പ്രണയം മൂത്ത് കാമുകിയുടെ അമ്മയ്ക്ക് വൃക്ക ദാനം ചെയ്തു; മറ്റൊരാളെ വിവാഹം കഴിച്ച് കാമുകി

മെക്സിക്കോ സിറ്റി: പ്രണയിക്കുമ്പോൾ പങ്കാളിക്കുവേണ്ടി എന്തും പങ്കുവെയ്ക്കാൻ തയ്യാറാകുന്നവരാണ് നമ്മിൽ പലരും. എന്നാൽ സ്വന്തം അവയവത്തിലൊന്ന് പങ്കുവെച്ച ശേഷം പങ്കാളി പ്രണയത്തിൽ നിന്നും പിന്മാറിയാലോ? വിഷമകരമായിരിക്കുമല്ലേ പിന്നീടുള്ള ജീവിതം! സ്വന്തം വൃക്കയും കാമുകിയും നഷ്ടപ്പെട്ട അവസ്ഥയിലാണ് മെക്സിക്കോയിൽ നിന്നുള്ള ഉസിയേൽ എന്ന യുവാവ്.

Also Read: ശബ്ദം കൂടുതലെന്ന് ആരോപിച്ച് അധ്യാപികയെ പുറത്താക്കി; ഒരു കോടി നഷ്ടപരിഹാരം

പ്രണയത്തിലായിരിക്കെ പങ്കാളിയുടെ മാതാവിന് ഉസിയേൽ മാർട്ടിനെസ് തന്റെ വൃക്കകളിലൊന്ന് പകുത്തുനൽകി. എന്നാൽ കൃത്യം ഒരു മാസത്തിനു ശേഷം തന്റെ പങ്കാളി തന്നെ ഉപേക്ഷിച്ചു പോയെന്നും മറ്റൊരാളെ വിവാഹം ചെയ്തെന്നും ഉസിയേൽ പറയുന്നു. സമൂഹമാധ്യമങ്ങളിലൂടെയാണ് ഉസിയേൽ തന്റെ അനുഭവം പങ്കുവെച്ചത്.

മെക്സിക്കോയിലെ ബജ കാലിഫോർണിയയിൽ അധ്യാപകനായി ജോലി ചെയ്യുന്ന ഉസിയേൽ മാർട്ടിനെസ് ടിക് ടോക്ക് വീഡിയോയിലൂടെയാണ് തന്റെ അനുഭവം വിവരിച്ചത്.

Also Read: രക്തബന്ധത്തിലുള്ളവരുമായി ലൈംഗികബന്ധം ഇനി നടക്കില്ല, 231 വർഷത്തിനു ശേഷം വിലക്ക് ഏർപ്പെടുത്താൻ ഒരു രാജ്യം

താൻ പങ്കാളിയുടെ അമ്മയ്ക്ക് വൃക്ക നൽകിയപ്പോൾ അവർ മറ്റൊരാളെ വിവാഹം കഴിക്കുകയാണ് ചെയ്തതെന്ന് വീഡിയോയ്ക്ക് അടിക്കുറിപ്പായി ഉസിയേൽ കുറിച്ചു. ഇതുവരെ 16 ദശലക്ഷത്തിലധികം പേരാണ് ഉസിയേലിന്റെ വീഡിയോ കണ്ടിരിക്കുന്നത്.

നല്ലൊരു മനുഷ്യനെ ഉസിയേലിന്റെ കാമുകിക്ക് നഷ്ടപ്പെട്ടുവെന്നും തളരാതെ മുന്നോട്ടു പോകാനുമാണ് ആളുകളുടെ പ്രതികരണം. തനിക്ക് അവരോട് ദേഷ്യമൊന്നും ഇല്ലെന്നും തങ്ങൾ ഇപ്പോൾ സുഹൃത്തുക്കളല്ലെന്നും ഉസിയേൽ പറഞ്ഞു.