സംസ്ഥാനത്തെ ഒരു ബൂത്തിൽ ചൊവ്വാഴ്ച റീപോളിങ്
ആകെ 187 വീടുകളാണ് 83 ാം നമ്പർ ബൂത്തിലുള്ളത്. 187 വീടുകളിലായി 912 വോട്ടർമാരും ഉണ്ട്. പോൾ ചെയ്ത 715 വോട്ടിനേക്കാൾ 43 വോട്ടുകൾ അധികം കണ്ടെത്തിയിരുന്നു. മോക്ക് പോളിൽ രേഖപ്പെടുത്തിയ വോട്ടുകൾ നീക്കം ചെയ്യാൻ ഉദ്യോഗസ്ഥർ വിട്ടു പോയതിനെ തുടർന്നാണ് കൂടുതൽ വോട്ടുകൾ രേഖപ്പെടുത്തിയത്.
Samayam Malayalam 28 Apr 2019, 2:25 pm
ഹൈലൈറ്റ്:
- സ്ഥാനാർഥികൾ റീപോളിങ് ആവശ്യപ്പെട്ട് കത്ത് നൽകി
- ആകെ പോൾ ചെയ്തതിനേക്കാൾ 43 വോട്ടുകൾ കൂടുതൽ
- മോക്ക് പോൾ നടത്തിയ വോട്ടുകൾ നീക്കം ചെയ്തില്ല
കൊച്ചി: എറണാകുളം മണ്ഡലത്തിലെ കളമശേരിയിലുള്ള 83 ാം ബൂത്തിൽ ചൊവ്വാഴ്ച റീപോളിങ്. സ്ഥാനാർഥികളായ പി. രാജീവും ഹൈബി ഈഡനും അൽഫോൺസ് കണ്ണന്താനവും എറണാകുളം മണ്ഡലത്തിലെ വോട്ടർമാരോട് വീണ്ടും വോട്ടഭ്യർത്ഥിച്ചു. മൂന്ന് സ്ഥാനാർഥികളും പ്രചാരണ രംഗത്ത് സജീവ സാന്നിധ്യമായി തുടരുകയാണ്. ആകെ 187 വീടുകളാണ് 83 ാം നമ്പർ ബൂത്തിലുള്ളത്. 187 വീടുകളിലായി 912 വോട്ടർമാരും ഉണ്ട്. പോൾ ചെയ്ത 715 വോട്ടിനേക്കാൾ 43 വോട്ടുകൾ അധികം കണ്ടെത്തിയിരുന്നു. മോക്ക് പോളിൽ രേഖപ്പെടുത്തിയ വോട്ടുകൾ നീക്കം ചെയ്യാൻ ഉദ്യോഗസ്ഥർ വിട്ടു പോയതിനെ തുടർന്നാണ് കൂടുതൽ വോട്ടുകൾ രേഖപ്പെടുത്തിയത്. സംസ്ഥാനത്ത് റീപോളിങ് നടക്കുന്ന ഏക ബൂത്ത് കൂടിയാണിത്. ഇവിടെ റീപോളിങ് വേണമെന്ന് സ്ഥാനാർഥികൾ തെരഞ്ഞെടുപ്പ് ഓഫീസറോട് ആവശ്യപ്പെട്ടിരുന്നു.