അമ്മയും സഹോദരങ്ങളും സെൽഫി എടുക്കുന്നതിനിടയിൽ രണ്ടര വയസുകാരനെ കടലിൽ കാണാതായായി; സംഭവം ആലപ്പുഴയിൽ

അമ്മ മറ്റ് രണ്ട് കുട്ടികളുമായി സെൽഫി എടുക്കുന്നതിനിടെ രണ്ടര വയസുകാരനെ കടലില്‍ കാണാതായി. അലപ്പുഴയിലാണ് സംഭവം നടന്നത്. പാലക്കാട് സ്വദേശിയായ ലക്ഷ്മണന്റെയും അനിതമോലിയുടെയും മകൻ അധികികൃഷ്ണനാണ് കാണാതായത്.

Also Read: കടക്കെണിയില്‍ ആയതിനെ തുടർന്ന് വൃക്ക വിൽക്കാൻ തീരുമാനിച്ച ദമ്പതികൾ സൈബർ തട്ടിപ്പിന് ഇരയായി; നഷ്ടമായത് 17 ലക്ഷം രൂപ

രണ്ട് ദിവസം മുമ്പ് ഒരു വിവാഹ ചടങ്ങിൽ പങ്കെടുത്ത ശേഷം അനിതയും രണ്ട് മക്കളും സഹോദരന്റെ മകനും കൂടി അലപ്പുഴയിലെ ബന്ധുവായ ബിനുവിന്റെ വീട്ടിലെത്തി. ഉച്ചകഴിഞ്ഞ് രണ്ടരയോടെയാണ് ബന്ധുവായ ബിനു ഇവരെ ആലപ്പുഴ ബീച്ചിലേക്ക് കൊണ്ടുപോയത്. എന്നാല്‍ കടല്‍ തീരത്തേക്ക് പോകാന്‍ പറ്റിയില്ല. പിന്നീട് ആലപ്പുഴ ഇ.എസ്.ഐ ആശുപത്രിക്കടുത്തുള്ള കടൽത്തീരത്തെത്തി. കുട്ടികളും അനിതയും സെൽഫിയെടുത്തുകൊണ്ടിരിക്കുമ്പോള്‍ ആണ് വലിയ തിരമാലകള്‍ എത്തിയത്. വാഹനം റോഡിൽനിന്ന് മാറ്റിയിടാൻപോയ ബിനു തിരിച്ചെത്തിയപ്പോള്‍ തിരമാലയില്‍പ്പെട്ട അനിതയേയും കുട്ടികളേയും ആണ് കണ്ടത്.ആദികൃഷ്ണ ഒഴികെയുള്ള എല്ലാവരേയും രക്ഷിക്കാന്‍ സാധിച്ചു.

Also Read: എന്തുകൊണ്ടാണ് ഹൈദരാബാദ് ലോകത്തിന്‍റെ വാക്സിൻ തലസ്ഥാനമാകുന്നത്? കാരണങ്ങള്‍ ഇവയാണ്

ദിവസങ്ങളായി കടൽ പ്രക്ഷുബ്‌ധമായതിനാൽ പോലീസ് ആരേയും കടത്തിവിടുന്നില്ലായിരുന്നു. സംസ്ഥാന സർക്കാർ ഉത്തരവുകൾ ലംഘിച്ച് കുട്ടികളെ കടൽത്തീരത്ത് കൊണ്ടുവന്നവർക്കെതിരെ കേസ് രജിസ്റ്റർ ചെയ്യാൻ ജില്ലാ ശിശുക്ഷേമ സമിതി പോലീസിനോട് ആവശ്യപ്പെട്ടു. കടൽ ഇപ്പോഴും ശാന്തമാകാത്തതിനാല്‍ കുട്ടിക്കായുള്ള തിരച്ചിൽ തുടങ്ങിയിട്ടില്ല.