"ഹ്യൂമൻ സാത്താൻ" ആവാൻ മൂക്ക് മുറിച്ചു; ശരീരത്തിൽ വിചിത്രമായ പരിഷ്‌കാരങ്ങൾ നടത്തിയ 44 കാരൻ ഭീകരരൂപിയായി മാറി (വീഡിയോ)

മേക്കോവർ എന്ന ആശയം പലപ്പോഴും നമ്മളെ ഞെട്ടിക്കും. എന്നാല്‍ അതിരുകടന്ന ഒരു ബോഡി മോഡിഫിക്കേഷൻ ആണ് ഇപ്പോള്‍ ആളുകള്‍ക്ക് ഭയം ഉണ്ടാക്കുന്നത്. ബ്രസീലിലെ സാവോപോളൊ സ്വദേശിയായ 44 കാരൻ മൈക്കൽ ഫാരോഡോ പ്രാഡോ ആണ് ഇപ്പോള്‍ എല്ലാവരേയും പേടിപ്പിക്കുന്നത്.

25 വർഷമായി ടാറ്റൂ ആർട്ടിസ്റ്റായാണ് ഇദ്ദേഹം ജോലി ചെയ്യുന്നത്. മറ്റുള്ളവർക്ക് പച്ച കുത്തുക മാത്രം അല്ല അദ്ദേഹം സ്വന്തം ശരീരത്തിലും പച്ച കുത്തി നിരവധി പരീക്ഷണങ്ങള്‍ നടത്താറുണ്ട്. ശരീരത്തില്‍ ഇനി ഇയാള്‍ക്ക് പച്ച കുത്താന്‍ ഇടമില്ലെന്നാണ് ചിത്രങ്ങള്‍ കാണുമ്പോള്‍ മനസ്സിലാകുന്നത്.

Also Read: പാർക്കിൽ നിന്നും ചില്ല് കഷ്ണം എടുത്തു വീട്ടിൽ കൊണ്ടുവന്നു; പരിശോധനയിൽ വജ്രം ആണെന്ന് അറിഞ്ഞ ബാങ്ക് മാനേജർക്ക് സംഭവിച്ചത് മറ്റൊന്ന്



എന്നാല്‍ ആളുകളെ ഭയപ്പെടുത്താന്‍ ആദ്ദേഹം പുതിയ ഒരു രൂപവുമായി എത്തിയിരിക്കുകയാണ്. ഇതിനായി ശസ്ത്രക്രിയയിലൂടെ തന്‍റെ മൂക്കിന്റെ ഒരു ഭാഗം മൈക്കല്‍ നീക്കം ചെയ്തു. തന്നെ കണ്ട് ആളുകൾ ഭയക്കാൻ വേണ്ടിയാണ് അദ്ദേഹം ഇങ്ങനെ ഒരു വിചിത്ര രൂപം സ്വീകരിച്ചിരിക്കുന്നത്. മൂക്ക് മുറിച്ചുമാറ്റിയ ലോകത്തെ മൂന്നാമത്തെ വ്യക്തിയാണ് താനെന്ന് മൈക്കൽ പറയുന്നു. സാത്താന്‍റെ രൂപം കിട്ടാന്‍ വേണ്ടി അദ്ദേഹം പല്ലുകള്‍ കൂര്‍പ്പിച്ച് വെച്ചിട്ടുണ്ട്. സ്വന്തം ഇന്‍സ്റ്റഗ്രാം അക്കൗണ്ടിലൂടെയാണ് മൈക്കൽ ചിത്രങ്ങള്‍ പങ്കുവെച്ചിരിക്കുന്നത്.