മോദിയുടെ ശബരിമല പ്രസംഗം വെറും നാടകമാണെന്ന് എ കെ ആൻ്റണി

തൃശൂര്‍: ശബരിമലയിലെ വിശ്വാസവും ആചാരവും സംരക്ഷിക്കുമെന്ന പ്രധാനമന്ത്രി നരേന്ദ്രമോദിയുടെ പ്രസംഗം വെറും നാടകമാണെന്ന് മുതിര്‍ന്ന കോൺഗ്രസ് നേതാവ് എ കെ ആൻ്റണി. കേസ് സുപ്രീംകോടതി പരിഗണിച്ചപ്പോള്‍ ഒന്നും പറയാത്തവരാണ് ഇപ്പോള്‍ വിശ്വാസവും ആചാരവും സംരക്ഷിക്കുമെന്ന് പറയുന്നതെന്നും അദ്ദേഹം വിമര്‍ശിച്ചു.

ശബരിമല യുവതി പ്രവേശന കേസ് കൊടുത്തത് ബിജെപിയുടെ വനിതാ നേതാക്കളാണ്. കേസിൽ സുപ്രീംകോടതി വിധി വന്നിട്ടും ഓര്‍ഡിൻസ് ഇറക്കാൻ ബിജെപി തയ്യാറായിട്ടില്ല. കേരളത്തെ കലാപ ഭൂമിയാക്കാനാണ് ഇവര്‍ ശ്രമിച്ചതെന്നും എ കെ ആൻ്റണി പറഞ്ഞു.

രാജ്യത്തിൻ്റെ സൈന്യത്തെ ബിജെപി രാഷ്ട്രീയവത്കരിക്കുകയാണ്. സൈന്യത്തെ ദുരുപയോഗം ചെയ്യുന്നത് രാജ്യദ്രോഹമാണെന്നും അദ്ദേഹം പറഞ്ഞു.