ഇന്ത്യൻ മൺസൂണും ലക്ഷദ്വീപിലെ പവിഴപ്പുറ്റുകളും തമ്മിൽ ബന്ധമുണ്ടോ? പുതിയ പഠനം പറയുന്നത് ഇതാണ്!

നൂറ്റാണ്ടുകൾക്കിടയിൽ ഇന്ത്യൻ ഉപഭൂഖണ്ഡത്തിൽ ഉണ്ടാവുന്ന കാലാവസ്ഥാ വ്യതിയാനങ്ങളെപ്പറ്റി ലക്ഷദ്വീപിലെയും മാലിദ്വീപിലെയും പവിഴപ്പുറ്റുകൾക്ക് നിർണായക വിവരം നൽകനാവുമെന്ന് പഠനം. പഴയകാലം മുതലുള്ള മഴയുടെ അളവ്, ചൂട് തുടങ്ങിയ കാര്യങ്ങളെക്കുറിച്ച് പവിഴപ്പുറ്റിൽ നിന്ന് വിവരങ്ങൾ കണ്ടെത്താനാവും. പൂനെ ആസ്ഥാനമായ ഇന്ത്യൻ ഇൻസ്റ്റിറ്റ്യൂട്ട് ഓഫ് ട്രോപ്പിക്കൽ മെട്ടറോളജിയാണ് ഇതുമായി ബന്ധപ്പെട്ട് പഠനം നടത്തിയത്.

ഇന്ത്യൻ മൺസൂണിൻെറ വരവും പോക്കുമായി ബന്ധപ്പെട്ട നിർണായക വിവരങ്ങൾ നൽകാൻ പവിഴപ്പുറ്റുകൾക്ക് സാധിക്കുമെന്നാണ് പഠനം. മൺസൂണിനെ നിർണയിക്കുന്ന ഒരു പ്രധാന ഘടകമാണ് സമുദ്രോപരിതലത്തിലെ ഊഷ്മാവ്. ഈ ഊഷ്മാവ് കൂടുന്നതിന് അനുസരിച്ചാണ് എല്ലാ സമുദ്രങ്ങളിലെയും ലവണത്വം കൂടുന്നതെന്ന് ശാസ്ത്രഞ്ജൻമാർ പറയുന്നു.

Also Read: ഭാര്യമാർ വാടകയ്ക്ക്; ഇന്ത്യയിലെ വിചിത്ര ഗ്രാമത്തിന്‍റെ കഥ ഇങ്ങനെ

സമുദ്രോപരിതലത്തിലെ ഊഷ്മാവ് കൂടുന്നതിനനുസരിച്ച് ബാഷ്പീകരണ തോത് കൂടുന്നു. എന്നാൽ ലക്ഷദ്വീപ് കടലിൽ ഇതിൽ നിന്ന് വ്യത്യസ്തമായ രീതിയാണുള്ളത്. വടക്കേ ഇന്ത്യൻ സമുദ്രത്തിലും സ്ഥിതി ലക്ഷദ്വീപ് കടലിന് സമാനമാണെന്നാണ് കണ്ടെത്തൽ. 300-400 വർഷങ്ങൾ വരെയാണ് സാധാരണഗതിയിൽ ഒരു പവിഴപ്പുറ്റ് നിലനിൽക്കുക.

Also Read: ഫെയ്സ്ബുക്കില്‍ ഭാര്യയെകുറിച്ച് പോസ്റ്റിട്ടു; കേസ് കോടതിയില്‍ എത്തിയപ്പോള്‍ ഭര്‍ത്താവിന് കിട്ടിയത് എട്ടിന്‍റെ പണി

പശ്ചിമഘട്ടത്തിലെ മഴയുടെ തോതുമായി ബന്ധപ്പെട്ട നിർണായക വിവരങ്ങൾ നേരത്തെ പവിഴപ്പുറ്റുകളെ സംബന്ധിച്ച പഠനങ്ങളിൽ നിന്ന് ലഭിച്ചിരുന്നു. കാലാവസ്ഥാ വ്യതിയാനം പവിഴപ്പുറ്റുകൾക്ക് വലിയ ഭീഷണിയാവുന്നുണ്ട്. നിലവിൽ ഇവയെ വംശനാശഭീഷണി നേരിടുന്ന കൂട്ടത്തിലാണ് പെടുത്തിയിരിക്കുന്നത്.