അപൂർവത്തിൽ അപൂർവം... മസ്തിഷ്ക മരണം സംഭവിച്ചയാളുടെ കരൾ എച്ച്ഐവി രോഗിയ്ക്ക് മാറ്റിവെച്ചു!

പൂനെ: മസ്തിഷ്ക മരണം സംഭവിച്ചയാളുടെ കരൾ 54കാരനായ എച്ച്ഐവി രോഗിയ്ക്ക് മാറ്റിവെച്ച് ഡോക്ടർമാർ. മസ്തിഷ്കമരണം സംഭവിച്ചയാളുടെ ബന്ധുക്കളുടെ അനുമതിയോടെയാണ് കരൾ മാറ്റിവെച്ചത്. ഇത്തരത്തിലുള്ള ശസ്ത്രക്രിയ ഈ അടുത്ത കാലത്ത് വരെ നടത്തിയിരുന്നില്ല. ശസ്ത്രക്രിയക്ക് ശേഷം 54കാരനെ ഡിസ്ചാർജ് ചെയ്തു. അദ്ദേഹം ആരോഗ്യവാനായി ഇരിക്കുന്നുവെന്ന് ഡോക്ടർമാർ വ്യക്തമാക്കി.

രാജ്യത്ത് തന്നെ എച്ച്ഐവി രോഗിയ്ക്ക് കരൾ മാറ്റിവെക്കുന്ന ശസ്ത്രക്രിയ അപൂർവത്തിൽ അപൂർവമായി മാത്രമേ നടന്നിട്ടുള്ളൂ. പൂനെയിലെ റൂബി ഹാൾ ക്ലിനിക്കിലാണ് ശസ്ത്രക്രിയ നടന്നത്. നഗരത്തിലെ ആദ്യത്തെ ഇത്തരത്തിലുള്ള കരൾ മാറ്റിവെക്കലാണ് ഇതെന്ന് ഡോക്ടർമാ അറിയിച്ചു.

Also Read: ബോറടി മാറണം, ഈസിയാവണം, തമാശ വേണം; ഗൂഗിൾ പറയുന്നു, ആളുകൾ തിരയുന്നത് ഇതൊക്കെയാണ്!!

എച്ച്ഐവി ബാധിച്ച് കരൾ ഏകദേശം പൂർണമായി പ്രവർത്തിക്കാത്ത ആളെയാണ് ജീവിതത്തിലേക്ക് തിരികെ കൊണ്ടുവരുന്നത്. എത്രയും പെട്ടെന്ന് കരൾ മാറ്റിവെച്ചില്ലെങ്കിൽ മരണം വരെ സംഭവിക്കുമെന്ന ഘട്ടത്തിലാണ് മസ്തിഷ്ക മരണം സംഭവിച്ച ഒരു ദാതാവിനെ ലഭിച്ചത്. ഇരുവരുടെയും രക്തഗ്രൂപ്പ് ഒന്നായതിനാൽ ഡോക്ടർമാർക്ക് കൂടുതൽ ചിന്തിക്കേണ്ടി വന്നില്ല.

കൊവിഡ് പരിശോധനകൾക്ക് ശേഷം പ്രോട്ടോക്കോൾ പാലിച്ചാണ് കരൾ മാറ്റിവെച്ചത്. കൊവിഡ് പ്രതിസന്ധി കാലത്ത് മറ്റ് ശസ്ത്രക്രിയകളും മറ്റും നടക്കുന്നത് തന്നെ കുറവായ കാലത്ത് വലിയ പ്രതീക്ഷയാണ് ഈ കരൾ മാറ്റ ശസ്ത്രക്രിയ നൽകുന്നതെന്നും ഡോക്ടർമാർ പറഞ്ഞു.