'മേതിൽ ദേവികയെയും മുകേഷിനെയും വെറുതെ വിടുക'

എത്രയൊക്കെ വിദ്യാസമ്പന്നർ ആണെന്ന് പറഞ്ഞാലും സംസ്ക്കാരം തൊട്ടു തീണ്ടിയിട്ടില്ലാത്ത ഒരു ജനതയാണ് നാം ഇപ്പോഴും. കുറച്ചു നാളുകൾക്കു മുൻപ് കേരളം ഏറ്റവും കൂടുതൽ ചർച്ച ചെയ്ത പേരാണ് വിസ്മയ എന്നത്. ദാമ്പത്യ ജീവിതത്തിൽ ഉണ്ടായ മാനസികവും ശാരീരികവുമായ അക്രമങ്ങളാൽ സ്വയം ജീവനൊടുക്കിയ പെൺകുട്ടി.

അന്ന് ഞാനടക്കമുള്ള കേരളത്തിലെ മഹാഭൂരിപക്ഷം ആളുകളും വാതോരാതെ സംസാരിച്ചിരുന്നത് ഒത്തുപോകാൻ കഴിയാത്ത ബന്ധങ്ങളിൽ നിന്നും എത്രയും വേഗം പുറത്തുകടക്കുക എന്നതിനെ കുറിച്ചായിരുന്നു. എന്ന് സാജിദ് അഭിപ്രായപ്പെട്ടു.

എന്നാൽ ഇന്ന് രണ്ടു വ്യക്തികൾ അവരുടെ ഇഷ്ടപ്രകാരം ഒരു വിവാഹ ബന്ധം വേര്പിരിയുമ്പോൾ അതിനെ സാമൂഹ്യ മാധ്യമങ്ങൾ വിചാരണ ചെയ്യുകയാണ്. അവളിറങ്ങുന്നത് അഴിഞ്ഞാടാനാണ് അല്ലെങ്കിൽ പല സ്ത്രീ ബന്ധമാണ് അവരെ വേർതിരിക്കുന്നത് എന്ന് സ്ഥാപിക്കാനാണ് ആളുകൾ ശ്രമിക്കുന്നത്. അവരുടെ സ്വകാര്യതയിലേക്ക് ക്യാമറക്കണ്ണുകൾ വച്ച് നോക്കുകയാണെന്ന് അദ്ദേഹം തന്‍റെ ഫേസ്ബുക്ക് പോസ്റ്റില്‍ പറഞ്ഞു.

ഫേസ്ബുക്ക് പോസ്റ്റിന്റെ പൂർണരൂപം വായിക്കാം:

എത്രയൊക്കെ വിദ്യാസമ്പന്നർ ആണെന്ന് പറഞ്ഞാലും സംസ്ക്കാരം തൊട്ടു തീണ്ടിയിട്ടില്ലാത്ത ഒരു ജനതയാണ് നാം ഇപ്പോഴും. കുറച്ചു നാളുകൾക്കു മുൻപ് കേരളം ഏറ്റവും കൂടുതൽ ചർച്ച ചെയ്ത പേരാണ് വിസ്മയ എന്നത്. ദാമ്പത്യ ജീവിതത്തിൽ ഉണ്ടായ മാനസികവും ശാരീരികവുമായ അക്രമങ്ങളാൽ സ്വയം ജീവനൊടുക്കിയ പെൺകുട്ടി. അന്ന് ഞാനടക്കമുള്ള കേരളത്തിലെ മഹാഭൂരിപക്ഷം ആളുകളും വാതോരാതെ സംസാരിച്ചിരുന്നത് ഒത്തുപോകാൻ കഴിയാത്ത ബന്ധങ്ങളിൽ നിന്നും എത്രയും വേഗം പുറത്തുകടക്കുക എന്നതിനെ കുറിച്ചായിരുന്നു. എന്നാൽ ഇന്ന് രണ്ടു വ്യക്തികൾ അവരുടെ ഇഷ്ടപ്രകാരം ഒരു വിവാഹ ബന്ധം വേര്പിരിയുമ്പോൾ അതിനെ സാമൂഹ്യ മാധ്യമങ്ങൾ വിചാരണ ചെയ്യുകയാണ്.

അവളിറങ്ങുന്നത് അഴിഞ്ഞാടാനാണ് അല്ലെങ്കിൽ പല സ്ത്രീ ബന്ധമാണ് അവരെ വേർതിരിക്കുന്നത് എന്ന് സ്ഥാപിക്കാനാണ് ആളുകൾ ശ്രമിക്കുന്നത്. അവരുടെ സ്വകാര്യതയിലേക്ക് ക്യാമറക്കണ്ണുകൾ വച്ച് നോക്കുകയാണ്. ഒരാൾക്ക് ഒരാളെ ഉപേക്ഷിക്കാൻ പല കാരണങ്ങൾ ഉണ്ടാകാം. അതിലെ നന്മ തിന്മകളെ മറ്റൊരാൾക്ക് എങ്ങനെയാണ് തിരിച്ചറിയാൻ കഴിയുന്നത്. പരസ്പരം സ്നേഹിക്കുന്നുണ്ടെങ്കിലും ഒത്തുപോകാൻ പറ്റില്ലന്ന് തീരുമാനം എടുക്കുന്ന നിമിഷം മുതൽ എത്രപേർക്കാണ് അതിൻ്റെ കാര്യ കാരണങ്ങൾ ബോധിപ്പിക്കേണ്ടി വരുന്നത്. എന്തൊരു ഗതികേടാണിത്.

എട്ട് വർഷക്കാലം കൂടെ ഉണ്ടായിരുന്ന ഒരാളെ പിരിയുക എന്നത് അത്ര എളുപ്പമല്ല. ശരീരം കൊണ്ട് രണ്ട് ഇടങ്ങളിൽ ആയാലും മനസ്സ് അയാളിൽ നിന്ന് അകലാൻ ഒരുപക്ഷേ സമയം ഒരുപാട് എടുക്കും. അത്തരം ഒരു അവസ്ഥയിൽ സെപ്പറേഷൻ ആവുന്ന ആളുകളെ നമ്മുടെ ആത്മരതിക്ക് വേണ്ടി അവരുടെ ജീവിതം പൊതു ഇടങ്ങളിൽ ചർച്ചക്ക് വെക്കുന്നത് നല്ലൊരു മനുഷ്യ സമൂഹത്തിന് യോജിച്ചതല്ല.

" ഒരുമിച്ചു ജീവിച്ച രണ്ടുപേര് വേർപിരിയുക എന്നത് രണ്ട് പേരെയും സംബന്ധിച്ചിടത്തോളം വളരെ വേദനാജനകമായ സാഹചര്യമാണ്. അത് വളരെ സമാധാനപരമായി നേരിടാൻ എല്ലാവരും അനുവദിക്കണം"
മേതിൽ ദേവികയുടെ ഈ വാക്കുകൾ സംസ്ക്കാര സമ്പന്നയായ ഒരു സ്ത്രീയുടെ വാക്കുകളാണ്. അതിലേക്കാണ് മനുഷ്യരായ നമ്മൾ വളരേണ്ടത്. അതുകൊണ്ട് മേതിൽ ദേവികയെയും മുകേഷിനെയും വെറുതെ വിടുക. അവർ അവർക്ക് ഇഷ്ടമുള്ള പോലെ ജീവിക്കട്ടെ.