ഇടിമിന്നലേറ്റ് മരിച്ച 9 വയസുകാരന്‍റെ അവയവങ്ങള്‍ ദാനം ചെയ്ത് മാതാപിതാക്കള്‍; പുതുജീവനേകിയത് മൂന്ന് കുട്ടികൾക്ക്

മരണ ശേഷം അവയവങ്ങള്‍ ദാനം ചെയ്യുന്ന നിരവധി പേരെ കുറിച്ച് നാം കേട്ടിട്ടുണ്ട്. എന്നാല്‍ കഴിഞ്ഞ ദിവസം ഇംഗ്ലണ്ടില്‍ ഏവരേയും ഞെട്ടിക്കുന്ന ഒരു സംഭവം നടന്നു. ഇടിമിന്നലേറ്റ് മരിച്ച 9 വയസുകാരന്‍ തന്‍റെ അവയവങ്ങൾ ദാനം ചെയ്തതിലൂടെ പുതുജീവനേകിയത് മൂന്ന് കുട്ടികൾക്കായിരുന്നു. കുട്ടിയുടെ പിതാവാണ് സംഭവം ഫേസ്ബുക്കില്‍ എഴുതിയത്. ജോർദാന്‍ എന്നാണ് മരിച്ച കുട്ടിയുടെ പേര്.

ഞാൻ എന്റെ വ്യക്തിപരമായ കാര്യങ്ങള്‍ ഒന്നും തന്‍റെ ഫേസ്ബുക്കില്‍ എഴുതുന്ന ആള്‍ അല്ല. എന്നാല്‍ തന്‍റെ മകന്‍ ജോര്‍ദാനെ കുറിച്ച് ഇവിടെ പറയാതെ പോകുന്നത് ശരിയല്ല. ചെറിയ കുട്ടിയാണെങ്കിലും അവന്‍ ഇപ്പോള്‍ ചെയ്ത കാര്യങ്ങള്‍ അത്ര ചെറുതല്ല. അവന് മറ്റുള്ളവരെ സഹായിക്കാന്‍ കഴിയുന്ന ഒരു മനസ്സ് ഉണ്ടായിരുന്നു. അവന്‍റെ മാതാപിതാക്കള്‍ ആയിരിക്കാന്‍ സാധിച്ചതില്‍ ഞങ്ങള്‍ക്ക് അഭിമാനം ഉണ്ടെന്ന് പിതാവ് ജോർദാനെ കുറിച്ച് ഫേസ്ബുക്കില്‍ എഴുതി.

അവൻ എക്കാലത്തെയും മികച്ച കുട്ടിയാണ്. എന്‍റെ ജോർദാനെ പോലെയുള്ള ഒരു മകനെ കിട്ടുന്നത് അത്രക്ക് പുണ്യം ചെയ്തവര്‍ക്കാണെന്ന് അദ്ദേഹം ഫേസ്ബുക്കില്‍ പങ്കുവെച്ച കുറിപ്പില്‍ പറയുന്നു. മൂന്ന് കുട്ടികള്‍ക്ക് ജീവന്‍ നല്‍കിയാണ് അവന്‍ ഞങ്ങളെ വിട്ടു പോയത്. എപ്പോഴും ഞങ്ങള്‍ അവനെ ഓര്‍ത്ത് അഭിമാനം കൊള്ളും. മറ്റുള്ളവരെ സഹായിക്കാന്‍ അവന്‍ കാണിച്ച മിടുക്ക് എന്നും മാതൃകയാണ്. നിരവധി പേരാണ് പോസ്റ്റിന് താഴെ കമന്‍റുമായി എത്തിയിരിക്കുന്നത്.

ജീവിച്ചിരിക്കുമ്പോള്‍ തന്നെ മറ്റുള്ളവരെ സഹായിക്കുന്നതിന്‍ അവന്‍ മിടുക്കനായിരുന്നു . ഈ വർഷം ആദ്യം ജോര്‍ദാന്‍റെ അമ്മാവന്റെ സ്മരണയ്ക്കായി മാനസിക-ആരോഗ്യ ചാരിറ്റികൾക്കായി പണം സ്വരൂപിക്കുന്നതിനുള്ള ഓട്ടത്തിൽ അവന്‍ പങ്കെടുത്തിരുന്നു. ജോര്‍ദാന്‍റെ അച്ഛന്‍റെ വാക്കുകള്‍ സോഷ്യല്‍ മീഡിയയില്‍ വലിയ ചര്‍ച്ചയായിരിക്കുകയാണ്.