രാഹുൽ ഗാന്ധിയുടെ സമ്മേളനത്തിന് അനുമതി നിഷേധിച്ചു

കൊല്ലം: കോൺഗ്രസ് അധ്യക്ഷൻ രാഹുൽ ഗാന്ധി പങ്കെടുക്കാനിരുന്ന പത്തനാപുരത്തെ യോഗത്തിന് അനുമതി നിഷേധിച്ചു. ജില്ലാ വരണാധികാരി കൂടിയായ ജില്ലാ കളക്ടറാണ് അനുമതി നിഷേധിച്ചത്.

പോളിങ് സ്റ്റേഷനായ സെന്റ് സ്റ്റീഫൻസ് സ്‌കൂൾ ഗ്രൗണ്ടിലാണ് രാഹുൽ ഗാന്ധിയുടെ സമ്മേളനം വെച്ചിരിന്നത്. സ്‌കൂളിൽ 16ന് പരിശീലന പരിപാടി വെച്ചിട്ടുണ്ടെന്ന് ചൂണ്ടിക്കാട്ടിയാണ് അനുമതി നിഷേധിച്ചത്. തുടർന്ന്, രാഹുൽ ഗാന്ധിയുടെ സമ്മേളനം നടത്താൻ പത്തനാപുരത്ത് തന്നെ മറ്റൊരു വേദി തേടുകയാണ് കോൺഗ്രസ്.