണ്ടായിരുന്നവരുടെ വാദം. ഭക്ഷണപ്പൊതി കൊണ്ടുവന്ന സ്ഥാപനവുമായി തങ്ങൾക്ക് ബന്ധമില്ലെന്ന് ബിജെപിയും വ്യക്തമാക്കി.