ആരാണ് ആഞ്ജലിന പ്ലീസ്?
ആഞ്ജലിന പ്ലീസ് എന്ന പേരിൽ അറിയപ്പെടുന്ന പോൺ സ്റ്റാറിന്‍റെ യഥാർഥ പേര് ഫ്രാൻസിസ്ക എലിസബത്ത് എന്നാണ്. 2022ലെ എവിഎൻ അവാർഡ്സിൽ ട്രാൻസ് പെർഫോമർ ഓഫ് ദ ഇയർ നോമിനേഷൻ നേടിയ താരം ഒൺലി ഫാൻസ് സോഷ്യൽ മീഡിയ പ്ലാറ്റ്ഫോമിലും സജീവമായിരുന്നു. ടിവി സീരിസുകളിലും ഇരുപത്തിനാലുകാരി ഇതിനോടകം മുഖം കാണിച്ചിട്ടുണ്ട്. വിവിധ സോഷ്യൽ മീഡിയ പ്ലാറ്റ്ഫോമുകളിൽ നിരവധി ആരാധകരാണ് ഇവരെ പിന്തുടരുന്നത്.
മൃതദേഹം കണ്ടെത്തിയത് വീട്ടിൽ
കാണാതായി അഞ്ച് ദിവസങ്ങൾക്ക് ശേഷം ലാസ് വേഗാസിലെ വീട്ടിലാണ് ആഞ്ജലീനയുടെ മതൃദേഹം കണ്ടെത്തിയത്. വീട്ടിൽ ബലപ്രയോഗം നടന്നതിന്‍റെയോ മറ്റ് അക്രമണങ്ങൾ നടന്നതിന്‍റെയോ സൂചനകളൊന്നും ഇല്ലെന്നാണ് പോലീസ് പറയുന്നത്. പോസ്റ്റ്മോർട്ടം റിപ്പോർട്ട് പുറത്ത് വരാത്തതിനാൽ മരണവുമായി ബന്ധപ്പെട്ട കൂടുതൽ വിവരങ്ങളൊന്നും പുറത്ത് വിടാൻ കഴിയില്ലെന്നാണ് മെഡിക്കൽ എക്സാമിനർ പറഞ്ഞത്.
ദുഃഖം പങ്കുവെച്ച് സഹപ്രവർത്തക
ആഞ്ജലീനയുടെ മരണ വാർത്ത സ്ഥിരീകരിച്ച് സഹപ്രവർത്തകയും അയൽക്കാരിയുമായ ആസ്പെൻ ബ്രൂക്സ് രംഗത്തെത്തി. നേരത്തെ ആഞ്ജലീനയെ എവിടെയെങ്കിലും വെച്ച് കണ്ടുകിട്ടുകയാണെങ്കിൽ വിവരം അറിയിക്കണമെന്ന് ട്വിറ്ററിലൂടെ ആസ്പെൻ ആവശ്യപ്പെട്ടിരുന്നു. വാക്കുകൾ കിട്ടാത്ത അവസ്ഥയിലാണ് താനിപ്പോൾ എന്നാണ് യുവതി പറയുന്നത്. "സുഹൃത്തിനെ കാണാതായ ശേഷം ഞാൻ തിരഞ്ഞുപോയിരുന്നു. എന്‍റെ ഏറ്റവും നല്ല സുഹൃത്തുക്കളിൽ ഒരാൾ, എന്‍റെ അയൽവാസി. അവൾക്ക് വെറും 24 വയസായിരുന്നു" ആസ്പെൻ പറഞ്ഞു
സോഷ്യൽ മീഡിയയിൽ അവസാന കുറിപ്പ്
മാർച്ച് നാലിനായിരുന്നു ആഞ്ജലിന അവസാനമായി സോഷ്യൽ മീഡിയയിൽ പോസ്റ്റിട്ടത്. ഓൺലി ഫാൻസ് അക്കൗണ്ടിൽ അടുത്തിടെ പോസ്റ്റുകൾ കുറഞ്ഞതിൽ ഫോളോവേഴ്സിനോട് ക്ഷമാപണം നടത്തിയായിരുന്നു ഈ പോസ്റ്റ്. "ഷൂട്ടിങ്ങുകളും മറ്റുമായി തിരക്കുള്ള മാസമായിരുന്നു ഇത്. അതിനേക്കാൾ പ്രായമായ എന്‍റെ മാതാപിതാക്കൾക്ക് എന്‍റെ അടുത്ത് വീട് കണ്ടെത്തുന്നതിന് ശ്രദ്ധ നൽകേണ്ടതുണ്ട്. ഉടൻ തന്നെ തിരിച്ചെത്തും" എന്നായിരുന്നു ആ സന്ദേശം. 2019ൽ പോൺ സ്റ്റാറായി കരിയർ ആരംഭിച്ച താരം ഇതിനോടകം തന്നെ ശ്രദ്ധനേടിയിരുന്നു.