യോഗി ആദിത്യനാഥിന്റെ വിവാദ ട്വീറ്റുകൾ നീക്കം ചെയ്തു

ന്യൂഡൽഹി: ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ വിവാദ ട്വീറ്റുകൾ ട്വറ്റർ നീക്കംചെയ്തു. മുസ്ലിം ലീഗിനെ വൈറസ് എന്ന് അധിക്ഷേപിച്ച രണ്ട് ട്വീറ്റുകളാണ് ട്വിറ്റർ നീക്കിയത്. വൈറസ് പരാമർശത്തിനെതിരെ തെരഞ്ഞെടുപ്പ് കമ്മീഷൻ നടപടിയെടുത്തിരുന്നു. തെരഞ്ഞെടുപ്പ് പ്രചാരണ പരിപാടികളിൽ പങ്കെടുക്കുന്നതിന് മൂന്ന് ദിവസത്തെ വിലക്കാണ് യോഗിക്ക് ഏർപ്പെടുത്തിയത്. രാഹുൽ ഗാന്ധി ഒരു മണ്ഡലത്തിൽ പ്രചാരണം നടത്തുന്നത് നാം കണ്ടതാണ്. പച്ച മാത്രമാണ് അവിടെ ദൃശ്യമായത്. കോൺഗ്രസ് പച്ച വൈറസിനാൽ ബുദ്ധിമുട്ടുകയാണ്. എന്നിങ്ങനെയായിരുന്നു യോഗി ആദിത്യനാഥിന്റെ ട്വീറ്റ്.