'വകരെസസെയാ' റെഡിയാണ്
റിലേഷൻഷിപ്പ് മതിയായെന്ന് തോന്നിയാൽ ആർക്കും വകരെസസെയായെ സമീപിക്കാം. ജപ്പാനിൽ റിലേഷൻഷിപ്പുകളെ പൊളിച്ചടുക്കി കൊടുക്കുന്ന പ്രൊഫഷണൽ സംഘമാണിത്. വകരെസസെയാ എന്ന് പറഞ്ഞാൽ ജാപ്പനീസ് ഭാഷയിൽ ബന്ധങ്ങൾ തകർക്കുന്നവർ എന്ന് തന്നെയാണ് അർഥം. പത്രങ്ങളിലും ഓൺലൈനിലുമൊക്കെ പരസ്യം നൽകിയാണ് ഇവരുടെ പ്രവർത്തനം നടക്കുന്നത്. എന്നാൽ നിയമപരമായ ലൈസൻസും മറ്റുമൊന്നും ഉണ്ടാവില്ല. പരസ്പര വിശ്വാസം തന്നെയാണ് പ്രധാനം.
പ്രൈവറ്റ് ഡിക്ടറ്റീവ് ഏജൻസികൾ ചെയ്യുന്ന ജോലി
വകരെസസെയാ പ്രവർത്തിക്കുന്നത് പ്രൈവറ്റ് ഡിക്ടറ്റീവ് ഏജൻസികളുമായി ബന്ധപ്പെട്ടാണ്. ബന്ധം പൊളിച്ച് കൊടുക്കാൻ പല റെയ്ഞ്ചിലാണ് ഇവർ പണം വാങ്ങിക്കുന്നത്. ചെറിയ കേസുകൾക്ക് 100 ഡോളറൊക്കെ (ഏകദേശം 75000 രൂപ) മതിയാവും. വമ്പൻ പ്രൊഫൈലുകളുള്ള ആളുകളുടെ കേസെടുക്കുന്നതിന് വൻതുക തന്നെ ഇവർ വാങ്ങിക്കും. ഇത് ലക്ഷങ്ങളൊക്കെയായിരിക്കും. രാഷ്ട്രീയ പ്രവർത്തകരും മറ്റുമാവും ഇക്കൂട്ടത്തിലുള്ളത്.
Also Read: ഭാര്യമാർ വാടകയ്ക്ക്; ഇന്ത്യയിലെ വിചിത്ര ഗ്രാമത്തിന്‍റെ കഥ ഇങ്ങനെ
മിക്ക കേസുകളും വിജയം കാണുന്നു
ഈ പ്രൊഫഷണൽ ബ്രേക്ക് അപ് സംഘം ഏറ്റെടുക്കുന്ന 95 ശതമാനം കേസുകളും വിജയമാവുകയാണ് ചെയ്യുന്നത്. കൃത്യമായി അഭിമുഖം നടത്തി പഠനം നടത്തിയതിന് ശേഷം മാത്രമാണ് ഒരു കേസ് ഇവർ ഏറ്റെടുക്കാറുള്ളത്. കേസ് ഏറ്റെടുത്ത് കഴിഞ്ഞാൽ പിന്നെ എന്തെല്ലാം ചെയ്യണമെന്ന് തീരുമാനിക്കുന്നത് വകരെസസെയാ ടീം ആണ്. ഇലയ്ക്കും മുള്ളിനും കേടില്ലാതെ റിലേഷൻഷിപ്പ് അവർ പൊളിച്ചടുക്കി കൊടുക്കും എന്നതാണ് ഗ്യാരൻറിയുള്ള കാര്യം. ഭാര്യ-ഭ‍ർത്താക്കൻമാരുടെ കാര്യത്തിൽ അവിഹിത ബന്ധങ്ങളൊക്കെയാണ് പലപ്പോഴും വേർപിരിയലിലേക്ക് നയിക്കുന്നതെന്ന് വകരെസസെയാ എംഡി കിയോഷി ഹിവതാഷി ലോസ് ആഞ്ചലസ് ടൈംസിനോട് പറഞ്ഞു.
പുരുഷൻമാ‍ർ പെട്ടെന്ന് വീഴുന്നു
സ്ത്രീകൾ നൽകുന്ന കേസുകളിൽ പുരുഷൻമാരെ വീഴ്ത്താൻ പ്രയാസമില്ലെന്നാണ് വകരെസസെയാ സംഘത്തിൻെറ അനുഭവം. ബ്രേക്ക് അപ്പിനും ബന്ധം വേ‍ർപെടുത്തിലിനും ശേഷം ഇരുവ‍ർക്കും ബുദ്ധിമുട്ടില്ലാതെ ജീവിതം മുന്നോട്ട് കൊണ്ട് പോവുന്നതിനും വകരെസസെയാ കൂടെ നിൽക്കും. കൂടുതൽ കാശ് വേണ്ടി വരുമെന്ന് മാത്രം. കൗൺസിലിങ് നൽകി ഇരുവരെയും കാര്യങ്ങൾ പറഞ്ഞ് മനസിലാക്കി കൊടുക്കാനും റെഡിയാണ്. ഏതായാലും ജപ്പാനിൽ ബന്ധം വേ‍ർപെടുത്തലും ബ്രേക്ക് അപുമൊക്കെ പക്കാ പ്രൊഫഷണലാണ്.