പ്രിന്‍റ് മീഡിയ കടുത്ത പ്രതിസന്ധിയില്‍; ഒരു പത്രം കൂടി അടച്ചു പൂട്ടി

കുടത്ത പ്രതിസന്ധിയില്‍ തുടരാന്‍ സാധിക്കാതെ ഒരു പത്രം കൂടി അടച്ചു പൂട്ടി. സാങ്കേതിക വിദ്യയുടെ കടന്നു കയറ്റവും വരവിനേക്കാള്‍ കൂടുതല്‍ ചെലവും ആണ് പ്രിന്‍റ് മീഡിയയെ ഇത്രയും പ്രതിസന്ധിയിലാക്കാന്‍ കാരണം. ഇന്ത്യാ ടുഡേ ഗ്രൂപ്പിന്‍റെ ദിനപത്രമായ മെയിൽ ടുഡേയാണ് ആണ് കടുത്ത സാമ്പത്തിക പ്രതിസന്ധിമൂലം പ്രസിദ്ധീകരണം നിർത്തിവെച്ചത്. 2020 ജൂൺ 30 ന് നടത്തിയ കണക്കെടുപ്പില്‍ മൊത്തം വരുമാനത്തിൽ 2 ശതമാനത്തിൽ താഴെയാണ് പത്ര വില്‍പ്പന സംഭാവന ചെയ്തത്. ഇത് മൊത്തത്തിലുള്ള ബിസിനസിൽ യാതൊരുവിധ സ്വാധീനവും ഉണ്ടാക്കില്ലെന്ന് കമ്പനി പറയുന്നു. 2007 ൽ യുണൈറ്റഡ് കിംഗ്ഡത്തിന്റെ ഡെയ്‌ലി മെയിലുമായി സഹകരിച്ചാണ് പത്രം ആരംഭിച്ചത്.

Also Read: തൊണ്ടിമുതൽ കണ്ട് ഞെട്ടി ഡൽഹി പോലീസ്; രണ്ട് മാസത്തിനിടെ പിടിച്ചെടുത്തത് 2 കോടി രൂപയുടെ പണവും ആഭരണങ്ങളും

നിലവിലെ സാഹചര്യത്തിൽ അച്ചടി മാധ്യമങ്ങളുടെ പ്രവർത്തനക്ഷമത കണക്കിലെടുത്ത് 2020 ഓഗസ്റ്റ് 10 മുതൽ ‘മെയിൽ ടുഡേ’ യുടെ അച്ചടി പ്രസിദ്ധീകരണം താൽക്കാലികമായി നിർത്തിവയ്ക്കാൻ തീരുമാനിച്ചതായി ഡയറക്ടർ ബോർഡ് തീരുമാനിച്ചു. എന്നാല്‍ ഡിജിറ്റൽ ഫോർമാറ്റിൽ പത്രം പ്രസിന്ധീകരിക്കുന്നത് തുടരും.

Also Read: പോലീസുകാർക്ക് ആശ്വാസം; ആരോഗ്യ പ്രശ്നങ്ങൾ പരിഹരിക്കുന്നതിന് എസ്പിയുടെ മേൽനോട്ടത്തിൽ പോലീസ് കഫെ

2018 മാര്‍ച്ചില്‍ 30.45 കോടി രൂപയുടെ വരുമാനത്തേക്കാൾ 8.55 കോടി രൂപയുടെ നഷ്ടമാണ് പത്രം പ്രസിദ്ധീകരിക്കുന്നതിലൂടെ കമ്പനിക്ക് ഉണ്ടായത്. പിന്നീട് നഷ്ടം നിയന്ത്രിക്കാൻ കഴിയുന്ന രീതിയില്‍ ശ്രമങ്ങള്‍ നടന്നെങ്കിലും പരാജയമായിരുന്നു ഫലം. 2019ലും 2020ലും നഷ്ടങ്ങള്‍ തന്നെയാണ് കമ്പനിക്ക് പത്രവില്‍പനയിലൂടെ ഉണ്ടായത്. 29.35 കോടി രൂപ കമ്പനിക്ക് സംഭാവ ചെയ്തിരുന്ന പത്രം ഇപ്പോള്‍ കമ്പനിക്ക് ഒരോ വര്‍ഷവും 2.53 കോടി രൂപയുടെ നഷ്ടം വരുത്തുകയാണ്. ഈ പത്രത്തില്‍ എത്ര ജീവനക്കാര്‍ ജോലി ചെയ്യുന്നു എന്ന കാര്യം വ്യക്തമല്ല. എന്നാല്‍ 35-40 എഡിറ്റോറിയൽ സ്റ്റാഫുകളെ ബാധിച്ചിരിക്കാം എന്നാണ് റിപ്പോര്‍ട്ടുകള്‍.