'മീശക്കാരൻ വിനീത് ഉപദ്രവിച്ചു; ദേവു ചേച്ചി മെസേജ് അയച്ചിരുന്നു'; റീൽ റിയലല്ലെന്ന് ഹെലൻ

മുഖം തിരിച്ചറിയാൻ കഴിയുന്ന ആളുകളെപ്പറ്റി ഇത്തരം വാർത്തകളിൽ വരുമ്പോൾ വലിയ ആഘോഷമാണ്. വിനീതിനെ വെച്ച് കുറേക്കാലം കഞ്ഞികുടിച്ച ടീംസ് ഉണ്ട്. അതുപോലെയാണ് ഫീനിക്സ് കപ്പിൾ എന്നു പറയുന്നവരും. അവരുടെ വീഡിയോ കാണുമ്പോൾ അവർ വലിയ സന്തോഷത്തിലാണെന്നു തോന്നും. പെർഫെക്ട് കപ്പിൾസ് ആണെന്നു തോന്നും. അത് നിങ്ങളുടെ തോന്നൽ മാത്രമാണ്. സോഷ്യൽ മീഡിയയിൽ കാണുന്ന ആളുകളൊക്കെ അതേപോലെ തന്നെയാണെന്ന് വിശ്വസിക്കാൻ നിൽക്കരുത്. മിന്നുതന്നെല്ലാം പൊന്നല്ല. നിങ്ങളുടെ മുന്നിൽ 60 മിനിറ്റ് കാണുന്ന ആളുകളല്ല അവർ. കാമറ ഓഫ് ചെയ്തിട്ടുള്ള ലൈഫ് വേറെ തന്നെയാണ്.

വീഡിയോയിൽ കാണുന്ന എല്ലാവരുടെയും ലൈഫ് പെർഫെക്ട് ആണെന്നു തോന്നും. അല്ല, അങ്ങനെയൊന്നും അല്ല. സോഷ്യൽ മീഡിയയിൽ കാണുന്ന ആളുകളുടെ ഒരു ക്യാറെക്ടർ നിങ്ങളുടെ മനസിൽ ഫിക്സ് ചെയ്തിട്ടുണ്ടാകും. എന്നാൽ അതൊന്നും യാഥാർത്ഥ്യം അല്ലെന്ന് ഹെലൻ യൂട്യൂബ് വീഡിയോയിൽ പറയുന്നു. നിങ്ങൾ കൊടുത്തിരിക്കുന്ന ക്യാരക്ടർ ടാഗ്ലൈൻ ആയിരിക്കില്ല അവരുടേത്.

കേസ് ഉണ്ടാകുന്നതിനു മുമ്പ് വിനീതിന്റെ കമന്റ് ബോക്സിൽ ചേട്ടായി ഉയിർ എന്നൊക്കെ പറഞ്ഞ് പെൺകുട്ടികൾ കന്റ് ചെയ്തിരുന്നില്ലേ? ഫീനിക്സ് കപ്പിളിന്റെ കാര്യമാണെങ്കിൽ ചേട്ടനെപ്പോലെയും ചേച്ചിയെപ്പോലെയും ജനിക്കണമെന്ന് ആളുകൾ അഭിപ്രായപ്പെട്ടിരുന്നു. അവരുടെ വീഡിയോ കണ്ടിട്ട് അതുപോലെ സിന്ദൂരം ഇടണമെന്നു പറഞ്ഞവർ ഉണ്ടാകാം. നിങ്ങളൊക്കെ ഒരു ഭർത്താവാണോ ഭർത്താവെ എന്നു ചോദിച്ചവർ ഉണ്ടാകാം. എന്നാൽ അത്തരം റീലുകളെല്ലാം അവരുടെ മാത്രം ജീവിതങ്ങളാണെന്നും അതുമായി പ്രേക്ഷകർ ജീവിതം താരതമ്യപ്പെടുത്തരുതെന്നും ഹെലൻ യൂട്യൂബ് വീഡിയോയിൽ പറയുന്നു.

ഇപ്പോഴാണ് ഫീനിക്സ് കപ്പിൾസിനെക്കുറിച്ചുള്ള വാർത്ത അറിയുന്നത്. നിങ്ങൾ ആ വാർത്ത കേട്ടു കേട്ട് മടുത്തുകാണും. എനിക്കും ഈ പറഞ്ഞ ചേച്ചി മെസേജ് അയച്ചിട്ടുണ്ടായിരുന്നു. ഹണി ട്രാപ്പിനൊന്നും അല്ല. സാധാരണ മെസേജ് ആയിരുന്നു. പക്ഷേ ഞങ്ങൾ തമ്മിൽ കോണ്ടാക്ട് ഒന്നുമില്ല. മെസേജിന് റിപ്ലേ ഒന്നും അയച്ചില്ലെന്ന് യൂട്യൂബ് വീഡിയോയിൽ ഹെലൻ പറയുന്നു. ഫീനിക്സ് കപ്പിൾ എന്ന പേരിൽ അറിയപ്പെട്ടിരുന്ന ദേവുവും ഗോപുൽ ദീപും അറസ്റ്റിലായ സാഹചര്യത്തിലാണ് ഹെലൻ വീഡിയോയുമായി രംഗത്തെത്തിയിരിക്കുന്നത്.

ഇതിനു മുന്നേ മീശയുള്ള ഒരാളുടെ പ്രശ്നം വന്നിരുന്നു, വിനീത്. ടിക് ടോക്ക് ഉള്ള സമയത്ത് അയാൾ എന്നെക്കുറിച്ച് ഇട്ട വീഡിയോകൾ കൂട്ടുകാർ അയച്ചു നൽകിയിരുന്നു. അപ്പോഴാണ് ഞാൻ അത് കണ്ടത്. എന്നെ ആരും ഫോളോ ചെയ്യരുത്. എന്റെ ഫോളോവേഴ്സ് സീറോ ആക്കണം, എനിക്ക് ഭയങ്കര അഹങ്കാരമാണെന്നൊക്കെ പറഞ്ഞ് ഒരു വീഡിയോ. അങ്ങനെ ഖോര ഖോരം പ്രസംഗിച്ച ആളെ ടിവിയിൽ കണ്ടപ്പോൾ ചിരിവന്നു.