'മമ്മൂട്ടിയെ തോൽപ്പിക്കുന്ന' ലുക്ക്, പ്രായം 73 ആയെന്ന് ആരു വിശ്വസിക്കും? നിത്യയുവത്വത്തിൻ്റെ പര്യായമായി വേറ വാങ്

ന്യൂയോർക്ക്: വനിതാദിനത്തോട് അനുബന്ധിച്ച് ഒരു മാസം മുൻപു നടത്തിയ ഒരു ഫോട്ടോഷൂട്ടാണ് യുഎസ് ഫാഷൻ ഡിസൈനറായ വേറ വാങിനെ ആഗോളതലത്തിൽ ചർച്ചാവിഷയമാക്കിയത്. പ്രായത്തിൽ വെല്ലുന്ന ലുക്കിൽ സമൂഹമാധ്യമങ്ങളിൽ പ്രത്യക്ഷപ്പെട്ട വേറ വാങിൻ്റെ കാലത്തെ അതിജീവിക്കുന്ന സൗന്ദര്യവും തീരാത്ത യുവത്വവുമായിരുന്നു ശ്രദ്ധേയയാക്കിയത്. ചിത്രങ്ങളിൽ യുവതിയെന്നു തോന്നുമെങ്കിലും വേറെ വാങ് ഒരു 73കാരിയാണ്. ഒടുവിൽ പ്രശംസകളോടും പ്രതികരണങ്ങളോടും പ്രതികരിച്ച് രംഗത്തെത്തിയിരിക്കുകയാണ് വേറ. രണ്ടു വർഷം മുൻപ് ഒരു സ്പോർട്സ് ബ്രായും ഷോർട്സും ധരിച്ച് ഇൻസ്റ്റഗ്രാമിൽ പോസ്റ്റ് ചെയ്ത ചിത്രമായിരുന്നു വേറെ വാങ്ങിനെ അന്ന് വൈറലാക്കിയത്. മിയാമിയിലെ സുഖകരമായ അന്തരീക്ഷത്തിൽ വടിവൊത്ത വയറും കൈകളും അഭിമാനത്തോടെ പ്രദ‍ർശിപ്പിച്ച വേറ വാങ് വാ‍ർധക്യത്തെപ്പറ്റിയുള്ള പൊതുധാരണകൾ തിരുത്തിക്കുറിച്ചു. "70കൾ എങ്ങനെയായിരിക്കും എന്ന കാര്യത്തിൽ ആളുകൾക്ക് ഇപ്പോൾ ഒരു ധാരണയുണ്ടായെന്നു തോന്നുന്നു. എനിക്ക് വളരെ അടിച്ചുപൊളിച്ച് ജീവിക്കുന്ന 65ഉം 70ഉം വയസുള്ള നിരവധി സുഹൃത്തുക്കളുണ്ട്. ഇതൊരു നല്ല കാര്യമാണ് എന്നാണ് എനിക്കു പറയാനുള്ളത്." വേറ പ്രതികരിച്ചു. സ്ത്രീകൾക്ക് കൂടുതൽ ആത്മവിശ്വാസം ഉണ്ടാക്കാൻ തൻ്റെ നിലപാട് സഹായിക്കുന്നുണ്ടെന്നും ഒരു സ്ത്രീയ്ക്ക് എന്താകാൻ ആകുമെന്ന് ഇത് വ്യക്തമാക്കുന്നുണ്ടെന്നും അവ‍ർ ചൂണ്ടിക്കാണിക്കുന്നു.


കൊവിഡ് കാലത്ത് ക്വാറൻ്റൈനിലായിരുന്ന കാലത്താണ് വൈറൽ ചിത്രം പകർത്തിയതെന്നും എന്നാൽ അന്നും താൻ സ്ഥിരമായി ട്രെഡ് മില്ലിൽ വ്യായാമം ചെയ്യുമായിരുന്നു എന്നും വാങ് പറയുന്നു. ഇതിനിടെ യാദൃച്ഛികമായി പക‍ർത്തിയ ചിത്രത്തിന് വലിയ സ്വീകരണം ലഭിച്ചത് സുഹൃത്തുക്കൾ പറഞ്ഞാണ് അറിഞ്ഞതെന്നും വാങ് പറയുന്നു. എന്നാൽ ഏതു ചിത്രത്തെപ്പറ്റിയാണ് പറയുന്നതെന്ന് കൂട്ടുകാരോടു ചോദിച്ചെന്നും തമാശ പറയുകയാണെന്നാണ് ആദ്യം കരുതിയതെന്നും വാങ് പറഞ്ഞു.


