വിശപ്പ് സഹിച്ചില്ല, ഒറ്റയടിക്ക് വളർത്തുനായ അകത്താക്കിയത് പതിനായിരം രൂപ; അന്തംവിട്ട് ഉടമ !

മനുഷ്യരുടെ ഏറ്റവും വിശ്വസ്തനായ വളർത്തുമൃഗമാണ് നായ. നമുക്കൊപ്പം എപ്പോഴും ഉണ്ടാകുമെങ്കിലും കണ്ണുത്തെറ്റിയാൾ പിന്നെ വികൃതിയാണ്. വിലകൂടിയ വസ്തുക്കൾ മുതൽ നിലത്തുവിരിക്കുന്ന ചവിട്ടിയും ചെരിപ്പും എന്നുവേണ്ട കയ്യിൽ കിട്ടുന്ന എന്തും തച്ചുടയ്ക്കാൻ ഈ വികൃതി കുട്ടൻമാർക്ക് കഴിയും. അതിൽ അവർക്ക് പ്രത്യേകം താൽപര്യവുമുണ്ട്. ഐൽ ഓഫ് മാൻ സ്വദേശിയായ ജോസെലിൻ ഹോർണിന്റെ നായയും സാധാരണ മറ്റു നായക്കളെപോലെ വളരെ വികൃതിയുള്ള കൂട്ടത്തിലാണ്. പക്ഷെ തന്റെ വളർത്തുനായ തനിക്കിത്രയും വലിയൊരു പണി തരുമെന്ന് ജോസെലിൻ ഒരിക്കലും പ്രതീക്ഷിച്ച് കാണില്ല. എന്താണ് ആ എട്ടിന്റെ പണിയെന്നല്ലേ?

കട്ടിലിനരികിലുള്ള കലത്തിലായിരുന്നു ജോസെലിൻ പണം സൂക്ഷിച്ച് വയ്ക്കാറുള്ളത്. ജോസെലിൻ കലത്തിനുള്ളിൽ പണം വയ്ക്കുന്നത് അവരുടെ പ്രിയപ്പെട്ട വളർത്തുമൃഗമായ പെഗ്ഗി ശ്രദ്ധിക്കാറുണ്ടായിരുന്നു. അങ്ങനെ ഒരുദിവസം അവൾ ആ കലം തട്ടിപ്പൊട്ടിച്ച് അതിനുള്ളിലെ പണം മുഴുവനും അകത്താക്കി. ജോലി കഴിഞ്ഞ് വീട്ടിൽ മടങ്ങിയെത്തി ജോസെലിനോട് ഭർത്താവ് അലൻ ആയിരുന്നു സംഭവം വിവരിച്ചത്. ആദ്യം അലൻ തന്നെ കളിയാക്കാൻ വെറുതെ പറയുകാണെന്നായിരുന്നു ജോസെലിൻ കരുതിയിരുന്നത്. എന്നാൽ കിടപ്പുമുറിയിലെത്തി പരിശോധിച്ചപ്പോൾ ആ കാഴ്ച കണ്ട് ജോസെലിൻ ഞെട്ടി. തന്റെ ഇത്രയും കാലത്തെ സമ്പാദ്യം മുഴുവൻ പ്രിയപ്പെട്ട നായ അകത്താക്കിയിരിക്കുന്നു.

Also Read: ആദിവാസി കുടുംബങ്ങൾക്ക് പുതിയ വീടുമായി തമിഴ്നാട് സർക്കാർ; ഉയരുന്നത് 8800 ഭവനങ്ങള്‍

100 പൗണ്ട് ഏകദേശം 9,829 ഇന്ത്യൻ രൂപയാണ് പെഗ്ഗി കഴിച്ചത്. തറയിൽ വീണ കലത്തിനരികിൽ നിന്നാണ് പെഗ്ഗി പണം മുഴുവനും കഴിച്ചുതീർത്തത്. തറയിൽ എന്ത് കിടന്നാലും കടിച്ച് തിന്നാൻ പെഗ്ഗിയ്ക്ക് വളരെ ഇഷ്ടമാണ്. സംഭവം നടന്നദിവസം കിടപ്പുമുറി പരിശോധിച്ചപ്പോൾ കിടക്കയിൽ ആകെ പാതി കടിച്ച 20 പൗണ്ടിന്റെ (ഏകദേശം 2000 രൂപ) നോട്ട് മാത്രമേ കാണാൻ കഴിഞ്ഞിരുന്നുള്ളൂ. അവൾ ആ പണം മുഴുവൻ കഴിച്ചിട്ടുണ്ടാകുമെന്ന് തനിക്കപ്പോൾ വിശ്വസിക്കാൻ കഴിഞ്ഞിരുന്നില്ലെന്നും അവർ കൂട്ടിച്ചേർത്തു.

Also Read: 5 വയസുകാരിയുടെ ഞെട്ടിക്കുന്ന പ്രകടനം; 13 മിനിറ്റ് 15 സെക്കന്റ് കൊണ്ട് ലക്ഷ്യസ്ഥാനത്ത് എത്തിച്ചത് 111 അമ്പുകൾ

പക്ഷെ പിറ്റേന്ന് രാവിലെ അടുക്കള തറയിൽ നോട്ടുകൾ ഛർദ്ദിച്ച നിലയിൽ പെഗ്ഗിയെ കണ്ടെത്തിയതോടെ തന്റെ സംശയം പൂർണ്ണമായും മാറി. പെഗ്ഗിയായിരുന്നു ആ നോട്ടുകൾ വീഴുങ്ങിയതെന്ന് തനിക്ക് മനസിലായി. കറൻസി നോട്ടുകൾ കഴുകി വൃത്തിയാക്കി അതിന്റെ സീരിയൽ നമ്പർ എടുക്കാൻ ഒരു ശ്രമം നടത്തി നോക്കിയെങ്കിലും പരാജയപ്പെടുകയായിരുന്നു. തന്റെ പണം പോയതിൽ എനിക്ക് വലിയ സങ്കടമുണ്ട്. പക്ഷെ പെഗ്ഗിയെ തനിക്ക് അതിനേക്കാൾ ഏറെ ഇഷ്ടമാണെന്നും ജോസെലിൻ പറഞ്ഞു.