ആപ്പ്ജില്ല

പ്രായം വെറും 7 വയസ്, കൊച്ചു മിടുക്കി കീഴടക്കിയത് 11,000 അടി ഉയരമുള്ള കൂറ്റൻ പർവതം, വർത്ത കണ്ട് ആശ്ചര്യപ്പെട്ട് സോഷ്യൽ മീഡിയ

ഇത്രയും ചെറിയ പ്രായത്തില്‍ ആരായിരിക്കും അവളുടെ കൂടെ കയറിയിട്ടുണ്ടാകുകയെന്ന ചോദ്യത്തിന് ഉത്തരം ആണ് ഏവരേയും അത്ഭുതപ്പെടുത്തുന്നത്.

Samayam Malayalam 4 Aug 2020, 4:11 pm
ആരുടെയും സഹായമില്ലാതെയാണ് ഏഴുവയസ്സുകാരി മലമുകളില്‍ എത്തിയത്. 11,000 അടി ഉയരമുള്ള കൂറ്റന്‍ പർവതത്തിന്റെ മുകളില്‍ ആണ് ഏഴു വയസ്സുകാരിയായ പെണ്‍കുട്ടി എത്തിയത്. ഇതോടെ ഇത്രയും അടി ഉയരമുള്ള പര്‍വ്വതം കയറുന്ന ഏറ്റവും പ്രായം കുറഞ്ഞ പെണ്‍കുട്ടിയായി അവള്‍ മാറി. എന്നാല്‍ ഇത്രയും ചെറിയ പ്രായത്തില്‍ ആരായിരിക്കും അവളുടെ കൂടെ കയറിയിട്ടുണ്ടാകുകയെന്ന ചോദ്യത്തിന് ഉത്തരം ആണ് ഏവരേയും അത്ഭുതപ്പെടുത്തുന്നത്. സംഭവം അറിഞ്ഞ് മൂക്കത്ത് വിരല്‍ വെച്ചിരിക്കുകയാണ് ഇപ്പോള്‍ സോഷ്യല്‍ മീഡിയ.
Samayam Malayalam കൂറ്റൻ പർവതം കീഴടക്കിയ  ഏഴ്വയസ്സുകാരി


പെണ്‍കുട്ടിയുടെ അച്ഛന്‍ പാർവതാരോഹകൻ ആണ്. അമ്മയും അച്ഛന്‍റെ കൂടെ മലകയറാന്‍ പോകും. അത്കൊണ്ടാണ് വളരെ ചെറുപ്പത്തില്‍ തന്നെ ഇത്രയും വലിയ വിജയം നേടാന്‍ കഴിഞ്ഞത്. കഴിഞ്ഞ ദിവസമാണ് കുടുംബം സ്വിറ്റ്സർലണ്ടിന്റെയും ഇറ്റലിയുടെയും അതിർത്തിയിലുള്ള പിസ് ബാഡൈൽ പർവതത്തില്‍ കയറാന്‍ തീരുമാനിച്ചത്. 40 കാരനായ അച്ഛനും 41കാരിയായ അമ്മയും രണ്ട് കുട്ടികളും ചേര്‍ന്നാണ് മലകയറാന്‍ പോയത്. മൂന്ന് ദിവസത്തിനുള്ളിൽ അവര്‍ മലക്ക് മുകളില്‍ എത്തി. മൂന്ന് വയസുള്ള കുട്ടിയെ അമ്മ പുറത്ത് കെട്ടിയാണ് മല കയറിയത്.

Also Read: വഴിവക്കിലെ ജീവിത ദുരിതത്തിൽ നിന്നും സ്റ്റാഫ് സെലക്ഷന്‍ കമ്മീഷന്‍ പരീക്ഷയില്‍ മിന്നും വിജയം; ഒടുവില്‍ തേടിയെത്തിയത് സ്വപ്നം കാണാന്‍ കഴിയാത്ത ജീവിതം!

മലകയറ്റം എളുപ്പമുള്ള കാര്യമല്ല.അതും ഇത്ര ചെറിയ പ്രായത്തില്‍. മറ്റാരുടേയും സഹായമില്ലാതെ മലകയറുന്ന ഏറ്റവും പ്രായം കുറഞ്ഞ പെണ്‍കുട്ടിയാണ് ഈ ഏഴുവയസ്സുകാരി.15 കിലോ ഭാരം വരുന്ന ചെറിയ മകനെയും ചുമന്നാണ് യുവതി മല കയറിയത്. കൂടാതെ ക്യാമ്പിംഗ് ഉപകരണങ്ങളും ഭക്ഷണവും ഉണ്ടായിരുന്നു. മുൻ വർഷങ്ങളിൽ യുകെയിലും യൂറോപ്പിലും ഉള്ള പര്‍വ്വതങ്ങള്‍ ഇവര്‍ കയറിയിരുന്നു. എല്ലാ വേനൽക്കാലത്തും ഇത്തരത്തിലുള്ള സാഹസിക യാത്രകള്‍ ഇവര്‍ നടത്താറുണ്ട്. എന്നാല്‍ കഴിഞ്ഞ വര്‍ഷത്തേക്കാളും മിടുക്കരാണ് ഇത്തവണ കുട്ടികള്‍ എന്നാണ് രണ്ട് പേരുടെയും അഭിപ്രായം.


Also Read: 65 വർഷമായി ഈ ഗ്രാമത്തിലുള്ളവർ രക്ഷാബന്ധൻ ആഘോഷിക്കാറില്ല, ഇതിന് പിന്നിൽ ഭയപ്പെടുത്തുന്നൊരു കാരണമുണ്ട് !

ഈ നേട്ടം കൊണ്ട് ഒന്നും കുടുംബം പരിപാടി അവസാനിപ്പിക്കുന്നില്ല. മോണ്ടിനെഗ്രോയിലെ ഏറ്റവും ഉയർന്ന പർവതനിരകളിലൂടെയുള്ള ട്രെക്കിങ്ങിനായി അവര്‍ തയ്യാറെടുക്കുകയാണ്. കഴിഞ്ഞ വർഷം ലോകത്തിലെ ഏറ്റവും വിദൂര മലയായ സ്‌പെക്ടറിൽ കയറിയ ആദ്യത്തെ വനിതയായി ലിയോ മാറിയിരുന്നു. വിരലിലെണ്ണാവുന്ന ആളുകൾക്ക് മാത്രമേ ഇതൊക്കെ സാധിക്കുകയുള്ളു. പുതിയ പുതിയ ലക്ഷ്യങ്ങള്‍ കൈവരിക്കാനുള്ള ശ്രമത്തിലാണ് ഈ കുടുംബം.

ആര്‍ട്ടിക്കിള്‍ ഷോ