തെരുവിൽ കഴിഞ്ഞിരുന്ന ആളുടെ താടിയും മുടിയും വെട്ടി ചിത്രം സോഷ്യല്‍ മീഡിയയില്‍ പങ്കുവെച്ചു; പിന്നാലെ സംഭവിച്ചത് വമ്പന്‍ ട്വിസ്റ്റ്

തെരുവിൽ നടന്നിരുന്ന ആളോട് ഭക്ഷണം വേണോ എന്ന് ചോദിച്ചു. എന്നാല്‍ അയാളുടെ മറുപടി മറ്റൊന്നായിരുന്നു. ഭക്ഷണം വേണ്ട തന്റെ മുടിയും താടിയും വെട്ടിത്തരാമോ എന്നായിരുന്നു ചോദ്യം. എന്നാല്‍ മുടിവെട്ടുകയല്ലേ ഇത്തിരി ഫ്രീക്ക് ആയി ഇരിക്കട്ടെയെന്ന് ബാര്‍ബറും വിചാരിച്ചു. മുടി വെട്ടി അദ്ദേഹം ഇയാളുടെ ആദ്യത്തെ ചിത്രവും രണ്ടാമത്തെ ചിത്രവും സോഷ്യല്‍ മീഡിയയില്‍ പങ്കുവെക്കുകയും ചെയ്തു. സംഭവം പെട്ടെന്ന് തന്നെ സോഷ്യല്‍ മീഡിയയില്‍ വൈറലായി. പിന്നീട് നടന്നത് എല്ലാം അവിശ്വസനീയമായ കാര്യങ്ങള്‍ ആയിരുന്നു. ബ്രസീലിലെ ഗോയിനിയ നഗരത്തിലാണ് സംഭവം നടന്നത്.

തെരുവിൽ ജീവിക്കുന്ന ജോവോ കോയൽഹോയോട് ലോബോയുടെ ഫാഷൻ സ്റ്റോറിനു മുമ്പിൽ എത്തിയപ്പോള്‍ ലോബോ ചോദിച്ചു. താങ്കള്‍ക്ക് ഭക്ഷണം വോണോ എന്നാല്‍ തനിക്ക് ഭക്ഷണം വേണ്ടെന്നും മുടിയും താടിയും വെട്ടിത്തരാമോയെന്ന് ജോവോ ചോദിച്ചു. ഉടന്‍ തന്നെ തന്റെ ഫാഷൻ സ്റ്റോറിലേക്ക് കൂട്ടിക്കൊണ്ടു പോയി ലോബോ അയാളുടെ മുടിയും താടിയും വെട്ടാനുള്ള സൗകര്യം ചെയ്തു കൊടുത്തു. മുടി വെട്ടി താടി കളഞ്ഞു വന്നപ്പോള്‍ ജോവോ എല്ലാവരേയും ഒന്നു ഞെട്ടിച്ചു.



Also Read: അഞ്ച് വര്‍ഷം മുന്‍പ് പിണങ്ങിപോയ ഭാര്യയെ തിരിച്ചെത്തിക്കണം; തെങ്ങില്‍ കയറി യുവാവിന്‍റെ എട്ടുമണിക്കൂര്‍ പ്രതിഷേധം

ജോവോയുടെ ഈ മേക്കോവറിന്റെ ചിത്രം ലോബോ അവരുടെ ഇന്‍സ്റ്റഗ്രാം പേജിലൂടെ പങ്കുവെച്ചു. ചിത്രം പെട്ടെന്ന് വൈറലായി. ഇതിന്‍റെ ഇടയില്‍ ആണ് ഒരു ട്വിസ്റ്റ് സംഭവിച്ചത്. ചിത്രം കണ്ട ജോവോയുടെ സഹോദരിയും അമ്മയും ഇയാളെ തേടിയെത്തി. 10 വർഷം മുമ്പ് കാണാതായ മകനാണെന്നും മരിച്ചു പോയെന്നാണ് കരുതിയതെന്നും യുവതി പറയുന്നു. ക്രിസ്മസ് കാലത്ത് ഒരാളുടെ ജീവിതത്തിൽ ‌മാറ്റത്തിന് കാരണമാകാന്‍ സാധിച്ചതിന്‍റെ സന്തോഷത്തിലാണ് ലോബോ.