മിസ് ഇന്റർനാഷനൽ ട്രാ൯സ് 2021ൽ സെക്കന്റ് റണ്ണറപ്പ് കിരീടം നേടി ഇന്ത്യക്കാരി. ആർച്ചി സിംഗ് എന്ന 22 വയസ്സുകാരിയാണ് ഈ നേട്ടം സ്വന്തമാക്കിയിരിക്കുന്നത്. സൗത്ത് അമേരിക്കയിലെ കൊളംബിയയിൽ വെച്ചായിരുന്നു മത്സരം നടന്നത്. ഇന്ത്യയിയിലെ ട്രാ൯സ് സമൂഹത്തിന് മുഴുവനും അഭിമാനമായി മാറിയിരിക്കുകയാണ് ആർച്ചി സിംഗ് എന്ന ഈ ഇന്ത്യക്കാരി .
17ാമത്തെ വയസ്സിലാണ് ആര്ച്ചി ട്രാ൯സ് അവരുടെ വ്യക്തിത്വം വെളിപ്പെടുത്തിയത്. മറ്റൊരാളായി ജീവിക്കാന് താന് താല്പര്യപ്പെടുന്നില്ലെന്ന് വെളിപ്പെടുത്തിയായിരുന്നു അവര് നിലപാട് അറിയിച്ചത്. പിന്നീട് മോഡലിംഗ് രംഗത്തേക്ക് പ്രവേശിച്ചു. ട്രാ൯സ്ജെന്ഡറുകളെ പറ്റി സമൂഹത്തിൽ ബോധവത്കരിക്കുന്നതിന് വേണ്ടി ആര്ച്ചി സോഷ്യല് മീഡിയ പ്ലാറ്റ്ഫോം ഉപയോഗിച്ചു.
Also Read:
ലിംഗം മാറ്റിവെക്കൽ ശസ്ത്രക്രിയക്ക് വിധേയയായിട്ടുണ്ട്. അതിന് മുമ്പ് താന് നേരിട്ട വിവേജനങ്ങള് ഒരുപാട് ഉണ്ടെന്ന് ആര്ച്ച പറഞ്ഞതായി ന്യൂസ്18 റിപ്പോര്ട്ട് ചെയ്യുന്നു. ട്രാന്സ് ആണെന്ന് പറഞ്ഞാല് പലര്ക്കും മനസ്സിലായില്ല. അവര്ക്ക് സ്ത്രീ അല്ലെങ്കില് പുരുഷന് അത് മാത്രമാണ് അറിയുന്നതെന്ന് ആര്ച്ചി പറയുന്നു.
പ്രതികൂല സാഹചര്യങ്ങളോട് പൊരുതിയാണ് അവര് ഈ നേട്ടം കൈവരിച്ചത്. കൊളംബിയയിലെത്തി മറ്റു മത്സരാർത്ഥികളെ കണ്ടപ്പോഴാണ് എന്നെപ്പോലെ നിരവധി പേരുണ്ടെന്ന തിരിച്ചറിവ് കിട്ടിയത്. ട്രാ൯സ്ജെന്ററുകൾക്കും വേദികളുണ്ടെന്ന് അറിഞ്ഞപ്പോള് സന്തോഷം തോന്നി. മു൯വിധിയില്ലാതെ ആളുകൾ ഞങ്ങളെ സമീപിക്കുന്ന ഒരിടത്ത് എത്തിയപ്പോള് സന്തോഷം തോന്നിയെന്ന് ആര്ച്ചി പറയുന്നു.