ലോകത്തിലെ ഏറ്റവും വേഗതയേറിയ മനുഷ്യ കാൽക്കുലേറ്റർ ഈ ഹൈദരാബാദുകാരൻ!!

ലോകത്തിലെ ഏറ്റവും വേഗതയേറിയ മനുഷ്യ കാൽക്കുലേറ്റർ എന്ന അപൂർവ നേട്ടം കൈവരിച്ച് ഹൈദരാബാദ് സ്വദേശി. ഡൽഹി സെൻറ് സ്റ്റീഫൻസ് കോളേജിൽ നിന്നും ഗണിതശാസ്ത്രം ബിരുദധാരിയായ നീലകാന്ത ഭാനുപ്രകാശാണ് ലോകരാജ്യങ്ങളിലെ നിരവധി മത്സരാർഥികളെ പരാജയപ്പെടുത്തി ലണ്ടൻ മൈൻഡ് സ്പോർട്സ് ഒളിമ്പ്യാഡ് 2020ലെ മെൻറൽ കാൽക്കുലേഷൻ ലോക ചാമ്പ്യൻഷിപ്പിൽ സ്വർണമെഡൽ നേടിയത്.

23 വർഷത്തിന് ശേഷമാണ് ഒരു ഇന്ത്യക്കാരൻ ഈ മത്സരത്തിൽ ഒന്നാം സ്ഥാനം നേടുന്നത്. എട്ടാം വയസ്സ് മുതലുള്ള കഠിനാധ്വാനത്തിൻെറ ഫലമായാണ് 20ാം വയസ്സിൽ ഭാനുപ്രകാശിന് ഈ നേട്ടെ കൈവരിക്കാൻ സാധിച്ചത്. 167 പോയിൻറ് നേടിയാണ് ഹൈദരാബാദുകാരൻ വിജയിച്ചത്. ലെബനീസ് യുവാവ് 102 പോയിൻറുമായി രണ്ടാം സ്ഥാനവും നേടി.

Also Read: മക്കെൻസിയിൽ 1.6 കോടി രൂപയുടെ പാക്കേജ്; ആരും കൊതിക്കുന്ന ജോലി സ്വന്തമാക്കി യുവാവ്

30 പേർ പങ്കെടുത്ത മത്സരത്തിൽ പങ്കെടുത്ത ഏറ്റവും പ്രായമുള്ളയാൾ 57കാരനായിരുന്നു. "മനസ് കൊണ്ട് കണക്ക് കൂട്ടുന്നതിൽ ജീനിയസ് ആയിട്ടുള്ള ശകുന്തളാ ദേവിയും ശ്രീനിവാസ രാമാനുജനും ഒക്കെ നമ്മുടെ നാട്ടിൽ നിന്നുള്ളവരാണ്. എന്നാൽ ആധുനിക കാലത്ത് ഇത്തരത്തിൽ ഒരു നേട്ടം മറ്റാർക്കും നേടാൻ സാധിച്ചിട്ടില്ല," ഭാനുപ്രകാശ് പറഞ്ഞു.

Also Read: വീട്ടിലെ മുറിയിൽ ഭാര്യയെ ഭർത്താവ് ചങ്ങലക്കിട്ടു; 6 മാസത്തിന് ശേഷം പീഡനത്തിൽ നിന്ന് മോചനം!!