ധൃതരാഷ്ട്രാലിം​ഗനം: സഹപ്രവർത്തകന്റെ കെട്ടിപിടുത്തം കൂടിപ്പോയി; യുവതിയുടെ മൂന്ന് വാരിയെല്ലുകൾ ഒടിഞ്ഞു

ബെയ്ജിങ്ങ്: സഹപ്രവർത്തകന്റെ കെട്ടിപിടുത്തത്തിൽ യുവതിയുടെ മൂന്ന് വാരിയെല്ലുകൾ ഒടിഞ്ഞതായി പരാതി. ഇന്ത്യയുടെ അയൽ രാജ്യമായ ചൈനയിൽ നിന്നുമാണ് ഇത്തരത്തിൽ ഞെട്ടിക്കുന്ന വാർത്ത പുറത്തുവന്നിരിക്കുന്നത്. ചൈനീസ് മാധ്യമമായ ഐഒഎൽ ആണ് ഇത് സംബന്ധിച്ച് റിപ്പോർട്ട് ചെയ്തിരിക്കുന്നത്.

Also Read : നടുറോട്ടിൽ പുള്ളിപ്പുലിയുടെ വാലിൽ പിടിച്ചുവലിച്ച് യുവാവ്: ക്രൂരതയുടെ വീഡിയോ വൈറൽ

ചൈനയിലെ ഹനാൻ പ്രവശ്യയിൽ കഴിഞ്ഞ വർഷമാണ് കേസിനാസ്പദമായ സംഭവമുണ്ടായിരിക്കുന്നത്. പിന്നീട്, യുൻസി കോടതിയിൽ കേസ് നൽകുകയും ചെയ്തു. ചികിത്സയ്ക്ക് ആവശ്യമായ ചെലവ് അടക്കം നഷ്ടപരിഹാരം ആവശ്യപ്പെട്ടാണ് ഇവർ കോടതിയെ സമീപിച്ചത്. പരാതിയുടെ അടിസ്ഥാനത്തിൽ സഹപ്രവർത്തകയ്ക്ക് 10,000 യുവാൻ നഷ്ടപരിഹാരം നൽകാനും കോടതി ഉത്തരവിട്ടിട്ടുണ്ട്.

ഐഒഎൽ റിപ്പോർട്ട് അനുസരിച്ച് യുവതി തന്റെ മറ്റൊരു സഹപ്രവർത്തകനുമായി സംസാരിച്ചിരിക്കുകയായിരുന്നു. ഈ സമയം തന്റെ അടുത്തുവന്നയാൾ ശക്തമായ ആലിംഗനം നടത്തുകയായിരുന്നു. ഇയാൾ ബലംപ്രയോഗിച്ചതിൽ വേദനകൊണ്ട് ഉച്ചത്തിൽ കരയുകയും ചെയ്തു.

Also Read : എംഎൽഎയുടെ സ്വകാര്യ വീഡിയോ പുറത്തുവിട്ട് രണ്ടാം ഭാര്യ, കൂടെ ഗുരുതര ആരോപണവും; പുതിയ തലവേദനയുമായി ആം ആദ്മി പാർട്ടി

ആലിംഗനത്തിന് ശേഷവും നെഞ്ചിൽ ഒരു അസ്വസ്ഥത തോന്നുകയും ചെയ്തിരുന്നു. തുടർന്ന് ജോലി ചെയ്യുന്നതിൽ ബുദ്ധിമുട്ട് അനുഭവപ്പെടുകയും ചെയ്തിരുന്നു. കടുത്ത വേദന കൊണ്ട്പുളഞ്ഞാണ് താൻ വീട്ടിലേക്ക് മടങ്ങിയത് എന്ന് യുവതി പറയുന്നു. തുടർന്ന്, വീട്ടുവൈദ്യം പരിശോധിച്ചെങ്കിലും ഫലം കാണാതെ വന്നതോടെ രണ്ട് ദിവസങ്ങൾക്ക് ശേഷം ആശുപത്രിയിലേക്ക് പോകുകയായിരുന്നു.

വിദഗ്ദ്ധ പരിശോധന നടത്തിയ യുവതി എക്സെറെ പരിശോധനയിൽ വാരിയെല്ലുകൾ പൊട്ടിയതായി കണ്ടെത്തുകയായിരുന്നു. മൂന്ന് വാരിയെല്ലുകൾ ഒടിഞ്ഞുവെന്നാണ് പരിശോധനയിൽ കണ്ടെത്തിയത്. രണ്ട് എണ്ണം വലത് വശത്തും ഒരെണ്ണം ഇടതു വശത്തുമാണ് ഒടിഞ്ഞിരിക്കുന്നത്.

Also Read : മമത മോദി മഞ്ഞുരുകുന്നുവെന്ന വാർത്തയ്ക്ക് പിന്നാലെ തൃണമൂലിൽ ഭിന്നിപ്പ്? പുതിയ പാർട്ടി ഉദിച്ചുയരുമെന്ന് പോസ്റ്റർ

പിന്നീട് ഡോക്ടർമാർ ചികിത്സ നടത്തുകയും ചെയ്തു. ഇതിനായി വലിയ തുക ചെലവാകുകയും ചെയ്തുവെന്ന് യുവതി പറയുന്നു. അതു കഴിഞ്ഞ് വീട്ടിൽ കുറച്ചു ദിവസങ്ങൾ. ശമ്പളമില്ലാത്ത ലീവ് എടുത്തതിനാൽ അവൾ സാമ്പത്തികമായി ആകെ ബുദ്ധിമുട്ടിലാകുകയും ചെയ്യുകയായിരുന്നു. അങ്ങനെയാണ് തന്നെ കെട്ടിപ്പിടിച്ച സഹപ്രവർത്തകനെതിരെ നിയമനടപടികൾ സ്വീകരിക്കാൻ തയ്യാറായത്.