വിരമിച്ച അധ്യാപകർക്ക് ശമ്പളം നൽകി; സംഭവം പുറത്തായതോടെ കോർപ്പറേഷൻ വെട്ടിൽ!

സർവീസിൽ നിന്ന് വിരമിച്ച 19 അധ്യാപകർക്ക് കഴിഞ്ഞ നാലു മാസമായി ശമ്പളം അക്കൗണ്ടിൽ എത്തുന്നു. പൂനെ മുനിസിപ്പൽ കോർപ്പറേഷനിലെ ഉദ്യോഗസ്ഥരുടെ അനാസ്ഥയാണ് ഇതിന് കാരണമായത്. മാർച്ച് - ഏപ്രിൽ മാസങ്ങളിൽ വിരമിച്ച അധ്യാപകർക്കാണ് ഇപ്പോഴും ശമ്പളം ലഭിക്കുന്നത്. ചൊവ്വാഴ്ച നടന്ന ഇന്ന് മുനിസിപ്പൽ കോർപ്പറേഷൻ സ്റ്റാൻഡിങ് കമ്മിറ്റി യോഗത്തിലാണ് സംഭവം പുറത്തായത്.

എൻസിപി കോർപ്പറേറ്റർ മഹേന്ദ്ര പതാരെയാണ് യോഗത്തിൽ വിഷയം ഉന്നയിച്ചത്. സാധാരണ സർവീസിൽനിന്ന് ഇന്ന് വിരമിച്ച അധ്യാപകർക്ക് പെൻഷനാണ് ലഭിക്കേണ്ടത്. പെൻഷന് അപേക്ഷിച്ചാൽ തന്നെ രണ്ട് മാസമെങ്കിലും കഴിഞ്ഞതിന് ശേഷമാണ് അത് ലഭിക്കാറുള്ളത്. എന്നാൽ തീർത്തും വ്യത്യസ്തമായ രീതിയിൽ ശമ്പളം തന്നെ അധ്യാപകരിലേക്ക് എത്തിയിരിക്കുകയാണ്.

Also Read: നായ കടിച്ച ആടിന്‍റെ പേരില്‍ തര്‍ക്കം; സഹോദരങ്ങള്‍ തമ്മിൽ ഏറ്റുമുട്ടി, 3 പേര്‍ക്ക് പരിക്ക്

യോഗത്തിൽ വിഷയം വിവാദമായെങ്കിലും വിദ്യാഭ്യാസ വകുപ്പിനും വ്യക്തമായ വിശദീകരണം നൽകാൻ സാധിച്ചില്ല. കൊവിഡ് പ്രതിസന്ധി കാലത്ത് സർക്കാരുകളും തദ്ദേശ സ്വയംഭരണ സ്ഥാപനങ്ങളും പണം കണ്ടെത്താൻ ഏറെ ബുദ്ധിമുട്ടുന്ന സമയത്താണ് ഇത് സംഭവിച്ചിരിക്കുന്നത്.

Also Read: സിനിമയും ജീവിതമാണ്; അഭിനയവും ജോലിയും ഒരുമിച്ച് കൊണ്ടുപോകുന്ന ഐഎഎസ് ഓഫീസർ

അധ്യാപകരുടെ അക്കൗണ്ടിലേക്ക് പോയ പോയ ശമ്പളം തിരികെ വാങ്ങിക്കാനാണ് ഇപ്പോൾ കോർപ്പറേഷൻ തീരുമാനിച്ചിരിക്കുന്നത്. ശമ്പളം മടക്കി നൽകാൻ അധ്യാപകരോട് ആവശ്യപ്പെട്ടിട്ടുണ്ട്. ഇത്തരത്തിൽ ശമ്പളം ലഭിക്കുന്ന വിവരം അധ്യാപകരും അറിയിച്ചിരുന്നില്ല. വിഷയവുമായി ബന്ധപ്പെട്ട് മുനിസിപ്പൽ കോർപ്പറേഷൻ സ്റ്റാൻഡിങ് കമ്മിറ്റി വിശദമായ അന്വേഷണം പ്രഖ്യാപിച്ചിട്ടുണ്ട്.