മൊബൈൽ മോഷ്ടിച്ചതിന് കേസ്; സത്യം അറിഞ്ഞപ്പോൾ പോലീസുകാരൻ പുതിയ ഫോൺ സമ്മാനം നൽകി

നഗരത്തിലെ പിടിച്ചുപറി കേസില്‍ അറസ്റ്റിലായ പതിമൂന്ന് വയസുകാരനെ പോലീസ് ചോദ്യം ചെയ്തപ്പോള്‍ ആണ് ഞെട്ടിക്കുന്ന വിവരങ്ങള്‍ പുറത്തുവന്നത്. പഠിക്കാന്‍ ഉള്ള കൊതി കൊണ്ടാണ് താന്‍ ഫോണ്‍ മോഷ്ടിച്ചതെന്ന് കുട്ടി പോലീസിനോട് പറഞ്ഞു. സംഭവം സത്യമാണെന്ന് മനസ്സിലാക്കിയ പോലീസ് കുട്ടിക്ക് പുതിയ ഫോണ്‍ സമ്മാനമായി നല്‍കി.

Also Read: ഉപേക്ഷിക്കപ്പെട്ട മാളികയുടെ ദൃശ്യങ്ങൾ പകര്‍ത്തി അമ്മ മകള്‍ക്ക് അയച്ചു; മകൾ കണ്ടത് ഞെട്ടിക്കുന്ന കാഴ്ച്ച!
സെൽഫോൺ ഇല്ലാതെ ഓൺലൈൻ ക്ലാസുകളിൽ പങ്കെടുക്കാൻ കഴിയില്ല. അച്ഛൻ ബിസ്‌ക്കറ്റ് വില്‍ക്കുന്ന കടയില്‍ ആണ് ജോലി ചെയ്യുന്നത്. അമ്മക്ക് ജോലിയില്ല. ലോക്ക്ഡൗണ്‍ കാരണം വലിയ ബുദ്ധിമുട്ടിലാണ് കുടുംബം ജീവിക്കുന്നത്.കുട്ടിയുടെ മാതാപിതാക്കള്‍ക്ക് മൊബൈൽ ഫോണ്‍ വാങ്ങാന്‍ സാമ്പത്തികമായ കഴിവ് ഇല്ലെന്ന് പോലീസ് പറയുന്നു.

ക്ലാസുകളില്‍ പങ്കെടുക്കാന്‍ കഴിയാത്ത കുട്ടി പിടിച്ചുപറി സംഘത്തിനൊപ്പം ചേര്‍ന്നു. തുടര്‍ന്ന് നടത്തിയ മോഷണത്തിലാണ് പോലീസ് കുട്ടിയെ പിടികൂടിയത്. കുട്ടിക്ക് പുതിയ ഫോണ്‍ വാങ്ങി നല്‍കി കേസ് രജിസ്റ്റര്‍ ചെയ്യാതെ വിട്ടയച്ചു എന്ന് പോലീസ് ടൈംസ് ഓഫ് ഇന്ത്യയോട് പറഞ്ഞു.