17 വര്‍ഷത്തിനിടയില്‍ 12 കുട്ടികളുടെ അമ്മയായി, ആദ്യ കുഞ്ഞ് 16ാം വയസ്സില്‍, ജീവിതം ആസ്വദിക്കുന്നെന്ന് 33കാരി

കഴിഞ്ഞ 17 വര്‍ഷത്തിനിടയില്‍ 12 കുട്ടികളുടെ അമ്മയായി യുവതി. യുഎസ്സില്‍ താമസമാക്കിയ 33 കാരിയായ ബ്രിട്‌നി ചര്‍ച്ചാണ് ഈ ചെറുപ്രായത്തില്‍ 12 കുട്ടികളുടെ അമ്മയായത്. 2004 ല്‍ പതിനാറ് വയസ്സുള്ളപ്പോഴാണ് ബ്രിട്‌നി ആദ്യ കുഞ്ഞിന് ജന്മം നല്‍കിയത്. 12 കുട്ടികള്‍ മാത്രം പോരാ ഇനിയും കുട്ടികള്‍ വേണമെന്ന ആഗ്രഹത്തിലാണ് അവളുടെ ഭര്‍ത്താവ് ക്രിസ്. ക്രിസിന് മുപ്പത് വയസ്സാണ്.

Also Read: പത്താം ക്ലാസ് പരീക്ഷ ഒന്നിച്ചെഴുതി, 43കാരനായ അച്ഛന്‍ ജയിച്ചു, മകന്‍ തോറ്റു !

യുഎസിലെ കന്‍സാസിലെ അരക്കന്‍സാസ് സിറ്റിയിലാണ് ബ്രിട്‌നിയുടെയും കുടുംബത്തിന്റെയും താമസം. ആദ്യ പ്രസവത്തിന് ശേഷം ഓരോ വര്‍ഷവും ഓരോ കുട്ടികള്‍ വീതം എന്ന രീതിയില്‍ അവര്‍ക്ക് 19 വയസ്സായപ്പോഴേക്കും മൂന്ന് കുട്ടികള്‍ കൂടി ജനിച്ചു. ബ്രിട്‌നിയുടെ 20 കളില്‍ നാല് കുട്ടികള്‍ കൂടി ജനിച്ചു. മുപ്പത് വയസ്സായപ്പോള്‍ വീണ്ടും പ്രസവിക്കുകയും ഇപ്രാവശ്യം ഒറ്റ പ്രസവത്തില്‍ മൂന്ന് കുട്ടികള്‍ ജനിക്കുകയും ചെയ്തു. കഴിഞ്ഞ വര്‍ഷം, 32ാം വയസ്സിലാണ് പന്ത്രണ്ടാമത്തെ കുഞ്ഞ് ജനിച്ചത്. ഇതോടെ താന്‍ തത്ക്കാലം മതിയാക്കിയെന്ന് ചര്‍ച്ച് പറയുമ്പോള്‍ കൂടുതല്‍ കുട്ടികളുണ്ടാകുന്നത് സന്തോഷമല്ലേ എന്നാണ് ക്രിസിന്റെ ചോദ്യം.


ബ്രിട്‌നി- ചര്‍ച്ച് ദമ്പതികള്‍ക്ക് ഇപ്പോള്‍ ഏഴ് ആണ്‍കുട്ടികളും അഞ്ച് പെണ്‍കുട്ടികളുമുണ്ട്. അവളുടെ ജീവിതത്തില്‍ അവള്‍ ഏകദേശം 98 മാസത്തോളം ഗര്‍ഭിണി ആയിരുന്നു. ഏകദേശം 11 വര്‍ഷക്കാലം അവര്‍ കുഞ്ഞുങ്ങളെ വയറ്റില്‍ ചുമന്നു. ട്രിപ്പിള്‍സിനെ ഒഴികെ ബാക്കി എല്ലാവരെയും നോര്‍മല്‍ ഡെലിവറി ആയിരുന്നു. ട്രിപ്പിള്‍സിന്റെ ജനനം സിസേറിയന്‍ ആയിരുന്നു. ഇപ്പോഴും ഗര്‍ഭം ധരിക്കാനുള്ള ആരോഗ്യം തനിക്കുണ്ടെങ്കിലും ഇനിയും ഗര്‍ഭിണിയാകാന്‍ താനില്ലെന്ന് ബ്രിട്‌നി ഉറപ്പിച്ചു പറയുന്നു. കഴിഞ്ഞ മാസമാണ് അവളുടെ മൂത്ത കുട്ടി ഹൈസ്‌കൂള്‍ ബിരുദം നേടിയത്.

2014 ലാണ് ജോലിസ്ഥലത്ത് വച്ചാണ് അവള്‍ ആദ്യമായി കാണുന്നത്. ആ സമയത്ത് അവള്‍ അഞ്ച് കുട്ടികളുടെ അമ്മ ആയിരുന്നു. ബ്രിട്‌നിയുടെ വ്യത്യലസ്തമായ ജീവിതം അവള്‍ തന്റ ടിക്ടോകിലൂടെ ആളുകളുമായി പങ്കുവെയ്ക്കാറുണ്ടായിരുന്നു.

Also Read: വിവാഹത്തിനിടെ ഡാന്‍സ്, ചുവടു പിഴച്ച് വരന്‍; ചവിട്ടിയത് വധുവിന്‍റെ മുഖത്ത്

വീട്ടില്‍ ആകെ അഞ്ച് കിടുപ്പുമുറികളാണ് ഉള്ളത്. ക്രിസ് നിര്‍മ്മിച്ച 12 സീറ്റുകളുള്ള മേശയിലാണ് കുടുംബത്തിലെ എല്ലാവരും ഭക്ഷണം കഴിക്കുന്നത്. 15 സീറ്റുകളുള്ള ഫോര്‍ഡ് ട്രാന്‍സിറ്റിലാണ് യാത്ര. കുടുംബത്തിന് ഒരു ദിവസം രണ്ട് ഗാലന്‍ പാല്‍ വേണമെന്ന് ബ്രിട്‌നി പറയുന്നു. ഇതിന് തന്നെ മാസം പതിനയ്യായിരം രൂപ ചെലവ് വരും. ഇങ്ങനെ ആണെങ്കിലും ജീവിതം താന്‍ ശരിക്കും ആസ്വദിക്കുകയാണെന്ന് ബ്രിട്‌നി പറയുന്നു.