വെള്ളപ്പൊക്കത്തിൽ വീടും പുസ്‌തകങ്ങളും നശിച്ചു; സഹായവുമായി നടൻ സോനു സൂദ്

ഛത്തീസ്ഖഡിലെ ബിജാപൂർ ജില്ലയിൽ കനത്ത മഴയിലും വെള്ളപ്പൊക്കത്തിലും തന്‍റെ പുസ്തകങ്ങളും വീടും മുങ്ങിപോയ പെണ്‍കുട്ടിയുടെ വീഡിയോ ആണ് സോഷ്യല്‍ മീഡിയയില്‍ വൈറലാകുന്നത്. ആദിവാസി ഗോത്ര വിഭാഗത്തില്‍പ്പെട്ട പെണ്‍കുട്ടിയുടെ വീഡിയോ ആണ് വൈറലാകുന്നത്. വീഡിയോ പ്രചരിച്ചതോടെ ബോളിവുഡ് നടൻ സോനു സൂദ് പെണ്‍കുട്ടിക്ക് സഹായവുമായി രംഗത്തെത്തി. കൂടാതെ 1.1 ലക്ഷം രൂപ പെൺകുട്ടിയുടെ കുടുംബത്തിന് സര്‍ക്കാർ ധനസഹായം പ്രഖ്യാപിച്ചു. പുതിയ പുസ്തകങ്ങളും ബാഗുകളും നൽകി.

Also Read: വിമാനത്താവളത്തിന്റെ ഒത്ത നടുക്ക് താമസിക്കാൻ പറ്റുമോ സക്കീർ ഭായിക്ക്; ജപ്പാനിൽ താമസിക്കുന്ന കുടുംബത്തിന്‍റെ രസകരമായ കഥ ഇങ്ങനെ

ബസ്തർ ഡിവിഷനിലെ ബിജാപൂർ ജില്ലയിലാണ് ഏറ്റവും കൂടുതൽ മഴ ലഭിച്ചത്. മിക്ക ഗ്രാമങ്ങളും വെള്ളത്തിനടിയില്‍ ആണ്. നൂറുകണക്കിന് വീടുകൾ ആണ് തകര്‍ന്നത്. ശനി, ഞായർ ദിവസങ്ങളിൽ തുടർച്ചയായി മഴ പെയ്യുകയാണ്. പെണ്‍കുട്ടിയുടെ വീട്ടിലെ സാധനങ്ങള്‍ എല്ലാം ഒലിച്ചു പോയി. നഴ്സിംഗ് പഠനത്തിനായി എന്‍‍ട്രന്‍സ് പരീക്ഷക്ക് പഠിക്കുന്ന പുസ്തകങ്ങളും വെള്ളപ്പൊക്കത്തില്‍ നശിച്ചു പോയി.
താന്‍ സ്വപ്നം കണ്ടിരുന്ന ജീവിതം നഷ്ടപ്പെട്ട് പോകുന്ന വക്കില്‍ നില്‍ക്കുമ്പോള്‍ ആണ് അവള്‍ക്ക് സഹായവുമായി നടന്‍ രംഗത്തെത്തിയിരിക്കുന്നത്.



Also Read: കൊവിഡ് ഡ്യൂട്ടിക്ക് ഹാജർ ആവുന്നില്ല; മഹാരാഷ്ട്രയിൽ 600 ഡോക്ടർമാർക്ക് എതിരെ നടപടിയുമായി സർക്കാർ

ഒരു പ്രാദേശിക ടിവി റിപ്പോർട്ടർ ആണ് പെണ്‍കുട്ടിയുടെ ദുരിതം പുറത്തെത്തിച്ചത്. പെണ്‍കുട്ടി ഉയര്‍ന്ന മാര്‍ക്ക് നേടിയാണ് പന്ത്രണ്ടാം ക്ലാസ് പരീക്ഷ പാസായത്. തുടർന്ന് നഴ്‌സിംഗിനെ തന്റെ കരിയറായി തെരെഞ്ഞെടുക്കാന്‍ തീരുമാനിച്ചു. വെള്ളപ്പൊക്കത്തില്‍ ദുരിതം അനുഭവിക്കുന്നവര്‍ക്കായി സഹായവുമായി സര്‍ക്കാര്‍ രംഗത്തെത്തിയിട്ടുണ്ട്. താഴ്ന്ന പ്രദേശങ്ങളിൽ താമസിക്കുന്നവരെ സുരക്ഷിത കേന്ദ്രങ്ങളിലേക്കും ക്യാമ്പുകളിലേക്കും മാറ്റുകയാണ്. ഗ്രാമത്തിലെ 20 ഓളം കുടുംബങ്ങൾക്കാണ് നഷ്ടപരിഹാരം പ്രഖ്യാപിച്ചിട്ടുള്ളത്.