മനുഷ്യരെ പോലെ മൃഗങ്ങളെയും കാണണം; തുല്യ അവകാശങ്ങള്‍ നല്‍കാന്‍ സ്‌പെയിന്‍

മിണ്ടാപ്രാണികളെ വാഹനത്തിന് പിന്നില്‍ കെട്ടിവലിച്ചും സ്‌ഫോടക വസ്തുക്കള്‍ കൊണ്ട് മുറിവേല്‍പ്പിച്ചും അവയെ ഉപദ്രവിക്കുന്ന കാഴ്ചകള്‍ കണ്ട് മടുത്തെങ്കില്‍ സ്‌പെയിനിലേക്കൊന്നു കണ്ണോടിക്കുന്നത് നല്ലതായിരിക്കും. അവിടെ മൃഗങ്ങള്‍ക്കായി പ്രത്യേക നിയമം പോലുമുണ്ട്. മനുഷ്യരെ പോലെ തന്നെ അവയുടെ ഇഷ്ടങ്ങളും അവകാശങ്ങളും നല്‍കാനാണ് സ്‌പെയിനില്‍ നിയമം വരാനിരിക്കുന്നത്.

Also Read: നഖം നീട്ടിവളര്‍ത്തിയത് 30 വര്‍ഷം, 24 അടി നീളം, ഗിന്നസ് റെക്കോര്‍ഡില്‍ ഇടം നേടിയ നഖങ്ങള്‍ ഒടുവില്‍ വെട്ടിമാറ്റി

മൃഗങ്ങളെ സ്വന്തം കൂടപിറപ്പുകളെ പോലെ കാണാനാണ് അവിടെയുള്ള ജനത തയ്യാറെടുക്കുന്നത്. ഇതിലൂടെ എല്ലാത്തരം ജീവജാലങ്ങള്‍ക്കും മനുഷ്യരുടേതിന് സമാനമായ അവകാശങ്ങള്‍ പ്രദാനം ചെയ്യുകയാണ് രാജ്യം. പുതിയ നിയമപ്രകാരം ഉടമ ആണെങ്കിലും വളര്‍ത്തുമൃഗങ്ങളോട് മോശമായി പെരുമാറുന്നത് മറ്റൊരു വ്യക്തിയെ അധിക്ഷേപിച്ചതിന് സമാനമായ കുറ്റമായി കണക്കാക്കും.

'ഇത് നമ്മുടെ മാനസികാവസ്ഥയില്‍ വരുത്തുന്ന മാറ്റമാണെന്നും വേദനയും സന്തോഷവും വിഷമങ്ങളും ഉള്ള മൃഗങ്ങളെ ജീവജാലങ്ങളായി കാണുമെന്നും' സിവില്‍ റൈറ്റ്‌സ് അഭിഭാഷകന്‍ ലോല ഗാര്‍സിയ ലാ വാങ്കര്‍ഡിയയോട് പറഞ്ഞു.

Also Read: തായ്‌കൊണ്ടോയില്‍ സ്വര്‍ണ മെഡല്‍; അതും എട്ട് മാസം ഗര്‍ഭിണിയായിരിക്കെ !

വളര്‍ത്തുമൃഗങ്ങള്‍ക്ക് മനുഷ്യരുടേതിന് സമാനമായ നിയമപരമായ പദവി നല്‍കിയ മറ്റ് യൂറോപ്യന്‍ രാജ്യങ്ങളാണ് ഫ്രാന്‍സും ജര്‍മ്മനിയും ഓസ്ട്രിയയും പോര്‍ച്ചുഗലും. മൃഗങ്ങള്‍ വസ്തുക്കളല്ല, അവ വിചാരങ്ങളും വികാരങ്ങളുമുള്ള ജീവികളാണെന്ന് അംഗീകരിക്കണമെന്ന് നിയമം പാര്‍ലമെന്റില്‍ അവതരിപ്പിച്ച സാന്ദ്ര ഗുവൈത പറഞ്ഞു.