പുറത്തിറങ്ങുമ്പോൾ മുഖംമൂടി ധരിക്കുന്നത് ഇന്ന് ആവശ്യമായി മാറിയിരിക്കുന്നു.കൊവിഡ് 19 പടരാതിരിക്കാന് വേണ്ടിയാണ് മാസ്ക് ധരിച്ച് ആളുകള് പുറത്തിറങ്ങുന്നത്. എന്നാല് മനുഷ്യര് ധരിക്കുന്ന ഒരു മാസ്ക് ചുമക്കുന്ന പക്ഷിയുടെ ചിത്രം ആണ് ശ്രദ്ധനേടുന്നത്. ചിത്രം ട്വിറ്ററില് ചര്ച്ചയായിരിക്കുകയാണ്.
ഫോട്ടോയില് ഒരു ജലാശയത്തിൽ നിന്ന് കൊക്കില് മാസ്കുമായി പക്ഷി വരുന്നത് കാണാം. ഫെയ്സ് മാസ്കുകൾ ശരിയായി ഉപയോഗിക്കുന്നില്ലെന്നാണ് ഈ ചിത്രം കാണിക്കുന്നത് എന്നാണ് സോഷ്യല് മീഡിയയില് ഉയര്ന്നു വരുന്ന അഭിപ്രായങ്ങള്.ഇന്ത്യൻ ഫോറസ്റ്റ് സർവീസസ് (ഐ.എഫ്.എസ്) ഉദ്യോഗസ്ഥൻ സൂസന്ത നന്ദയാണ് ഫോട്ടോ ട്വീറ്റ് ചെയ്തത്.
മാക്സ് ധരിക്കുന്നത് പോലെ തന്നെ പ്രധാനമാണ് അത് നീക്കം ചെയ്യുന്നത്. ദയവായി ആ കാര്യത്തില് നമ്മള് ഉത്തരവാദിത്വം കാണിക്കണം എന്ന് ഫോട്ടോ പോസ്റ്റ് ചെയ്ത് അദ്ദേഹം ട്വിറ്ററില് കുറിച്ചു. എന്നാല് ട്വിറ്ററില് ഇതിനെ കുറിച്ച് വലിയ ചര്ച്ചകള് ആണ് നടക്കുന്നത്. ആളുകൾക്കിടയിൽ ഇതിനെക്കുറിച്ച് അവബോധം സൃഷ്ടിക്കുന്നത് വളരെ ഇത് ഇങ്ങനെ തന്നെ തുടരും എന്നാണ് കമന്റ് എത്തുന്നത്. പ്ലാസ്റ്റിക് മാലിന്യങ്ങള് വൃത്തിയാക്കാന് നടന്ന നമ്മള് ഇനി മാസ്കുകള് എടുത്ത് മാറ്റേണ്ട നിലയില് കാര്യങ്ങള് എത്തുമോ എന്ന ചോദ്യവും ഫോട്ടോക്ക് താഴെ ഉയരുന്നുണ്ട്.
Also Read: ഇനി പ്ലാസ്റ്റിക്കിനോട് നോ പറയാം; പച്ചക്കറിയും വിനാഗിരിയും ചേർത്ത് തയ്യാറാക്കിയ ഭക്ഷ്യയോഗ്യമായ സഞ്ചികള് വരുന്നു
കഴിഞ്ഞ വർഷം, ഫ്ലോറിഡയിലെ ഒരു കടൽത്തീരത്ത് ഒരു അമ്മ പക്ഷി തന്റെ കുഞ്ഞിന് സിഗരറ്റ് കഴിക്കാന് നല്ക്കുന്ന ഫോട്ടോ വൈറലായിരുന്നു. പിനെല്ലസ് കൗണ്ടിയിലെ സെന്റ് പീറ്റ്സ് ബീച്ചിലെ ലാർഗോ നിവാസിയായ മേസൺ ആണ് അന്ന് ആ ചിത്രം പകർത്തിയത്.