15 വയസിൽ 'വിവാഹം', ഇപ്പോൾ രണ്ടര വയസുള്ള മകന്റെ 'അമ്മ'; പ്ലസ്‌ടു പരീക്ഷയില്‍ ഉന്നത വിജയം കരസ്ഥമാക്കി 19കാരി

15 വയസിൽ വിവാഹം കഴിഞ്ഞിട്ടും പഠനം നിര്‍ത്താന്‍ അവള്‍ ഒരുക്കമായിരുന്നില്ല. വാശിയോടെ പഠിച്ചു. പന്ത്രണ്ടാം ക്ലാസ് പരീക്ഷ എഴുതുമ്പോള്‍ രണ്ടര വയസുള്ള മകന്‍റെ അമ്മയാണ് അവള്‍. എന്നാല്‍ പരീക്ഷാ ഫലം വന്നപ്പോള്‍ അവള്‍ എല്ലാവരേയും ഒന്നു ഞെട്ടിച്ചു. നേടിയത് ചെറിയ വിജയം ആയിരുന്നില്ല. ത്രിപുര ബോർഡ് ഓഫ് സെക്കൻഡറി എജ്യുക്കേഷൻ വെള്ളിയാഴ്ച പുറത്തിറക്കിയ ഫലങ്ങളിൽ ആദ്യ പത്തിൽ അവള്‍ക്ക് സ്ഥാനം നേടാന്‍ സാധിച്ചു. 92.6 ശതമാനം മാര്‍ക്കോടെയാണ് അവള്‍ പരീക്ഷ പാസായത്. ആർട്സ് വിഭാഗത്തിലെ കുട്ടിയായിരുന്ന അവള്‍ എല്ലാ വിഭാഗത്തിലെ കുട്ടികള്‍ക്കിടയിൽ ഒമ്പതാം സ്ഥാനവും സ്വന്തമാക്കി.

Also Read: ബഹിരാകാശത്ത് അപൂർവ 'ചിത്രശലഭം'; ചിത്രം കണ്ട് അമ്പരന്ന് ട്വിറ്റർ ലോകം!

അഗർത്തലയില്‍ നിന്ന് 10 കിലോമീറ്റർ അകലെയുള്ള ഗാന്ധിഗ്രാം പട്ടണത്തിലാണ് യുവതി താമസിക്കുന്നത്.
ഭർത്താവ് രാജു ഘോഷ് കശ്മീരിൽ ബോർഡർ സെക്യൂരിറ്റി ഫോഴ്‌സ് ജീവനക്കാരന്‍ ആണ്. പത്താക്ലാസിലും ഉന്നത വിജയം കരസ്ഥമാക്കിയിരുന്നു. 77 ശതമാനം മാര്‍ക്ക് നേടിയാണ് അവള്‍ വിജയിച്ചത്. പിന്നീട് ഒരു വർഷത്തിനുശേഷം ആണ് പഠനം ആരംഭിച്ചത്.

Also Read: കൊറോണ കറിയും മാസ്കും, മധുരപലഹാരങ്ങളും കേക്കുകളും വേറെ; ഇന്ത്യക്കാർക്ക് ഇടയില്‍ ബോധവത്കരണം ഇങ്ങനെയും

"വീട്ടുജോലികൾ ചെയ്തു കഴിഞ്ഞ ശേഷമാണ് ഞാന്‍ പഠനത്തിനായി തെരഞ്ഞെടുക്കുന്നത്. അതിന്‍റെ ഇടയില്‍ മകനെ നോക്കുകയും വേണം. കിട്ടുന്ന കുറച്ച് സമയം ആണ് പഠനത്തിനായി മാറ്റി വെച്ചത്. പഠിക്കുന്ന സമയത്ത് എന്റെ അമ്മായിയമ്മ സഹായിച്ചിരുന്നു. പലപ്പോഴും ജോലിയില്‍ തന്നെ സഹായിക്കും. ഫലം വന്നപ്പോള്‍ ഞാന്‍ ശരിക്കും സന്തുഷ്ടയാണ്. ബിരുദം എടുക്കാന്‍ ആണ് ആഗ്രഹം എന്ന് യുവതി പറഞ്ഞു.

കുട്ടികള്‍ക്ക് ലഭിക്കുന്ന വിദ്യാഭ്യാസത്തിന്‍റെ കാര്യങ്ങളെ കുറിച്ച് പഠിക്കുന്ന യംഗ് ലൈവ്സിന്റെ റിപ്പോർട്ട് അനുസരിച്ച് ബാലവിവാഹം നടക്കുന്നതില്‍ ത്രിപുര രണ്ടാം സ്ഥാനത്താണ്. ഇവിടെ നടക്കുന്ന വിവാഹങ്ങളിൽ 21.6 ശതമാനവും 15 നും 19 നും ഇടയിൽ പ്രായമുള്ളവരാണെന്നാണ് റിപ്പോര്‍ട്ട് പറയുന്നത്.
ദേശീയ ശരാശരിയുടെ 11.9 ശതമാനമാണ് ഇത്.