ഓര്‍മ്മ ശക്തി കൊണ്ട് അദ്ഭുതങ്ങള്‍; ഇന്ത്യ ബുക്ക് ഓഫ് റെക്കോർഡ്സിൽ ഇടം നേടി രണ്ട് വയസുകാരനായ മലയാളി

ഓര്‍മ്മ ശക്തി കൊണ്ട് അദ്ഭുതങ്ങള്‍ നേടിയിരിക്കുന്ന ബാലന്‍ ആണ് ഇപ്പോള്‍ സോഷ്യല്‍ മീഡിയയില്‍ വലിയ ചര്‍ച്ചയായിരിക്കുന്നത്. ഇന്ത്യ ബുക്ക് ഓഫ് റെക്കോർഡില്‍ ഇടം പിടിച്ചിരിക്കുകയാണ് തൃശൂർ സ്വദേശിയായ അരുൺ മുരളീധരന്റേയും അഞ്ജലി കൃഷ്ണയുടേയും മകനായ ദ്യുതിത് അരുൺ വാര്യർ . 40 രാജ്യങ്ങളുടെ പതാകകൾ തിരിച്ചറിയുക മാത്രമല്ല ഓരോ രാജ്യത്തിന്റെ സവിശേഷതകളും കൃത്യമായി ഈ കൊച്ചുമിടുക്കന് അറിയാം.

പക്ഷികൾ, വന്യമൃഗങ്ങൾ, പഴം, പച്ചക്കറി, വീട്ടുപകരണങ്ങൾ എല്ലാത്തരം സാധനങ്ങളുപേരും അറിയാം.കൂടാതെ രാജ്യത്തെ പ്രമുഖ നേതാക്കളുടെ പേരുകളും ഈ ബാലന് വൃക്തമായി അറിയാം. കുട്ടിക്കാലം മുതല്‍ തന്നെ ദ്യുത്തിന് പരിശീലനം നല്‍കിയത് അമ്മയുടെ സഹോദരിയായിരുന്നു. ദ്യുത്തിന്‍റെ അച്ഛന്‍ ഐടി ഉദ്യോഗസ്ഥനാണ്. അമ്മ എയിംസ് ആശുപത്രിയിൽ നഴ്സായി ജോലി ചെയ്യുന്നു.

Also Read: 12 മണിക്കൂര്‍ ചെരിപ്പിട്ട് അഭിപ്രായം പറയുക, ശമ്പളം 4 ലക്ഷം, വേറെ ലെവല്‍ പരസ്യം


പ്രധാനമന്ത്രി നരന്ദ്ര മോദി, അമേരിക്കൻ പ്രസിഡന്റ് ജോ ബൈഡൻ തുടങ്ങിയ പ്രമുഖ വ്യക്തിത്വങ്ങളെ തിരിച്ചറിയാനും ഈ കൊച്ചുമിടുക്കന് അറിയാം. ദ്യുതിത്തിന്റെ അമ്മയുടെ സഹോദരി അഞ്ജന കൃഷ്ണയാണ് ഈ നേട്ടത്തിന് പിന്നിലെന്ന് വീട്ടുകാർ പറയുന്നു. അരുണും അഞ്ജലിയും 6 വർഷത്തോളമായി ഡൽഹിയിലാണ് താമസം.

ഒരു വയസുള്ളപ്പോള്‍ തന്നെ ചെറിയ കഥകള്‍ പറഞ്ഞു കൊടുത്തിരുന്നു. പിന്നീട് കഥകള്‍ പറഞ്ഞി കൊടുക്കുമ്പോള്‍ ചിത്രങ്ങളെ കുറിച്ച് വിശദമായി പറഞ്ഞു കൊടുക്കാന്‍ തുടങ്ങി. പിന്നീട് ഈ കഥകള്‍ പറയുമ്പോള്‍ പഴയ കാര്യങ്ങള്‍ ഓര്‍ത്ത് പറയാന്‍ ദ്യുത്തിന് സാധിക്കുന്നത് കണ്ടെത്തി. അപ്പോഴാണ് കൂടുതല്‍ കാര്യങ്ങള്‍ അവനെ പഠിപ്പിക്കാന്‍ തുടങ്ങിയത്. പിന്നീട് ഓൺലൈൻ വഴി ചിത്രങ്ങളും പുസ്തകങ്ങളും എടുത്ത് അവനെ പഠിപ്പിക്കാന്‍ തുടങ്ങി. ലോക്ക്ഡൗണ്‍ സമയത്താണ് ഈ കൊച്ചുമിടുക്കന്‍ ഈ നേട്ടം കരസ്ഥമാക്കിയത്.