പെൺകുട്ടിയെ വേണം, 80 ലക്ഷം രൂപ വരെ വിലയിട്ടു; നടക്കില്ലെന്ന് കണ്ടപ്പോൾ അസഭ്യവർഷം; 85കാരനായ ലൈം​ഗിക കേസ് പ്രതി അറസ്റ്റിൽ

ഫ്ലോറിഡ: പെൺകുട്ടിയെ വിലയ്ക്ക് വാങ്ങാൻ ശ്രമിച്ച വൃദ്ധൻ അറസ്റ്റിൽ. യുഎസിലെ ഫ്ലോറിഡയിലാണ് കേസിനാസ്പദമായ സംഭവമുണ്ടായിരിക്കുന്നത്. പ്രദേശത്തെ ഒരു ഗ്രോസറി ഷോപ്പിൽ നിന്നും എട്ടുവയസുള്ള പെൺകുട്ടിയെ വാങ്ങാൻ ശ്രമിച്ചതിനാണ് ഹെൽമത്ത് കോൾബ് എന്ന 85കാരൻ അറസ്റ്റിലായത്.

Also Read : ബിജെപി നേതാവിൻ്റെ മരണം; ശുചിമുറിയിൽ ലഹരിമരുന്ന്, ഗോവയിലെ ക്ലബ് ഉടമ അറസ്റ്റിൽ

1,00,000 അമേരിക്കൻ ഡോളർ അതായത് ഏതാണ്ട് 80 ലക്ഷം രൂപയ്ക്കാണ് ലൈംഗിക കുറ്റവാളിയായ ഹെൽമത്ത് കോൾബ് പെൺകുട്ടിയെ വാങ്ങാൻ ശ്രമിച്ചത് എന്നാണ് പോലീസ് വ്യക്തമാക്കുന്നത്.

കുട്ടിയ്ക്ക് വില പറഞ്ഞ് ഹെൽമത്ത് പെൺകുട്ടിയുടെ അമ്മയെ തന്നെയാണ് സമീപിച്ചത്. വ്യാഴാഴ്ച പോർട്ട് ഓറഞ്ചിലെ വിൻ ഡിക്സിയിൽ പെൺകുട്ടിയുടെ അമ്മയെ കണ്ട് കാര്യം ആവശ്യപ്പെടുകയും നിഷേധിച്ചപ്പോൾ അസഭ്യം പറയുകയും ചെയ്തുവെന്ന് പോർട്ട് ഓറഞ്ച് പോലീസ് ഡിപ്പാർട്ട്‌മെന്റ് അറിയിച്ചു.

പെൺകുട്ടിയുടെ അമ്മയായ ലോറൻ ബെന്നിംഗ് പറയുന്നത് ഇങ്ങനെ, കോൾബ് തൻ്റെ എട്ട് വയസ്സുള്ള മകളെ കാണുന്നത് കടയ്ക്കുള്ളിൽ വച്ചാണ്. ആദ്യം നോക്കിയപ്പോൾ ഏകാന്തനായ ഒരു വൃദ്ധനാണെന്നാണ് താൻ കരുതിയിരുന്നത്. എന്നാൽ, സംസാരിച്ചതിന് ശേഷമാണ് ഇയാളുടെ ഉദ്ദേശം മോശമാണെന്ന് മനസ്സിലായത് എന്നും അമ്മ പറയുന്നു.

”അയാൾ തന്റെ അടുത്ത് വരികയും തന്റെ മകളുടെ പ്രസരിപ്പിനേക്കുറിച്ച് വർണിക്കുകയും ചെയ്തു. അവൾ എത്ര സുന്ദരിയാണെന്നും അവളുടെ നൃത്തം എത്ര മികച്ചതാണെന്നും അയാൾക്ക് ഒരിക്കലും കുട്ടികളുണ്ടാകില്ലെന്നും അയാൾക്ക് കുട്ടികൾ വേണമെന്നും തരത്തിലുള്ള അഭിപ്രായങ്ങൾ പറഞ്ഞു” ബെന്നിംഗ് പറഞ്ഞു.

അതിന് ശേഷം കടയിൽ നിന്നും ഇറങ്ങിയ അമ്മയും മകളും പോകാൻ തുടങ്ങി. ഇവരെ പിന്തുടർന്ന് എത്തിയ കോൾബ് കുട്ടിയുടെ അമ്മയെ പാർക്കിങ്ങ് ലോട്ടിൽ വച്ച് തടയുകയും തന്റെ മകൾക്ക് വിലയിടുകയുമായിരുന്നു. ”ഞാൻ 1,00,000 ഡോളറിന് അവളെ വാങ്ങാം” എന്നതായിരുന്നു ഇയാളുടെ ഓഫർ. ഈ സമയത്ത് താൻ ഞെട്ടിത്തരിച്ച് നിൽക്കുകയായിരുന്നു.

എന്നാൽ, താൻ ഇയാളുടെ ആവശ്യം അപ്പോൾ തന്നെ നിരസിച്ചു. ഈ സമയത്ത് മോശമായ സംസാരിക്കുകയും ചെയ്തു. അവനെ ജയിലിലാക്കണം, നമ്മുടെ കുട്ടികളുടെ അടുത്ത് പോകാൻ അനുവദിക്കരുത് എന്നും പെൺകുട്ടിയുടെ അമ്മ ആവശ്യപ്പെട്ടു. പിന്നീട്, പോലീസിൽ വിവരം അറിയിക്കുകയും ഇയാളെ അറസ്റ്റ് ചെയ്യുകയും ചെയ്തു. പോലീസ് നടത്തിയ ചെദ്യം ചെയ്യലിൽ ആർക്കാണ് കുട്ടികളെ ഇഷ്ടമല്ലാത്തത് എന്നായിരുന്നു അയാളുടെ മറുപടി.

Also Read : എന്നും വിവാദങ്ങളുടെ തോഴൻ, ഒടുവിൽ പാർട്ടി ഗ്രാമത്തിൽ നിന്നും അറസ്റ്റിൽ; ആരാണ് അർജുൻ ആയങ്കി?

സമാനമായ സംഭവം ഇയാൾ നേരത്തേയും നടത്തിയിരുന്നു. ഇതിൻ്റെ പേരിൽ നിയമനടപടികളും സ്വീകരിച്ചിരുന്നു. 2018ൽ വാൾമാർട്ടിൽ വച്ച് മറ്റൊരു കുട്ടിക്ക് ഇയാൾ വിലപറയുകയായിരുന്നു. വാൾമാർട്ടിൽ എത്തിയ കുട്ടിയെ തട്ടിയെടുക്കുകയും അവളുടെ കൈത്തണ്ടയിൽ ചുംബിക്കുകയും 2,00,000 ഡോളറിന് അവളെ വാങ്ങാൻ വാഗ്ദാനം ചെയ്യുകയും ചെയ്തതിരുന്നു. ഈ കേസിൽ കോൾബ് അഞ്ച് വർഷത്തെ നല്ലനടപ്പിന് അനുഭവിക്കുകയായിരുന്നു. ഇതിന് ശേഷം കുട്ടികളുമായി സമ്പർക്കം പുലർത്തുന്നതിൽ നിന്ന് വിലക്കപ്പെട്ടിരുന്നു.