അയൽക്കാരുമായുള്ള തർക്കം മിക്കപ്പോഴും സ്വൈര്യ ജീവിതം നശിക്കുന്നതിന് കാരണമാകാറുണ്ട്. അത് പണക്കാരനെന്നോ പാവപ്പെട്ടവനെന്നോ വ്യത്യാസമില്ല. അയൽവാസികളുമായുള്ള തർക്കത്തെ തുടർന്ന് സാൻഫ്രാൻസിസ്കോയിലെ സ്വന്തം വീട് വിറ്റിരിക്കുകയാണ് ഫേസ്ബുക്ക് സഹ സ്ഥാപകൻ മാർക്ക് സക്കർബർഗ്. പരസ്യപ്പെടുത്താതെ സ്വതന്ത്രമായ ഇടപാടിലൂടെയാണ് വീട് കൈമാറ്റം ചെയ്തതെന്നാണ് വിവരം. സാൻഫ്രാൻസികോയിൽ ഈ വർഷം നടന്ന വീട് കൈമാറ്റങ്ങളിൽ ഏറ്റവും ഉയർന്ന വിലയാണ് സക്കറിന്റെ വീടിന് ലഭിച്ചത്. 247 കോടി രൂപയ്ക്കാണ് ഫേസ്ബുക്ക് സഹസ്ഥാപകൻ തന്റെ വീട് വിറ്റത്. 2017ൽ 79 കോടി രൂപയ്ക്കാണ് സക്കർബർഗ് ഈ വീട് സ്വന്തമാക്കിയത്.
ഡോളോറസ് ഹൈറ്റ്സിൽ സ്ഥിതിചെയ്യുന്ന 7300 ചതുരശ്ര അടി വിസ്തീർണമുള്ള ഈ വീട്ടിൽ നാല് കിടപ്പുമുറികളും നാല് ബാത്റൂമുകളുമുണ്ട്. പാർക്കിങ് സൗകര്യവുമായി ബന്ധപ്പെട്ട് സക്കറും അയൽക്കാരും തമ്മിൽ തർക്കം ഉണ്ടായിരുന്നുവെന്നാണ് റിപ്പോർട്ടുകൾ. വീട് വാങ്ങിയപ്പോൾ മുതൽ സക്കറും അയൽക്കാരും തമ്മിൽ പ്രശ്നങ്ങളുണ്ടായിരുന്നു.
വീട് വാങ്ങിയ ശേഷം തനിക്ക് ഇഷ്ടപ്പെട്ട രീതിയിലേക്ക് വീട് മാറ്റിയെടുക്കുന്നതിനായി രണ്ട് വർഷത്തോളമാണ് ഈ വീട്ടിൽ നവീകരണ പ്രവർത്തനങ്ങൾ നടന്നത്. വീട് നവീകരണത്തിനായി കൊണ്ടുവന്ന സാമഗ്രികൾ വഴി തടസപ്പെടുത്തുന്ന രീതിയിൽ ഇട്ടതും ശബ്ദമലിനീകരണവുമാണ് അയൽക്കാർക്ക് ബുദ്ധിമുട്ടുണ്ടാക്കിയത്. ലക്ഷങ്ങൾ ചെലവഴിച്ചാണ് വീടിന്റെ നവീകരണ പ്രവർത്തികൾ നടത്തിയത്.
സാൻഫ്രാൻസിസ്കോയിലെ ബേ ഏരിയയിലെ പാലോ ആൾട്ടോയിലും സക്കർബർഗിന് വീടുണ്ട്. ഇതു കൂടാതെ ഹവായിലെ കൗവായ് ദ്വീപിൽ 1400 ഏക്കർ സ്ഥലവും സക്കറിന് സ്വന്തമായുണ്ട്.
ഡോളോറസ് ഹൈറ്റ്സിൽ സ്ഥിതിചെയ്യുന്ന 7300 ചതുരശ്ര അടി വിസ്തീർണമുള്ള ഈ വീട്ടിൽ നാല് കിടപ്പുമുറികളും നാല് ബാത്റൂമുകളുമുണ്ട്. പാർക്കിങ് സൗകര്യവുമായി ബന്ധപ്പെട്ട് സക്കറും അയൽക്കാരും തമ്മിൽ തർക്കം ഉണ്ടായിരുന്നുവെന്നാണ് റിപ്പോർട്ടുകൾ. വീട് വാങ്ങിയപ്പോൾ മുതൽ സക്കറും അയൽക്കാരും തമ്മിൽ പ്രശ്നങ്ങളുണ്ടായിരുന്നു.
വീട് വാങ്ങിയ ശേഷം തനിക്ക് ഇഷ്ടപ്പെട്ട രീതിയിലേക്ക് വീട് മാറ്റിയെടുക്കുന്നതിനായി രണ്ട് വർഷത്തോളമാണ് ഈ വീട്ടിൽ നവീകരണ പ്രവർത്തനങ്ങൾ നടന്നത്. വീട് നവീകരണത്തിനായി കൊണ്ടുവന്ന സാമഗ്രികൾ വഴി തടസപ്പെടുത്തുന്ന രീതിയിൽ ഇട്ടതും ശബ്ദമലിനീകരണവുമാണ് അയൽക്കാർക്ക് ബുദ്ധിമുട്ടുണ്ടാക്കിയത്. ലക്ഷങ്ങൾ ചെലവഴിച്ചാണ് വീടിന്റെ നവീകരണ പ്രവർത്തികൾ നടത്തിയത്.
സാൻഫ്രാൻസിസ്കോയിലെ ബേ ഏരിയയിലെ പാലോ ആൾട്ടോയിലും സക്കർബർഗിന് വീടുണ്ട്. ഇതു കൂടാതെ ഹവായിലെ കൗവായ് ദ്വീപിൽ 1400 ഏക്കർ സ്ഥലവും സക്കറിന് സ്വന്തമായുണ്ട്.