ബെംഗളുരു: അവിവാഹിതരായ യുവതീ യുവാക്കൾക്ക് വീട് വാടകയ്ക്കു നൽകില്ലെന്ന് പറയുന്ന വീട്ടുടമസ്ഥരെ കണ്ടിട്ടുണ്ട്. എന്നാൽ പ്ലസ് ടുവിന് 90 ശതമാനം മാർക്ക് ഇല്ലെന്ന കാരണത്താൽ യുവാവിന് വീട് നിഷേധിച്ചിരിക്കുകയാണ് ഒരു വീട്ടുടമ. ബെംഗളുരുവിൽ ജോലി ചെയ്യുന്ന യോഗേഷ് എന്ന യുവാവിനാണ് വീട്ടുടമയിൽ നിന്നും വിചിത്ര മറുപടി ലഭിച്ചത്. യോഗേഷിന്റെ ബന്ധുവായ ശുഭ് എന്നയാളാണ് ബ്രോക്കറുമായുള്ള സംഭാഷണത്തിന്റെ സ്ക്രീൻഷോട്ട് ട്വീറ്റ് ചെയ്തിരിക്കുന്നത്.
"മാർക്കുകൾ നിങ്ങളുടെ ഭാവി നിർണയിക്കില്ല. പക്ഷെ ബെംഗളുരുവിൽ ഫ്ലാറ്റ് ലഭിക്കണോ വേണ്ടയോ എന്നകാര്യത്തിൽ മാർക്ക് നിർണായകമാണ്." വാട്സാപ്പ് ചാറ്റിന്റെ സ്ക്രീൻഷോട്ട് പങ്കുവെച്ചുകൊണ്ട് ശുഭ് ട്വീറ്റ് ചെയ്തു.
ലിങ്ക്ഡിൻ, ട്വിറ്റർ ഐഡികളുടെ സ്ക്രീൻഷോട്ടും ജോലിയുടെ ഓഫർ ലെറ്ററും 10, 12 ക്ലാസുകളിലെ മാർക്ക് ഷീറ്റും ആധാർ, പാൻ കാർഡുകളുടെ കോപ്പിയുമാണ് വീട്ടുടമ ചോദിച്ചത്. കൂടാതെ 200 വാക്കിൽ കുറയാത്ത ഒരു കുറിപ്പും ചോദിച്ചു. ബ്രോക്കർ പറഞ്ഞതിന്റെ അടിസ്ഥാനത്തിൽ ഇവയെല്ലാം വീട്ടുടമയ്ക്ക് യുവാവ് നൽകി.
പ്ലസ് ടു മാർക്ക് ഷീറ്റ് കണ്ടതോടെ വീട്ടുടമ വീട് നൽകാനാകില്ലെന്ന് വ്യക്തമാക്കി. 76 ശതമാനം മാർക്കാണ് യുവാവിന് ഉണ്ടായിരുന്നത്. 90 ശതമാനം മാർക്ക് ഉണ്ടെങ്കിൽ മാത്രമേ വീട് വാടകയ്ക്കു നൽകാൻ കഴിയൂ എന്ന് വീട്ടുടമ വ്യക്തമാക്കി.
"മാർക്കുകൾ നിങ്ങളുടെ ഭാവി നിർണയിക്കില്ല. പക്ഷെ ബെംഗളുരുവിൽ ഫ്ലാറ്റ് ലഭിക്കണോ വേണ്ടയോ എന്നകാര്യത്തിൽ മാർക്ക് നിർണായകമാണ്." വാട്സാപ്പ് ചാറ്റിന്റെ സ്ക്രീൻഷോട്ട് പങ്കുവെച്ചുകൊണ്ട് ശുഭ് ട്വീറ്റ് ചെയ്തു.
ലിങ്ക്ഡിൻ, ട്വിറ്റർ ഐഡികളുടെ സ്ക്രീൻഷോട്ടും ജോലിയുടെ ഓഫർ ലെറ്ററും 10, 12 ക്ലാസുകളിലെ മാർക്ക് ഷീറ്റും ആധാർ, പാൻ കാർഡുകളുടെ കോപ്പിയുമാണ് വീട്ടുടമ ചോദിച്ചത്. കൂടാതെ 200 വാക്കിൽ കുറയാത്ത ഒരു കുറിപ്പും ചോദിച്ചു. ബ്രോക്കർ പറഞ്ഞതിന്റെ അടിസ്ഥാനത്തിൽ ഇവയെല്ലാം വീട്ടുടമയ്ക്ക് യുവാവ് നൽകി.
പ്ലസ് ടു മാർക്ക് ഷീറ്റ് കണ്ടതോടെ വീട്ടുടമ വീട് നൽകാനാകില്ലെന്ന് വ്യക്തമാക്കി. 76 ശതമാനം മാർക്കാണ് യുവാവിന് ഉണ്ടായിരുന്നത്. 90 ശതമാനം മാർക്ക് ഉണ്ടെങ്കിൽ മാത്രമേ വീട് വാടകയ്ക്കു നൽകാൻ കഴിയൂ എന്ന് വീട്ടുടമ വ്യക്തമാക്കി.