തൻ്റെ യുവത്വത്തിൻ്റെ രഹസ്യവും മുൻപൊരിക്കൽ വാങ് വെളിപ്പെടുത്തിയിരുന്നു. "ജോലി, ഉറക്കം, ഒരു വോഡ്ക കോക്ക്ടൈൽ. അധികം വെയിൽ കൊള്ളില്ല." ഇതാണ് തൻ്റെ തൊലി ചുളിയാത്തതിനു പിന്നിലെന്ന് അവർ പറയുന്നു.

'പരസ്യമായി മാപ്പ് പറയണം, അല്ലെങ്കിൽ ഒരു കോടിയുടെ മാനനഷ്ടക്കേസ്'; എം വി ഗോവിന്ദനും സച്ചിൻ ദേവിനും കെ കെ രമയുടെ വക്കീൽ നോട്ടീസ്
യുഎസിലെ തന്നെ പ്രശസ്തരായ വിവാഹവസ്ത്ര ഡിസൈനർമാരിൽ ഒരാളാണ് വാങ്. തൻ്റെ പല ലുക്കിലുമുള്ള ചിത്രങ്ങൾ വാങ് പതിവായി സമൂഹമാധ്യമങ്ങളിൽ പങ്കുവെക്കാറുമുണ്ട്. മെറ്റ്ഗാലയിലും ഓസ്കറിലുമെല്ലാം പല വട്ടം പങ്കെടുത്തിട്ടുള്ള താൻ വൈറലാകാനായി പല ശ്രമങ്ങളും നടത്തിയിട്ടുണ്ടെന്ന് വാങ് സമ്മതിക്കുന്നു. എന്നാൽ ഒരിക്കലും ഇതൊന്നും വിജയിച്ചിട്ടില്ല. അന്നത്തെ ചിത്രം വൈറലായത് അപ്രതീക്ഷിതമായിരുന്നു.


അതേസമയം, ജോലിയുടെ ക്ഷീണം മറന്ന് എല്ലാ ദിവസവും സ്വകാര്യജീവിതത്തിലേയ്ക്ക് പ്രവേശിക്കാൻ സഹായിക്കുന്നത് ഒരൽപം മദ്യപാനമാണെന്നാണ് വാങ്ങിൻ്റെ അഭിപ്രായം. എല്ലാ ദിവസവും വോഡ്ക കോക്ക്ടൈൽ കഴിക്കുന്ന കാര്യം 2020ൽ അവർ ബിബിസിയോടു തുറന്നു പറഞ്ഞിരുന്നു.

ഈസ്റ്റർ ദിനത്തിലെ കൊലപാതകം; കൊലയ്ക്ക് ഉപയോഗിച്ച കത്തി കണ്ടെടുത്തു, മരുമകന്റെ കുത്തേറ്റ് വയോധികൻ മരിച്ച സംഭവത്തിൽ തെളിവെടുപ്പ് നടത്തി
മുൻപും യുഎസ് ഫാഷൻ ലോകത്ത് വലിയ ബ്രാൻഡാണ് വേറ വാങ്. എന്നാൽ ഫാഷൻ അധികം പിന്തുടരാത്തവരുടെ വാളുകളിലും വേറ വാങിൻ്റെ ചിത്രങ്ങൾ എത്താൻ കാരണം പ്രായത്തെ തോൽപ്പിക്കുന്ന ലുക്ക് തന്നെയായിരുന്നു. ആളുകളുടെ അഭിനന്ദനത്തിൽ വളരെ നന്ദിയുണ്ടെന്നാണ് വാങ് പറയുന്നത്.