വർക്ക് ഫ്രം ഹോം മടുത്തോ? കടൽ തീരത്ത് വർക്ക് സ്റ്റേഷനുകൾ തയ്യാർ; ചിലവ് 7 ദിവസത്തേക്ക് 17 ലക്ഷം രൂപ

കൊറോണ വൈറസ് പാൻഡെമിക് കാരണം ലോകമെമ്പാടുമുള്ള ദശലക്ഷക്കണക്കിന് ഓഫീസ് ജോലിക്കാർ വീട്ടിൽ ഇരുന്ന് ജോലി ചെയ്യുകയാണ്. പലര്‍ക്കും വീട്ടില്‍ ഇരുന്ന് ജോലി ചെയ്യുന്നത് മടുത്തിരിക്കുന്നു. അധിക ഉത്തരവാദിത്വങ്ങള്‍ ഏറ്റെടുക്കേണ്ടി വരുന്നത് ഓരോ ദിവസവും വെല്ലുവിളി ആയിരിക്കുകയാണ്. വീട്ടിൽ നിന്ന് ജോലി ആരംഭിച്ചത് മുതൽ ജോലി സമയം വർദ്ധിച്ചതായി പലരും പരാതിപ്പെടുന്നുണ്ട്.

Also Read: എന്തുകൊണ്ടാണ് തായ്‌വാൻ-ചൈന പിരിമുറുക്കം ഉയരുന്നത്; എന്താണ് അപകടസാധ്യതകൾ?

അമിതമായി ജോലിചെയ്യുന്ന ഒരു ജീവനക്കാരന്‍റെ ചെറിയ ഇടവേളകളും ഒഴിവു ദിവസങ്ങളും വളരെ വിലപ്പെട്ടതാണ്. മനസമാധാനം നല്‍കുന്ന ഒരു ഇടം അവന്‍ അതിനായി കണ്ടെത്തും. പലരും കുന്നിന്‍ ചെരുവിലോ മല മുകളിലോ ആയിരിക്കും എത്തുക. എന്നാല്‍ സമുദ്രത്തില്‍ ഒരു ആഡംബര 'വർക്ക്സ്റ്റേഷനിൽ' ഉണ്ടായാല്‍ എങ്ങനെ ഇരിക്കും, കേള്‍ക്കുമ്പോള്‍ അത്ഭുതം തോന്നുമെങ്കിലും സംഭവം സത്യമാണ്. അങ്ങനെ ഒരു 'വർക്ക്സ്റ്റേഷൻ' മാലിദ്വീപില്‍ ഉണ്ട്.

അവിടെ എത്തുന്നവര്‍ക്ക് കടൽത്തീരത്ത് മിനി വർക്ക് സ്റ്റേഷനുകൾ ഉണ്ട്. ബീച്ചിൽ മീറ്റിംഗുകൾ നടത്തുകയും ആഗ്രഹിക്കുന്നിടത്തോളം സമയം ജോലിചെയ്യാൻ അനുവദിക്കുകയും ചെയ്യുന്ന സ്വകര്യം ഇവിടെ ഒരുക്കിയിട്ടുണ്ട്. കൂടാതെ മനസ്സ് ശാന്തമാക്കാന്‍ ദിവസേനയുള്ള യോഗ, ആരോഗ്യം നല്‍കുന്ന ഭക്ഷണങ്ങള്‍ എന്നിവ ഇവിടെ ഒരുക്കിയിട്ടുണ്ട്. ഏഴ് ദിവസത്തെ വർക്ക്സ്റ്റേഷൻ പാക്കേജ് താമസത്തിനായി 17 ലക്ഷം രൂപയാണ് ചിലവ്.