കാമുകിയുമായി അടിയിട്ടതിന് പിന്നാലെ 'വീട്ടിലുള്ള' പെരുംപാമ്പിന്റെ തല കടിച്ചുപറിച്ചു; യുവാവ് അറസ്റ്റിൽ

മിയാമി: ഭാര്യയുമായോ കാമുകിയുമായോ വഴക്കിട്ടാൽ ചിലർ എന്താണ് ചെയ്തത് എന്ന് അവർക്ക് തന്നെ അറിവുണ്ടാകില്ല. ഫ്ലോറിഡയിൽ കാമുകിയുമായി വഴക്കിട്ട യുവാവ് വീട്ടിൽ വളർത്തിയിരുന്ന പെരുപാമ്പാൻ്റെ തല കടിച്ചുമുറിച്ചു.

Also Read : 'മേഡം എന്നെ കടന്നു പിടിച്ചു, ഞാൻ വഴങ്ങിക്കൊടുത്തില്ല', ജോലി കളഞ്ഞത് പ്രതികാരമെന്ന് യുവാവ്; ഗൂഗിളിനെതിരെ ആരോപണം

ഫ്ലോറിഡ സ്വദേശിയായ കെവിൻ ജസ്റ്റിൻ മേയോർഗ എന്ന 22കാരനാണ് ഇത്തരത്തിൽ ഒരു അതിക്രമം കാണിച്ചത്. വീട്ടിലുള്ള സ്ത്രീയുമായി വഴക്കിട്ടതിന്റെ ദേഷ്യമാണ് ഇയാൾ വീട്ടിൽ വളർത്തിയിരുന്ന പാമ്പിന് മേൽ തീർത്തത്.

ഇതിന് പിന്നാലെ തന്നെ പോലീസ് പിടികൂടുകയും ചെയ്തു. മൃഗങ്ങൾക്ക് നേരെ നടക്കുന്ന അതിക്രമം അടക്കം ഇയാളുടെ തലയിൽ ചുമത്തിയിട്ടുണ്ട്. അമേരിക്കൻ മാധ്യമമായ എൻബിസി മിയാമിയാണ് ഇത് സംബന്ധിച്ച് വാർത്ത റിപ്പോർട്ട് ചെയ്തിരിക്കുന്നത്.

സംഭവത്തേക്കുറിച്ച് പൊലീസ് പറയുന്നത് ഇങ്ങനെ, തിങ്കളാഴ്ച രാവിലെ 5.20നാണ് കേസിനാസ്പദമായ സംഭവമുണ്ടായിരിക്കുന്നത്. മിയാമി - ഡേഡ് പോലീസ് ഡിപ്പാർട്ടുമെന്റിലെ ഒരു അപാർട്മെന്റ് കോംപ്ലക്സിൽ ഒരു വീട്ടിൽ എന്തോ വഴക്ക് നടക്കുന്നുണ്ട് എന്നായിരുന്നു റിപ്പോർട്ട്.

പോലീസ് എത്തിയപ്പോൾ വീട്ടിൽ ഒരു യുവാവും യുവതിയും പരസ്പരം ചീത്ത വിളിക്കുന്നതാണ് കേട്ടത്. പോലീസ് മുട്ടിയപ്പോഴേക്കും സ്ത്രീ കരയുന്നതും കേട്ടിരുന്നു. പിന്നീട്, അകത്തു കടന്ന പോലീസ് തെരച്ചിൽ ശക്തമാക്കുകയും ചെയ്തു.

Also Read : 'എനിക്ക് അഞ്ച് അമ്മമാരുണ്ടായിരുന്നു, 44 സഹോദരങ്ങളും'; 'ചെറുപ്പത്തിലെ വിവാഹവും പീഡനവും' ആ വിചിത്രസമൂഹത്തിൽ നിന്ന് രക്ഷപെട്ട കഥപറഞ്ഞ് യുവാവ്

പോലീസ് ഇവരുടെ വീട്ടിലേക്ക് കടക്കുമ്പോൾ ഇയാൾ മുറിയിൽ നിന്നും പുറത്തിറങ്ങി വരുന്നതാണ് കണ്ടത്. ഇയാൾ സ്ത്രീയെ മുറിക്കുള്ളിൽ പൂട്ടിയിടാൻ ശ്രമിക്കുകയായിരുന്നു. ഇതുകണ്ടെത്തിയ പോലീസ് അയാളോട് കൈ ഉയർത്താൻ പറയുകയും ചെയ്തു.

എന്നാൽ, പോലീസിന്റെ ഈ നിർദ്ദേശം അംഗീകരിക്കാതെ മുന്നോട്ട് വരികയും ചെയ്തു. ഇതോടെ കൈയ്യിൽ കരുതിയിരുന്ന വൈദ്യുത ഗൺ ഉപയോഗിച്ച് വീഴ്തുകയായിരുന്നു. എന്നാൽ, ഇയാൾ അതിൽ നിന്നും ഇയാൾ വഴുതിമാറുകയായിരുന്നു. പോലീസിനെ ആക്രമിക്കുകയും ചെയ്തു.

ഒടുവിൽ ഏറെ പണിപ്പെട്ട് ഇയാളെ പോലീസ് കീഴടക്കുകയായിരുന്നു. അതേസമയം, ഇയാളുടെ ആക്രമണത്തിൽ ഒരു പോലീസ് ഉദ്യോഗസ്ഥന്റെ കണ്ണിന് ഗുരുതരമായ പരിക്കേറ്റിരുന്നു.

തന്റെ പെറ്റ് ആയിരുന്ന പെരുമ്പാമ്പിന്റെ തല അയാൾ കടിച്ചുപറിച്ചു എന്നും യുവതി തന്നെ പൊലീസിനോട് പറഞ്ഞത്. തുടർന്ന് നടത്തിയ അന്വേഷണത്തിൽ പാമ്പിന്റെ തലയും കണ്ടെത്തി. അതിന്റെ തല ഇയാൾ കടിച്ച് പറിച്ചു കളഞ്ഞ നിലയിലായിരുന്നു ഉണ്ടായിരുന്നത്. അതിന്റെ രക്തവും പ്രദേശത്തുണ്ടായിരുന്നു.

Also Read : ഒരു നായ്ക്കുട്ടിയെ കണ്ടെത്താൻ പോലീസ് 465 കിലോമീറ്റർ സഞ്ചരിക്കുന്നത് ഇതാദ്യം; തുമ്പായത് യുപിഐ ഐഡി

മൃഗങ്ങൾക്കെതിരെയുള്ള അതിക്രമവും സ്ത്രീകൾക്കെതിരെയുള്ള അതിക്രമവും അടക്കമുള്ള കുറ്റം ചുമത്തിയാണ് പോലീസ് ഇയാളെ അറസ്റ്റ് ചെയ്തിരിക്കുന്നത്.