സ്വീഡിഷ് മൃഗശാലയിൽ നിന്നും രക്ഷപെട്ട അഞ്ച് ചിമ്പാൻസികളിൽ നാലെണ്ണത്തിനെ വെടിവെച്ച് കൊന്നു. മൃഗശാലയിൽ നിന്നും രക്ഷപെട്ട് മണിക്കൂറുകൾക്കുള്ളിലാണ് ഇവയെ കൊലപ്പെടുത്തിയത്. അഞ്ചാമത്തേത് സ്വമേധയാ തിരികെയെത്തിയെന്നാണ് ദ ഗാർഡിയൻ റിപ്പോർട്ട് ചെയ്യുന്നത്. ഇവ എങ്ങനെയാണ് മൃഗശാലയിൽ നിന്നും രക്ഷപെട്ടത് എന്ന് വ്യക്തമല്ല.
ഗാവ്ലെയ്ക്ക് സമീപമുള്ള ഫുരുവിക് മൃഗശാലയിൽ നിന്നും ഉച്ചഭക്ഷണ സമയത്താണ് ചിമ്പാൻസികൾ രക്ഷപെട്ടത്. ജനങ്ങളുടെ സുരക്ഷ മാനിച്ചാണ് ചിമ്പാൻസികളെ വധിച്ചതെന്ന് മൃഗശാല അധികൃതർ വ്യക്തമാക്കുന്നു.
അഞ്ചാമത്തെ ചിമ്പാൻസി സ്വയം മടങ്ങിയെത്തിയെന്നാണ് വിശ്വസിക്കുന്നത്. പാർക്ക് വക്താവ് അന്നിക ട്രോസെലിയസ് പറഞ്ഞു. അവസാനത്തേത് മടങ്ങിയെത്തിയെന്ന് ഉറപ്പിക്കേണ്ടത് പാർക്കിന്റെ ഉത്തരവാദിത്തമാണ്. അതിനാൽ വളരെ സൂക്ഷ്മതയോടെയാണ് വിഷയത്തെ കൈകാര്യം ചെയ്യുന്നതെന്ന് ട്രോസെലിയസ് വ്യക്തമാക്കി.
ചിമ്പാൻസികൾ രക്ഷപെട്ടതിനു പിന്നാലെ പൊതുജനങ്ങളോട് വീടുകളിൽ നിന്നും പുറത്തിറങ്ങരുതെന്ന് നിർദ്ദേശിച്ചിരുന്നു. തങ്ങളുടെ ജീവനക്കാർ പോലും ചിമ്പാൻസികളോട് ഇടപെടുന്നത് വളരെ സൂക്ഷിച്ചാണ്. അവ അപകടകാരികളായ മൃഗങ്ങൾ ആയതിനാലാണ് ഇത്തരത്തിൽ സൂക്ഷ്മത പുലർത്തുന്നതെന്ന് അവർ പറയുന്നു.
ആർക്കും പരിക്കേൽക്കാതിരിക്കുന്നതിനാണ് ഞങ്ങൾ ശ്രദ്ധ നൽകിയത്. ഇനി ഇത്തരം സംഭവങ്ങൾ ആവർത്തിക്കാതിരിക്കാൻ പാർക്ക് അധികൃതർ കൂടുതൽ ശ്രദ്ധ നൽകും. വീഴ്ച സംഭവിച്ചത് എങ്ങനെയെന്ന് പരിശോധിച്ചു വരികയാണെന്ന് ട്രോസെലിയസ് വ്യക്തമാക്കി.
നിലവിൽ അടച്ചിട്ടിരിക്കുന്ന ഫുരുവിക് മൃഗശാലയിൽ ആകെ ഏഴ് ചിമ്പാൻസികളാണ് ഉണ്ടായിരുന്നത്. നോർഡിക് മേഖലയിൽ ആകെയുള്ള പ്രൈമേറ്റ് റിസേർച്ച് സ്റ്റേഷനാണ് ഇത്.
ഗാവ്ലെയ്ക്ക് സമീപമുള്ള ഫുരുവിക് മൃഗശാലയിൽ നിന്നും ഉച്ചഭക്ഷണ സമയത്താണ് ചിമ്പാൻസികൾ രക്ഷപെട്ടത്. ജനങ്ങളുടെ സുരക്ഷ മാനിച്ചാണ് ചിമ്പാൻസികളെ വധിച്ചതെന്ന് മൃഗശാല അധികൃതർ വ്യക്തമാക്കുന്നു.
അഞ്ചാമത്തെ ചിമ്പാൻസി സ്വയം മടങ്ങിയെത്തിയെന്നാണ് വിശ്വസിക്കുന്നത്. പാർക്ക് വക്താവ് അന്നിക ട്രോസെലിയസ് പറഞ്ഞു. അവസാനത്തേത് മടങ്ങിയെത്തിയെന്ന് ഉറപ്പിക്കേണ്ടത് പാർക്കിന്റെ ഉത്തരവാദിത്തമാണ്. അതിനാൽ വളരെ സൂക്ഷ്മതയോടെയാണ് വിഷയത്തെ കൈകാര്യം ചെയ്യുന്നതെന്ന് ട്രോസെലിയസ് വ്യക്തമാക്കി.
ചിമ്പാൻസികൾ രക്ഷപെട്ടതിനു പിന്നാലെ പൊതുജനങ്ങളോട് വീടുകളിൽ നിന്നും പുറത്തിറങ്ങരുതെന്ന് നിർദ്ദേശിച്ചിരുന്നു. തങ്ങളുടെ ജീവനക്കാർ പോലും ചിമ്പാൻസികളോട് ഇടപെടുന്നത് വളരെ സൂക്ഷിച്ചാണ്. അവ അപകടകാരികളായ മൃഗങ്ങൾ ആയതിനാലാണ് ഇത്തരത്തിൽ സൂക്ഷ്മത പുലർത്തുന്നതെന്ന് അവർ പറയുന്നു.
ആർക്കും പരിക്കേൽക്കാതിരിക്കുന്നതിനാണ് ഞങ്ങൾ ശ്രദ്ധ നൽകിയത്. ഇനി ഇത്തരം സംഭവങ്ങൾ ആവർത്തിക്കാതിരിക്കാൻ പാർക്ക് അധികൃതർ കൂടുതൽ ശ്രദ്ധ നൽകും. വീഴ്ച സംഭവിച്ചത് എങ്ങനെയെന്ന് പരിശോധിച്ചു വരികയാണെന്ന് ട്രോസെലിയസ് വ്യക്തമാക്കി.
നിലവിൽ അടച്ചിട്ടിരിക്കുന്ന ഫുരുവിക് മൃഗശാലയിൽ ആകെ ഏഴ് ചിമ്പാൻസികളാണ് ഉണ്ടായിരുന്നത്. നോർഡിക് മേഖലയിൽ ആകെയുള്ള പ്രൈമേറ്റ് റിസേർച്ച് സ്റ്റേഷനാണ് ഇത്.