ഭൗതികശാസ്ത്രം, രസതന്ത്രം എന്നിവ ഉൾപ്പെടുത്തി പുതിയ പഠന രീതി; 100 മോഡൽ സ്കൂളുകൾ ആരംഭിക്കാന്‍ ഒരുങ്ങി ഡൽഹി സർക്കാർ

അടുത്ത വര്‍ഷം മുതല്‍ ഡല്‍ഹിയിലെ വിദ്യാഭ്യാസ മേഖലയ്ക്ക് വലിയ മാറ്റങ്ങള്‍ ആണ് വരാന്‍ പോകുന്നത്.
നൂറിലധികം സ്കൂളുകൾ മാതൃകാ സ്കൂളുകളായി വികസിപ്പിക്കും. സ്കൂളുകളിൽ സയൻസ് സ്ട്രീം ആരംഭിക്കാന്‍ ആണ് മുന്‍ഗണന നല്‍കുന്നത്. ഭൗതികശാസ്ത്രം, രസതന്ത്രം തുടങ്ങിയ വിഷയങ്ങൾക്കായി വ്യത്യസ്ത ക്ലാസ് മുറികൾ വികസിപ്പിച്ചെടുക്കും. സയൻസ് മ്യൂസിയം-കം-ഇന്റർപ്രെട്ടേഷൻ സെന്റർ സ്ഥാപിക്കാനും പദ്ധതിയുണ്ട്.10 സ്കൂളുകളിൽ ഹൈഡ്രോപോണിക്സ് ആരംഭിക്കാവും സര്‍ക്കാര്‍ പദ്ധതിയിടുന്നുണ്ട്.

Also Read: ജീവനക്കാരൻ മരിച്ചു; കച്ചവടം തടസ്സപ്പെടാതിരിക്കാൻ മൃതദേഹം കുടകൾ കൊണ്ട് മറച്ച് ഉടമ

ഈ പദ്ധതികളെല്ലാം വിദ്യാഭ്യാസ ഡയറക്ടറേറ്റിന്റെ വിഷൻ -2030 ന്റെ ഭാഗമായാണ് ഉൾപ്പെടുത്തിയിരിക്കുന്നത്. ഇതുവരെ 54 സ്കൂളുകൾ തലസ്ഥാനത്ത് മാതൃകാ സ്കൂളുകളായി വികസിപ്പിച്ചിട്ടുണ്ട്. ആധുനിക അടിസ്ഥാന സൗകര്യങ്ങളും സാങ്കേതികവിദ്യയും ഈ സ്കൂളുകളിൽ സജ്ജീകരിച്ചിരിച്ചിട്ടുണ്ട്. മോശം അവസ്ഥയിലുള്ള സ്കൂളുകള്‍ കണ്ടെത്തി പുതിയ സാങ്കേതിക വിദ്യ ഉപയോഗിച്ച് പ്രവര്‍ത്തനം ആരംഭിക്കാന്‍ ആണ് പദ്ധതി. പൊതുമരാമത്ത് വകുപ്പായിരിക്കും ഈ സ്കൂളുകൾ വികസിപ്പിച്ചെടുക്കുക. സയൻസ് വിദ്യാഭ്യാസത്തിന് കൂടുതല്‍ മുന്‍ഗണന നല്‍കി കൊണ്ടാണ് സ്കൂളുകള്‍ ആരംഭിക്കുന്നത്. ഓഗസ്റ്റ് 30 നകം സയൻസ് സ്ട്രീം ആരംഭിക്കുന്ന സ്കൂളുകളെ തിരിച്ചറിയാൻ സാധിക്കും എന്നാണ് വിദ്യാഭ്യാസ വകുപ്പിന്‍റെ കണ്ടെത്തല്‍.ഭൗതികശാസ്ത്രം, രസതന്ത്രം, ഗണിതം, ഭൂമിശാസ്ത്രം തുടങ്ങിയ വിഷയങ്ങളുടെ തീം അടിസ്ഥാനമാക്കിയുള്ള പഠനത്തിനായി വ്യത്യസ്ത ക്ലാസ് മുറികൾ വികസിപ്പിക്കും.

Also Read: ഡ്രൈ ഫ്രൂട്ട്സില്‍ വിനായക പ്രതിമ; വ്യത്യസ്ത വിനായക ചതുർഥി ആഘോഷവുമായി ഡോക്ടർ

സ്‌കൂൾ കുട്ടികൾക്കായി ശാസ്ത്ര പഠനത്തിന് കൂടുതല്‍ ഊന്നല്‍ നല്‍കാനും അതിനായി കേന്ദ്രം സ്ഥാപിക്കാനും സർക്കാർ പദ്ധതിയിടുന്നു. ശാസ്ത്രത്തെക്കുറിച്ചും സാങ്കേതികവിദ്യയിലെ പുരോഗതിയെക്കുറിച്ചും വിദ്യാർത്ഥികൾക്ക് നന്നായി മനസ്സിലാക്കുന്നതിനായി ലോകോത്തര സയൻസ് മ്യൂസിയം-കം-ഇന്റർപ്രെട്ടേഷൻ സെന്റർ സ്ഥാപിക്കും. ഇതിനായി വിദഗ്ദ്ധ സമിതിയുടെ യോഗം സംഘടിപ്പിക്കാന്‍ സര്‍ക്കാര്‍ പദ്ധതിയിടുന്നുണ്ട്.