സ്വപ്ന ഷോട്ടുകൾക്കായി ഫോട്ടോഗ്രാഫർ കാത്തിരുന്നത് നാല് വർഷം; എന്നാൽ വിധി മറ്റൊന്ന് ആയിരുന്നു

വന്യജീവി ഫോട്ടോഗ്രാഫി അത്ര എളുപ്പമുള്ള ജോലിയല്ല. മൃഗങ്ങളെക്കുറിച്ച് നമ്മൾ യഥാർത്ഥത്തിൽ എന്താണ് ചിന്തിക്കുന്നതെന്ന് മറ്റുള്ളവര്‍ക്ക് നമ്മുടെ ഷോട്ടുകളിലൂടെ പറഞ്ഞു കൊടുക്കുക വലിയ പ്രയാസമാണ്. വന്യജീവികളുടെ മികച്ച ഫോട്ടോകള്‍ എടുക്കാന്‍ മാസങ്ങളും വർഷങ്ങളും നീണ്ട ക്ഷമ ആവശ്യമാണ്. പലപ്പോഴും രസഹ്യമായി പകര്‍ത്തിയ പല ചിത്രങ്ങളും ഒരു കാലത്ത് വലിയ ശ്രദ്ധ പിടിച്ചു പറ്റിയിട്ടുണ്ട്.

ഫോട്ടോഗ്രാഫർമാര്‍ സാഹസികമായി പകർത്തിയ ചിത്രങ്ങള്‍ വലിയ ചര്‍ച്ചയായിട്ടുണ്ട്. അത്തരത്തിലൊരു ഫോട്ടോയാണ് ഇപ്പോൾ സോഷ്യല്‍ മീഡിയയില്‍ ചര്‍ച്ചയാകുന്നത്. നാല് വര്‍ഷം കാത്തിരുന്ന് ഒരു ഫോട്ടോ ഗ്രാഫര്‍ പകര്‍ത്തിയ ചിത്രം സോഷ്യല്‍ മീഡിയയില്‍ വൈറലാകുകയാണ്. മികച്ച ഷോട്ട് പകർത്താൻ ഒരു നദിയിൽ നാലുവർഷത്തോളം ഫോട്ടോഗ്രാഫർ കാത്തിരുന്നു. എന്നാല്‍ ആ ഫോട്ടോ വൈറലായത് ട്രോളായിട്ടാണെന്ന് മാത്രം



Also Read: "ഹ്യൂമൻ സാത്താൻ" ആവാൻ മൂക്ക് മുറിച്ചു; ശരീരത്തിൽ വിചിത്രമായ പരിഷ്‌കാരങ്ങൾ നടത്തിയ 44 കാരൻ ഭീകരരൂപിയായി മാറി (വീഡിയോ)

നദിയുടെ ആവാസവ്യവസ്ഥയിൽ നീര്‍നായകള്‍ക്ക് വലിയ പങ്കുണ്ട്. ഇന്ന് അവയ്ക്ക് വംശനാശം സംഭവിച്ചിരിക്കുകയാണ്. പല തരത്തില്‍ അവയെ സംരക്ഷിക്കാന്‍ വേണ്ടി ശ്രമങ്ങള്‍ നടത്തുന്നുണ്ട്. വംശനാശം സംഭവിക്കുന്ന നീര്‍നായയുടെ ചിത്രമായിരുന്നു അദ്ദേഹം പകര്‍ത്തിയത്. പരിസ്ഥിതി വാർത്താ വെബ്‌സൈറ്റായ ട്രീഹഗ്ഗർ ചിത്രം പങ്കിട്ട് അദ്ദേഹത്തിന്‍റെ ഷോട്ടുകളെ പറ്റി പറയുന്നുണ്ട്. അയാൾ മണിക്കൂറുകളോളം നദീതീരത്ത് ഇരുന്നാണ് ഈ ഫോട്ടോ എടുത്തത്. എല്ലാ രാത്രിയിലും ഉറക്കം കളഞ്ഞ് അദ്ദേഹം നദിക്കരികില്‍ എത്തും അങ്ങനെ കഷ്ടപ്പെട്ടാണ് അദ്ദേഹം ഈ ഷോട്ടുകള്‍ പകര്‍ത്തിയതെന്നാണ് അവര്‍ പറയുന്നതെന്ന് ഇന്ത്യ ടൈംസ് റിപ്പോര്‍ട്ട് ചെയ്യുന്നു.


എന്നാല്‍ നിര്‍ഭാഗ്യവശാല്‍ ട്വിറ്ററില്‍ ചിത്രം ട്രോളായി ആണ് എത്തിയത്. അദ്ദേഹത്തിന് പ്രതീക്ഷിച്ച അത്ര സ്വീകരണം കിട്ടിയില്ല. ഇന്റർനെറ്റിൽ സംഭവം ട്രോളായി മാറിയെങ്കിലും നിരവധി പേര്‍ അദ്ദേഹത്തെ പിന്തുണച്ച് രംഗത്തെത്തുന്നുണ്ട്.