സൗന്ദര്യം കൂട്ടാൻ എന്തും ചെയ്യാൻ തയ്യാറാകുന്നവരെ നാം കണ്ടിട്ടുണ്ട്. ബാർബി ഡോളിനെപ്പോലെയാകാൻ ശസ്ത്രക്രിയ നടത്തിയവരും ഇഷ്ട സിനിമാ താരത്തെപ്പോലെയാകാൻ പ്ലാസ്റ്റിക് സർജറി നടത്തി പരാജയപ്പെട്ടവരുടെ കഥയും നമ്മൾ കേട്ടിട്ടുണ്ട്. വളരെയധികം ശ്രദ്ധയും വൈദഗ്ധ്യവും ഇത്തരം സർജറികൾ നടത്തുന്നവർക്ക് ആവശ്യമാണ്. എന്നാൽ മൂക്കിന് സൗന്ദര്യം പോരെന്നു തോന്നിയ ഒരു ബ്രസീലുകാരൻ യൂട്യൂബ് വീഡിയോ നോക്കി ശസ്ത്രക്രിയ നടത്തി ഇപ്പോൾ ആശുപത്രിയിലാണ്. ആശുപത്രിയിൽ പോകാൻ മടിച്ചാണ് അയാൾ വീട്ടിൽ വെച്ച് ശസ്ത്രക്രിയ നടത്തിയത്. സാവോ പോളോയിലെ സൗത്ത് സോണിലെ കാംപോ ലിംപോ പ്രദേശത്തെ ആശുപത്രിയിലാണ് അയാളെ പ്രവേശിപ്പിച്ചത്.
ഇയാൾ സ്വന്തം മുഖത്ത് റൈനോപ്ലാസ്റ്റിക്ക് ശ്രമിച്ചതായി ഡോക്ടർമാർ പറഞ്ഞു. ഓൺലൈൻ വീഡിയോ ട്യൂട്ടോറിയൽ നോക്കിയാണ് പേര് വെളിപ്പെടുത്താത്ത അജ്ഞാതൻ ശസ്ത്രക്രിയയ്ക്ക് ശ്രമിച്ചതെന്നാണ് റിപ്പോർട്ടുകൾ. ആശുപത്രിയിൽ പ്രവേശിപ്പിച്ച അന്നുതന്നെ അയാളെ ഡിസ്ചാർജ് ചെയ്തുവെന്നാണ് വിവരം.
വെറ്റിനറി അനസ്തെറ്റിക്ക് ഉപയോഗിച്ചാണ് മൂക്ക് മരവിപ്പിച്ചത്. മുറിവ് അടയ്ക്കാൻ സൂപ്പർ ഗ്ലൂ ഉപയോഗിച്ചതായും ശസ്ത്രക്രിയയ്ക്കായി വീട്ടുപകരണങ്ങളാണ് ഉപയോഗിച്ചതെന്നും റിപ്പോർട്ടുകൾ വ്യക്തമാക്കുന്നു. എഴുപത് ശതമാനം ആൽക്കഹോൾ ഉപയോഗിച്ചാണ് മുറിവ് വൃത്തിയാക്കിയത്. കൂടാതെ കൈയുറകൾ ധരിച്ചിരുന്നില്ല. കൂടാതെ മുറിവിൽ നിന്നും പിന്നീട് വന്ന രക്തം വൃത്തിയാക്കിയിരുന്നുമില്ല. ജൂലൈ 21നാണ് ഇയാളെ ആശുപത്രിയിൽ പ്രവേശിപ്പിച്ചത്.
വീട്ടിൽ വെച്ച് മൂക്ക് എങ്ങനെ ചെറുതാക്കാം അല്ലെങ്കിൽ കനം കുറഞ്ഞതാക്കാമെന്നാണ് "ഹോം റൈനോപ്ലാസ്റ്റി" വീഡിയോകളിൽ പറയുന്നത്. എന്നാൽ ഇത്തരത്തിൽ വീടുകളിൽ വെച്ച് ശസ്ത്രക്രിയ നടത്തുന്നത് അപകടകരമാണെന്ന് വിദഗ്ദർ പറയുന്നു. സൂക്ഷിച്ചില്ലെങ്കിൽ മരണം വരെ സംഭവിച്ചേക്കാം.
ഇയാൾ സ്വന്തം മുഖത്ത് റൈനോപ്ലാസ്റ്റിക്ക് ശ്രമിച്ചതായി ഡോക്ടർമാർ പറഞ്ഞു. ഓൺലൈൻ വീഡിയോ ട്യൂട്ടോറിയൽ നോക്കിയാണ് പേര് വെളിപ്പെടുത്താത്ത അജ്ഞാതൻ ശസ്ത്രക്രിയയ്ക്ക് ശ്രമിച്ചതെന്നാണ് റിപ്പോർട്ടുകൾ. ആശുപത്രിയിൽ പ്രവേശിപ്പിച്ച അന്നുതന്നെ അയാളെ ഡിസ്ചാർജ് ചെയ്തുവെന്നാണ് വിവരം.
വെറ്റിനറി അനസ്തെറ്റിക്ക് ഉപയോഗിച്ചാണ് മൂക്ക് മരവിപ്പിച്ചത്. മുറിവ് അടയ്ക്കാൻ സൂപ്പർ ഗ്ലൂ ഉപയോഗിച്ചതായും ശസ്ത്രക്രിയയ്ക്കായി വീട്ടുപകരണങ്ങളാണ് ഉപയോഗിച്ചതെന്നും റിപ്പോർട്ടുകൾ വ്യക്തമാക്കുന്നു. എഴുപത് ശതമാനം ആൽക്കഹോൾ ഉപയോഗിച്ചാണ് മുറിവ് വൃത്തിയാക്കിയത്. കൂടാതെ കൈയുറകൾ ധരിച്ചിരുന്നില്ല. കൂടാതെ മുറിവിൽ നിന്നും പിന്നീട് വന്ന രക്തം വൃത്തിയാക്കിയിരുന്നുമില്ല. ജൂലൈ 21നാണ് ഇയാളെ ആശുപത്രിയിൽ പ്രവേശിപ്പിച്ചത്.
വീട്ടിൽ വെച്ച് മൂക്ക് എങ്ങനെ ചെറുതാക്കാം അല്ലെങ്കിൽ കനം കുറഞ്ഞതാക്കാമെന്നാണ് "ഹോം റൈനോപ്ലാസ്റ്റി" വീഡിയോകളിൽ പറയുന്നത്. എന്നാൽ ഇത്തരത്തിൽ വീടുകളിൽ വെച്ച് ശസ്ത്രക്രിയ നടത്തുന്നത് അപകടകരമാണെന്ന് വിദഗ്ദർ പറയുന്നു. സൂക്ഷിച്ചില്ലെങ്കിൽ മരണം വരെ സംഭവിച്ചേക്കാം.